Family Comedy Movie: ఇంట్లో పెద్దవాళ్లు ఒక్క రాత్రి బయటకు వెళ్లాల్సి వస్తే… పిల్లలను చూసుకునే బాధ్యత ఎవరో ఒకరిపై పడుతుంది. కానీ ఆ పిల్లలు మాత్రం అంత ఈజీగా మాట వినేవాళ్లు కాకపోతే చూసుకునే వాళ్ళకి కష్టంగా ఉంటుంది. అలాగే వాళ్లను కంట్రోల్ చేయడానికి వెళ్లిన వ్యక్తికే పట్టపగలే చుక్కలు కనిపిస్తాయి. మరి ఇలాంటి పిల్లల అల్లరితో మొదలైన చిన్న చిన్న సమస్యలు చివరికి ఇంట్లో పెద్ద గందరగోళంగా మారితే పరిస్థితి ఎలా ఉంటుంది ? ఇలాంటి సరదా పరిస్థితుల చుట్టూ తిరిగే ఫ్యామిలీ కామెడీ మూవీనే ‘ఫ్యామిలీ’ (Family). మరి ఈ సినిమా కథేంటి? ఏ ఓటీటీలో అందుబాటులోకి వచ్చిందంటే…
ఓ కుటుంబంలో తల్లిదండ్రులు తమ పనులతో బిజీగా ఉండాల్సి వస్తుంది. దాంతో పిల్లలను చూసుకునే బాధ్యత బేబీ సిట్టర్ పై పడుతుంది. పిల్లలతో కొంతసేపు గడిపి, వాళ్లను నిద్రపుచ్చి, రాత్రి ప్రశాంతంగా ముగించేయొచ్చని అతను మొదట అనుకుంటాడు. కానీ ఇంట్లో అడుగు పెట్టిన తర్వాతే అసలు విషయం అర్థమవుతుంది. పిల్లలు ఒక్కొక్కరు ఒక్కో రకంగా ఉండటంతో వాళ్లను చూసుకోవడం అనుకున్నంత సులభంగా సాగదు. ఒకరిని జాగ్రత్తగా చూసుకుంటుంటే, మరొకరు కొత్త అల్లరి మొదలుపెడతారు. వాళ్లను ఆపాలని ప్రయత్నిస్తే మరో సమస్య ఎదురవుతుంది.
ఇంట్లో ఉన్న వస్తువులతో పిల్లలు చేసే ప్రయోగాలు, చిన్న విషయాలపై గొడవలు, ఒకరిని ఒకరు ఇబ్బంది పెట్టుకోవడం… ఇలా ఒక్కో సంఘటన బేబీసిట్టర్ కు కొత్త తలనొప్పిగా మారుతుంది. అయితే సమస్య పిల్లల అల్లరితోనే ఆగిపోదు. ఏదైనా జరిగితే తల్లిదండ్రులకు ఎలా చెప్పాలి ? వాళ్లు తిరిగి వచ్చేలోపు పరిస్థితిని ఎలా చక్కదిద్దాలి ? అనే ఆలోచన అతడిని మరింత ఇబ్బంది పెడుతుంది. ఓ చిన్న సమస్యను దాచి పెట్టేందుకు ప్రయత్నిస్తే అది మరింత పెద్దదిగా మారుతుంది. చివరికి ఇంట్లో జరిగిన గందరగోళాన్ని సర్దుబాటు చేయడం అతడికి దాదాపు అసాధ్యంగా మారుతుంది.
ఈ క్రమంలో పిల్లలతో అతడికి ఏర్పడే అనుబంధం కూడా కథలో కీలకంగా మారుతుంది. మొదట వాళ్లను చూసుకోవడం ఓ బాధ్యతగా భావించిన అతడు… క్రమంగా వాళ్లను అర్థం చేసుకోవడం మొదలు పెడతాడు. పిల్లల అల్లరి వెనుక ఉన్న కారణాలు, వాళ్లకు కావాల్సిన ప్రేమ, శ్రద్ధ కూడా అతడికి అర్థమవుతాయి. అందుకే కేవలం కామెడీ కాకుండా కుటుంబ బంధాలను కూడా టచ్ చేసే కథగా సినిమా సాగుతుంది. మరి ఇంతకీ అతను ఆ పిల్లల అల్లరిని ఎలా కంట్రోల్ చేశాడు ? సమస్యలను ఎలా సర్దుబాటు చేశాడు ? క్లైమాక్స్ లో కథ సుఖాంతం అయ్యిందా లేదా ? అనేది మూవీని చూసి తెలుసుకోవాల్సిందే.
‘ఫ్యామిలీ’ మూవీ పేరుకు తగ్గట్టే ఫ్యామిలీ అంతా కలిసి చూసే విధంగా ఉంటుంది. 2026లో విడుదలైన ఈ ఇంగ్లిష్ కామెడీ మూవీ సెప్టెంబర్ 25ఓటేటీలోకి అడుగు పెట్టింది. కాకపోతే మూవీ డిజిటల్ స్ట్రీమింగ్ విషయంలో మాత్రం ఓ ట్విస్ట్ ఉంది. Prime Videoలో రెంట్ కి అందుబాటులో ఉంది. అది కూడా ఇండియాలో లేదు. విదేశాల్లో మాత్రమే మూవీ స్ట్రీమింగ్ అవుతోంది. పిల్లల అల్లరి, ఫ్యామిలీ పరిస్థితులు, కామెడీతో సాగిపోయే లైట్ ఎంటర్టైనర్గా ఈ సినిమాను చూడొచ్చు.
Read Also: ప్రేమకు అడ్డుగా మారిన ఊరి గొడవలు… తమిళనాడు బ్యాక్డ్రాప్లో ఇంట్రెస్టింగ్ లవ్ డ్రామా
Share
ది ప్యారడైజ్ ఫస్ట్ చాయిస్ కయాదు కాదా? ఆమె రిజెక్ట్ చేస్తేనే ఛాన్స్ వచ్చిందా?
డిజిటల్ తెలంగాణలో లైవ్ స్టాక్ చీకట్లు.. ఏళ్లు గడుస్తున్నా లేని వెబ్సైట్!
