OTT Movie : లో బడ్జెట్ తో తెరకెక్కే కొన్ని సినిమాలు మంచి బజ్ క్రియేట్ చేస్తాయి. ఆడియన్స్ నుంచి కూడా మంచి రెస్పాన్స్ వస్తుంది. ఇప్పుడు మనం చెప్పుకోబోయే హాలీవుడ్ సినిమా తక్కువ బడ్జెట్ ఎక్కువ హైప్ క్రియేట్ చేసింది. ఈ కథలో ఎనిమిది మంది క్యాండిడేట్స్, ఒక హై-ప్రొఫైల్ జాబ్ కోసం, ఒక సింపుల్ క్వశ్చన్‌కి ఆన్సర్ చేయాల్సి వస్తుంది. కానీ పేపర్ ఖాళీగా ఉండటంతో టెన్షన్, కన్ఫ్యూజన్ స్టార్ట్ అవుతుంది. ఈ క్రమంలో స్టోరీ థ్రిల్లర్ ఎలిమెంట్స్ తో నడుస్తుంది. ఈ సినిమా పేరు ఏమిటి ?ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాలను తెలుసుకుందాం పదండి.
‘ఎగ్జామ్’ (Exam) 2009లో విడుదలైన బ్రిటిష్ సైకలాజికల్ థ్రిల్లర్ ఫిల్మ్. స్టువర్ట్ హాజెల్డిన్ డైరెక్ట్ చేసిన ఈ సినిమాలో కోలిన్ సాల్మన్, లూక్ మాబ్లీ, జెమ్మా చాన్, నాథలీ కాక్స్, ఆడార్ బెక్, చుక్వుడి ఇవుజి, జిమి మిస్ట్రీ, పాలీన్నా మెక్‌ఇంటాష్, జాన్ లాయిడ్ నటించారు. ఈ సినిమా 2009 అక్టోబర్ లో రైన్‌డాన్స్ ఫిల్మ్ ఫెస్టివల్‌లో స్క్రీన్ అయింది. ఆ తర్వాత UKలో లిమిటెడ్ థియేట్రికల్ రిలీజ్ అయింది. ప్రస్తుతం నెట్‌ఫ్లిక్స్‌, ట్యూబీలో స్ట్రీమింగ్ అవుతోంది. 1 గంట 41 నిమిషాల నిడివి ఉన్న ఈ సినిమా IMDbలో 6.7/10 రేటింగ్ పొందింది.
ఈ కథ ఒక ఫార్మాస్యూటికల్ కంపెనీలో, CEO అసిస్టెంట్ ఉద్యోగం కోసం వచ్చిన ఎనిమిది మంది అభ్యర్థుల చుట్టూ తిరుగుతుంది. ఈ ఎనిమిది మందిలో నలుగురు పురుషులు, నలుగురు మహిళలు ఉంటారు. ఒక్క కిటికీ కూడా లేని గదిలో పరీక్ష కోసం కూర్చుంటారు. ఇన్విజిలేటర్ వారికి 80 నిమిషాల సమయం ఇస్తూ, ఒక ప్రశ్నకు సమాధానం రాయమని చెప్పి, మూడు నియమాలను వివరిస్తాడు. తనతో , అక్కడే ఉన్న గార్డుతో మాట్లాడకూడదు. పేపర్‌ను చెడగొట్టకూడదు. గదిని వదిలి వెళ్లకూడదు. అతను గడియారాన్ని స్టార్ట్ చేసి వెళ్లిపోతాడు. కానీ అభ్యర్థులు తమ పేపర్‌లను తిరగేసినప్పుడు, అవి ఖాళీగా ఉన్నాయని తెలుస్తుంది. కేవలం “క్యాండిడేట్” అనే పదం వారి సంఖ్య మాత్రమే ఉంటుంది. ఈ గందరగోళం కథకు ఉత్కంఠభరితమైన ప్రారంభాన్ని ఇస్తుంది.
ఖాళీ పేపర్‌లను చూసిన అభ్యర్థులు గందరగోళంలో పడతారు. ఒక అభ్యర్థి పేపర్‌పై రాసి నియమాన్ని ఉల్లంఘించి తొలగించబడుతుంది. మిగిలిన ఏడుగురు తమకు ఒకరితో ఒకరు మాట్లాడుకోవడానికి అనుమతి ఉందని గ్రహించి, కలిసి పనిచేయడానికి నిర్ణయించుకుంటారు. వైట్ అనే అభ్యర్థి వీళ్ళకు నాయకత్వం వహించి, అందరికీ రంగు జాతి ఆధారంగా మారుపేర్లు పెడతాడు. వీళ్ళంతా పేపర్‌లపై దాగిన సమాచారాన్ని కనిపెట్టడానికి రకరకాల ప్రయత్నాలు చేస్తారు. కానీ ఏదీ ఫలితాన్ని ఇవ్వదు. సమయం గడిచే కొద్దీ, అభ్యర్థుల మధ్య ఉద్రిక్తతలు పెరుగుతాయి. ఈ పరిశోధనలో, సహకారం క్రమంగా ద్రోహంగా మారుతుంది. కొందరు అభ్యర్థులు ఇతరులను తొలగించడానికి హింసాత్మక చర్యలకు దిగుతారు.
సమయం తగ్గుతున్న కొద్దీ, అభ్యర్థుల మధ్య పోటీ తీవ్రమవుతుంది. ఒకరు మరొకరిని తొలగించడానికి మోసం, హింసను ఉపయోగిస్తారు. బ్లాండ్ అనే అమ్మాయి చివరకు పరీక్ష పేపర్‌పై సూక్ష్మమైన అక్షరాలలో “Question 1” అనే పదాన్ని గుర్తిస్తుంది. ఇది ఇన్విజిలేటర్ పరీక్ష ప్రారంభంలో అడిగిన ఏకైక ప్రశ్న “Any questions?”ను సూచిస్తుంది. ఆమె “No” అని సమాధానం ఇస్తుంది. ఇది సరైన సమాధానంగా తేలుతుంది. చివరలో కంపెనీ CEO బయటికి వస్తాడు. కంపెనీ ఒక వైరస్ నివారణకి సెల్ రీజనరేషన్ టెక్నాలజీని కనుగొన్నట్లు తెలుస్తుంది. ఈ ట్విస్ట్ కథను ముగించి, స్లాషర్ హారర్ లేకుండా సైకలాజికల్ థ్రిల్లర్‌గా ఆకట్టుకుంటుంది.
Read Also : బాడీ బిల్డర్ తో ఆ పాడు పని… ఈ నలుగురు ఆడవాళ్ళూ అరాచకం మావా… సింగిల్ గా చూడాల్సిన మూవీ
Share
Best Waterproof Phones: అమెజాన్ ఫెస్టివల్ సేల్ 2025.. వాటర్‌ప్రూఫ్ స్మార్ట్‌ఫోన్‌లపై భారీ తగ్గింపు
Nindu Noorella Saavasam Serial Today September 25th: ‘నిండు నూరేళ్ల సావాసం’ సీరియల్‌: మనోహరిని తోసేసిన మిస్సమ్మ
