German Romantic Drama: రొమాన్స్, హైస్పీడ్ కార్ రేసింగ్ కలగలిస్తే ఆ మజానే వేరు. రెండు వేర్వేరు ప్రపంచాలకు చెందిన వ్యక్తులు అనుకోని పరిస్థితుల్లో ఒక ఫేక్ రిలేషన్‌షిప్‌లో అడుగు పెడితే ఏమవుతుంది ? ఇలాంటి ఆసక్తికరమైన పాయింట్‌తో తెరకెక్కిన జర్మన్ రొమాంటిక్ డ్రామా ‘డ్రైవ్ ది ప్రిటెండర్స్’ (Drive The Pretenders). మరి ఈ అదిరిపోయే రొమాంటిక్ యాక్షన్ డ్రామా ఏ ఓటీటీలో అందుబాటులోకి వచ్చింది అంటే…
సారా జెంకిన్స్ కార్ మెకానిక్. కార్లంటే ఆమెకు పిచ్చి. ముఖ్యంగా రేసింగ్ ప్రపంచంలో తనకంటూ ఒక గుర్తింపు సంపాదించుకోవాలని కలలు కంటుంది. అయితే ఆమెకు అవకాశాలు మాత్రం అంత సులభంగా రావు. మరోవైపు డాంటే అన్నున్జియాటా ప్రముఖ రేసింగ్ స్టార్. ట్రాక్‌పై అతడి వేగానికి అభిమానులు ఉన్నప్పటికీ, వ్యక్తిగత జీవితానికి సంబంధించిన వివాదాలు అతడి పేరుప్రతిష్టను దెబ్బతీస్తాయి. ఈ పరిస్థితుల్లో సారా, డాంటే జీవితాలు అనుకోకుండా ఒకదానితో ఒకటి ముడిపడతాయి. డాంటే ప్రతిష్టను తిరిగి నిలబెట్టుకోవడానికి ఒక మార్గం అవసరమవుతుంది. అదే సమయంలో సారాకు కూడా రేసింగ్ ప్రపంచంలో తన ప్రతిభను నిరూపించుకునే అవకాశం కావాలి. దీంతో ఇద్దరూ ఒక ఒప్పందానికి వస్తారు.
బయట ప్రపంచం ముందు తాము నిశ్చితార్థం చేసుకున్న జంటగా నటించాలని నిర్ణయించుకుంటారు. ఈ ఫేక్ ఎంగేజ్మెంట్ తో డాంటే తనపై ఉన్న నెగెటివ్ అభిప్రాయాన్ని మార్చుకోవాలనుకుంటే, సారా తన కలకు దగ్గరయ్యేందుకు ఈ అవకాశాన్ని ఉపయోగించుకోవాలని అనుకుంటుంది. కానీ ఒకరి కోసం మరొకరు నటిస్తున్న క్రమంలో వారి మధ్య అనుబంధం పెరుగుతుంది. మొదట కేవలం ఒప్పందంగా మొదలైన ఈ సంబంధంలో క్రమంగా నిజమైన ప్రేమగా మారుతుంది. అయితే, అబద్ధం మీద నిర్మించిన ఈ బంధాన్ని ఎంతకాలం కొనసాగించగలరు ? తమ మధ్య పెరుగుతున్న ప్రేమను ఇద్దరూ అంగీకరించగలరా ? ఈ నాటకం బయటపడితే వారి జీవితాలు ఎలాంటి మలుపు తీసుకుంటాయి ? అనేదే కథలో చూడాల్సిన ముఖ్యమైన అంశం.
‘డ్రైవ్: ది ప్రిటెండర్స్’ (Drive – The Pretenders) జర్మన్ రొమాంటిక్ డ్రామా. లిసా-మేరీ కొరోల్ (Lisa-Marie Koroll), అమిన్ బాహ్మెద్ (Amin Baahmed) ప్రధాన పాత్రల్లో నటించిన ఈ సినిమాకు సెర్జెయ్ మోయా (Sergej Moya) దర్శకత్వం వహించారు. తమరా లష్ (Tamara Lush) రాసిన పాపులర్ వాట్‌ప్యాడ్ నవల ‘డ్రైవ్’ ఆధారంగా రూపొందిన ఈ చిత్రం అక్టోబర్ 28 నుంచి అమెజాన్ ప్రైమ్ వీడియో (Amazon Prime Video)లో స్ట్రీమింగ్ అవుతోంది. ఈ సినిమా అసలు భాష జర్మన్. అయితే తెలుగు, తమిళ, కన్నడ, మలయాళ డబ్బింగ్ వెర్షన్లు కూడా అందుబాటులో ఉన్నాయి.
Read Also: సిటీ డాక్టర్ పై మనసు పడే విలేజ్ కుర్రాడు… ఫీల్ గుడ్ ఫ్యామిలీ డ్రామా
Share
బొండపల్లి నియోజకవర్గంపై.. డాక్టర్ బొత్స అనూష నయా వ్యూహం!
ఆర్నాబ్ తుఫాను బీభత్సం.. రైతులను ఆదుకోండి.. కేంద్రానికి మంత్రి అచ్చెన్నాయుడు లేఖ!
