Fantasy movies on OTT : వారమంతా పనులతో బిజీగా ఉండి, వీకెండ్‌లో ఏదైనా కొత్త ప్రపంచంలోకి వెళ్లాలనిపిస్తుందా? మాయలు, మంత్రాలు, అద్భుతమైన లొకేషన్లు.. ఇలా కళ్లు చెదిరే విజువల్ వండర్స్ చూడాలనుకుంటే ఈ ఐదు సినిమాలు బెస్ట్ ఆప్షన్. ఇవి కేవలం సినిమాలు మాత్రమే కాదు, విజువల్స్ తో మ్యాజిక్ చేసిన అద్భుతాలు. మళ్ళీ మళ్ళీ చూడాలనిపించే విజువల్ వండర్స్ ఇవి.
ఇది ఒక క్లాసిక్ ఫాంటసీ. ఒక జంటపై విచిత్రమైన శాపం ఉంటుంది. పగలు అమ్మాయి గద్దలా మారిపోతే, రాత్రి అబ్బాయి తోడేలుగా మారిపోతాడు. అంటే ఇద్దరూ మనుషులుగా ఎప్పటికీ కలుసుకోలేరన్నమాట. ఈ సినిమాలో చూపించే పాతకాలపు కోటలు, ప్రకృతి దృశ్యాలు చాలా బాగుంటాయి. స్వచ్ఛమైన ప్రేమకథతో పాటు 80ల నాటి ఫాంటసీ ఫీల్ కోసం ఈ సినిమాను చూసేయచ్చు. ఇది Amazon Prime Video, Apple TV రెంటల్ పద్దతిలో అందుబాటులో ఉండి.
విజువల్స్ గురించి మాట్లాడుకుంటే ‘ది ఫాల్’ గురించి ఖచ్చితంగా చెప్పాలి. ఒక ఆసుపత్రిలో గాయపడిన స్టంట్ మ్యాన్, ఒక చిన్న పాపకి కథ చెబుతుంటాడు. ఆ కథలో వచ్చే దృశ్యాలు మైండ్ బ్లోయింగ్ అనిపిస్తాయి. దాదాపు 20 దేశాల్లోని అద్భుతమైన ప్రదేశాలలో ఈ సినిమాను షూట్ చేశారు. ఇందులో వాడిన కలర్స్, లొకేషన్లు చూస్తే మతిపోతుంది. MUBI, Apple TV లో దీనిని చూడవచ్చు.
ఒక కుర్రాడు తన ప్రేయసి కోసం ఆకాశం నుండి రాలిన నక్షత్రాన్ని తెస్తానని గోడ దాటి మరో లోకంలోకి వెళ్తాడు. తీరా చూస్తే ఆ నక్షత్రం ఒక అందమైన అమ్మాయి. ఆ అమ్మాయి కోసం మంత్రగత్తెలు, రాజులు వెంబడిస్తుంటారు. ఇందులో యాక్షన్, కామెడీ, ఫాంటసీ అన్నీ పర్ఫెక్ట్ మిక్స్ అయ్యి ఉంటాయి. ఇది ఫుల్ ఎంటర్టైన్మెంట్ ఇచ్చే ఒక ఫాంటసీ అడ్వెంచర్. Amazon Prime Video, Netflix దీనిని చూడవచ్చు.
‘స్టార్ వార్స్’ సృష్టికర్త జార్జ్ లూకాస్ అందించిన కథ ఇది. ఒక చిన్న పాపను కాపాడటానికి విల్లో అనే మరుగుజ్జు చేసే ప్రయాణమే ఈ సినిమా. ఇందులో గ్రాఫిక్స్ ఇప్పటికీ మనల్ని ఆకట్టుకుంటాయి. అడ్వెంచర్ లు ఇష్టపడే వారికి ఇది బాగా నచ్చుతుంది.
Jio Hotstarలో దీనిని చూడచ్చు.
కింగ్ ఆర్థర్, తన మ్యాజికల్ కత్తితో వండర్స్ చేస్తుంటాడు. ఈ కథను కళాత్మకంగా, విజువల్ వండర్ గా చూపించారు. ఇందులో వార్ సీన్స్ చూస్తున్నంత సేపు, మనం కూడా యుద్దంలో ఉన్నామా అనిపిస్తుంటుంది. ఇది Amazon Prime Video, Google Play Moviesలో అందుబాటులో ఉంది. ఈ ఐదు సినిమాలు ఒకదానికొకటి భిన్నమైనవి. మీరు ఒక కలల ప్రపంచంలో విహరించాలనుకుంటే, వీకెండ్‌లో వీటిని లిస్టులో చేర్చుకోండి.
Read Also : ఆ యాప్ క్లిక్ చేశావో నీ సమాధి నీవే తవ్వుకున్నట్లు.. ఓటీటీలోకి భయం పుట్టించే థ్రిల్లర్ సిరీస్
Share
ఏపీలో ఇంధన సంక్షోభంపై సీఎం చంద్రబాబు సీరియస్.. వారికి పెట్రోల్, డిజిల్ పోయొద్దు!
ఉదయం టిఫిన్లో రవ్వ పరోటా ట్రై చేశారా? కడుపు తేలికగా, రుచి అమోఘంగా ఉంటుంది. ఈజీ రెసిపి ఇదిగో
