OTT Movie : లవ్ స్టోరీలు యువత మనసును దోచేస్తాయి. మన ప్రేమ కోసం కన్నీళ్లు పెడతామో లేదో గాని , సినిమాలలో వచ్చే ట్రాజెడీ లవ్ స్టోరీలకు దాసోహం అవుతాము. కొన్ని సీన్స్ వస్తున్నప్పుడు, ఒక్క చుక్క కన్నీటి బొట్టు కళ్ళల్లో దాగుడుమూతలాడుతూ ఉంటుంది. కొంతమంది కంట్లోనే కుళాయి తిప్పేస్తారు. ట్రాజిడీ లవ్ స్టోరీలు అలానే ఉంటాయి మరి. అలాంటి ఒక సినిమా ఓటీటీలో స్ట్రీమింగ్ అవుతోంది. ఈ సినిమా పేరు ఏమిటి ?ఎందులో స్ట్రీమింగ్ అవుతుంది ? అనే వివరాల్లోకి వెళితే …
ఆహాలో స్ట్రీమింగ్
‘దిల్ స్లిప్ ఝలాయ’ (Dil slip jhalaya) 2023లో వచ్చిన ఈ మరాఠీ సినిమా అనేక ప్రశంసలు అందుకుంది. ఈ చిత్రంలోని పాటలు, ముఖ్యంగా సోనాలీ సోనావనే అనే హర్షవర్ధన్ వావరే పాడిన టైటిల్ సాంగ్, “బెస్ట్ ప్లేబ్యాక్ సింగర్” విభాగంలో నామినేషన్లు కూడా సాధించింది. ప్రశాంత్ నక్తి దర్శకత్వంలో, సంకేత్ గురవ్ సంగీతం అందించిన ఈ చిత్రంలో, సోనాలీ సోనావనే, హర్షవర్ధన్ వావరే నటనతో మరాఠీ సినిమా ప్రియుల హృదయాలను గెలుచుకుంది. IMDbలో ఈసినిమా 7.2/10 రేటింగ్ను సాధించింది. ఈ సినిమాకి సంగీతం హైలెట్ గా నిలిచింది. ఇది Aha ఒటిటిలో స్ట్రీమింగ్కు అందుబాటులో ఉంది.
స్టోరీలోకి వెళితే
ఈ స్టోరీ ఒక సాధారణ గ్రామీణ యువకుడైన అర్జున్ చుట్టూ తిరుగుతుంది. అర్జున్ ఒక సాఫ్ట్వేర్ ఇంజనీర్. తన కుటుంబం, స్నేహితులతో సంతోషంగా ఉంటాడు. అతని జీవితంలోకి అనుకోకుండా ప్రియా అనే అమ్మాయి ఎంటర్ అవుతుంది. ప్రియా ఒక ఫోటోగ్రాఫర్. ఆమె తన జీవితాన్ని తనకు నచ్చినట్లు జీవించడానికి ఇష్టపడుతుంది. ఒక సంగీత కచేరీలో వీరిద్దరూ కలుసుకుంటారు. అక్కడ వారి మధ్య ఒక అనుకోని స్పార్క్ ఏర్పడుతుంది. ఇక అర్జున్, ప్రియా మధ్య ప్రేమ మొదలవుతుంది. ప్రియా గతంలో ఒక బాధాకరమైన సంఘటన కారణంగా ప్రేమపై నమ్మకాన్ని కోల్పోయి ఉంటుంది. ఆమె తన బాధలను బయటపెట్టడానికి ఇష్టపడదు. ఈ క్రమంలో అర్జున్ ఆమె ప్రేమను గెలుచుకోవడానికి ప్రయత్నిస్తుంటాడు.
తొందరగానే అర్జున్ ప్రియా మనసును గెలుచుకుంటాడు. కానీ ఒక ఊహించని సంఘటన వారి జీవితాలను తలకిందులు చేస్తుంది. కథలో ఒక షాకింగ్ ట్విస్ట్లో, ప్రియాకు ఒక తీవ్రమైన అనారోగ్యం ఉన్నట్లు తెలుస్తుంది. ఈ విషయం తెలిసిన అర్జున్ ప్రియాను మరింత గాఢంగా ప్రేమిస్తాడు. కానీ ప్రియా అతనిని దూరం చేయడానికి ప్రయత్నిస్తుంది. అతన్ని ఈ బాధ నుండి కాపాడాలని ఆలోచిస్తుంది. ఈ సమయంలో అర్జున్ తన ప్రేమను నిరూపించడానికి అనేక త్యాగాలు చేస్తాడు. అతను ప్రియా కలలను నెరవేర్చడానికి, ఆమె ఫోటోగ్రఫీ ఎగ్జిబిషన్ను ఏర్పాటు చేస్తాడు. ఆమె జీవితంలో చివరి రోజులను ఆనందంతో నింపడానికి ప్రయత్నిస్తాడు. అర్జున్ ఆమె జ్ఞాపకాలను తన హృదయంలో భద్రపరుచుకుంటాడు. ఇతని ప్రేమ అంత విలువైనదా ? ఆమె చనిపోయాక తన జ్ఞాపకాలతోనే బతుకుతాడా ? ఈ స్టోరీ ఎలా ముగుస్తుంది ? అనే విషయాలను తెలుసుకోవాలనుకుంటే, ఈ సినిమాను మిస్ కాకుండా చుడండి.
Read Also : చెత్తకుండీలో శవం… అమ్మాయిలను డ్రగ్ తో నల్లగా మాడ్చి మసి చేసే కిల్లర్… సీను సీనుకో ట్విస్ట్
Share
Anirudh: కింగ్ డం ప్రీ రిలీజ్ .. లైవ్ పెర్ఫార్మెన్స్ కి సిద్ధమైన అనిరుద్... హోరెత్తిపోవాల్సిందే!
TCS Layoffs: టీసీఎస్ సంచలన నిర్ణయం.. 12,200 మంది ఉద్యోగులకు భారీ షాక్..!
