Family Drama OTT : ఓటీటీలో ఎన్నో సినిమాలు, సిరీస్ లు స్ట్రీమింగ్ అవుతున్నాయి. వీటిలో కొన్ని సిరీస్ లు ఆలోచనలో పడేస్తుంటాయి. ఎమోషన్స్ తో ఆకట్టుకుంటూ ఉంటాయి. ఇప్పుడు మనం చెప్పుకోబోయే సిరీస్ హార్ట్ టచింగ్ ఉంటుంది. 24 ఏళ్ల తర్వాత తన సొంత ఊరుకి తిరిగి వచ్చిన ఒక వ్యక్తి చుట్టూ కథ ఉంటుంది. ఐయండిబిలో దీనికి ఎనిమిదికి పైగా రేటింగ్ ఉంది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే..
‘నిర్మల్ పాఠక్ కి ఘర్ వాప్సీ’ (Nirmal Pathak Ki Ghar Wapsi) 2022లో వచ్చిన హిందీ వెబ్ సిరీస్. ప్రజాదరణ పొందిన ఈ సిరీస్ ని నరేన్ కుమార్ రూపొందించారు. ఇందులో వైభవ్ తత్వవాడి (నిర్మల్ పాఠక్), అల్కా అమీన్, పంకజ్ ఝా, వినీత్ కుమార్ ప్రధాన పాత్రల్లో నటించారు. ఈ సిరీస్ SonyLIV లో తెలుగు భాషలో అందుబాటులో ఉంది. అలాగే Airtel Xstream Play లో కూడా చూడవచ్చు. మొత్తం 5 ఎపిసోడ్లు ఉన్నాయి.
నిర్మల్ పాఠక్ అనే యువకుడు మూడేళ్ల వయసులో తన తండ్రితో కలిసి ఢిల్లీకి వెళ్లిపోయాడు. ఇప్పుడు 24 సంవత్సరాల తర్వాత పెద్దవాడై, సిటీలో పెరిగిన అతను తన స్వస్థలమైన బిహార్లోని బక్సర్ గ్రామానికి తిరిగి వస్తాడు. గ్రామస్తులు అతన్ని చాలా ప్రేమతో, గౌరవంగా చూస్తారు. ఆ గ్రామం అంతా ఫెస్టివల్ మూడ్లో ఉంటుంది. అతనికి ఆ గ్రామం చాలా ఇష్టమవుతుంది. తన తండ్రి ఎందుకు గ్రామాన్ని వదిలి వెళ్ళాడు, తన తల్లి ఇక్కడే ఎందుకు ఉండిపోయింది అనే నిజాలను తెలుసుకోవాలని అనుకుంటాడు. తల్లి, బాబాయ్ సోదరుడి ప్రేమను చూసి నిర్మల్ ఎంతో సంతోషిస్తాడు. అయితే ఆ ఆనందం ఎంతో కాలం నిలవదు. గ్రామంలో వేళ్లూనుకున్న కుల వివక్ష, అంటరానితనం, పాతకాలపు కట్టుబాట్లను చూసి అతను తీవ్రంగా చలించిపోతాడు.
ఒక వైపు తన కుటుంబ సభ్యుల పట్ల ఉన్న ప్రేమ, మరోవైపు గ్రామంలో మార్పు తీసుకురావాలనే తపన మధ్య నిర్మల్ ఆలోచనలో పడతాడు. అక్కడి కట్టుబాట్లను ప్రశ్నించడం వల్ల అతను ఊరి పెద్దలతోనే విభేదించాల్సి వస్తుంది. తన తండ్రి కూడా ఇలాంటి అన్యాయాలను ప్రశ్నించడం వల్లే, గ్రామం నుండి వెలివేయబడ్డాడాని నిర్మల్ తెలుసుకుంటాడు. చివరికి ఆగ్రామంలో నిర్మల్ ప్రయాణం ఎలా సాగిందనేది ఈ సిరీస్ ను చూసి తెలుసుకోవాల్సిందే.
Read Also : ఫ్యూచర్ నుంచి వచ్చే పెళ్ళాం… భర్తకి షాకింగ్ ట్విస్టులు… ఇన్స్టా లో ట్రెండ్ అవుతున్న మాస్టర్ పీస్
Share
Today Movies in TV : శుక్రవారం టీవీ సినిమాలు.. వీటిని మిస్ చెయ్యకండి..
Simcard Gold Extract: పాత సిమ్ కార్డ్తో లక్షలు విలువ చేసే బంగారం.. రూ.కోట్లు సంపాదించే అవకాశం.. ట్రై చేయండి
