OTT Movie : థియేటర్లలో అంతగా ఆకట్టుకోలేని కొన్ని సినిమాలు, ఓటీటీలో టాప్ లేపుతుంటాయి. అలాంటి సినిమా గురించి ఇప్పుడు మనం చెప్పుకుందాం. ఈ తెలుగు సినిమా డబుల్ మర్డర్ కేసును సాల్వ్ చేయడానికి వచ్చిన ఒక పోలీస్ ఆఫీసర్ చుట్టూ తిరుగుతుంది. కథలో టైట్ ఇన్వెస్టిగేషన్ హైలైట్ గా ఉంటుంది. ఈ సినిమా ఓటీటీలో రెండు నెలల పాటు స్ట్రీమింగ్ చార్ట్స్‌లో టాప్‌లో ఉండి ఓటీటీ హిట్‌గా నిలిచింది. ఈ సినిమా పేరు ఏమిటి ? ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాలను తెలుసుకుందాం పదండి.
‘హెర్: చాప్టర్ 1’ 2023లో విడుదలైన తెలుగు క్రైమ్ థ్రిల్లర్ మూవీ. శ్రీధర్ స్వరాఘవ్ దీనికి దర్శకత్వం వహించారు. ఇందులో రుహానీ శర్మ ప్రధాన పాత్రలో నటించింది. వికాస్ వశిష్ట, జీవన్ కుమార్ కీలక పాత్రల్లో నటించారు. డబుల్ అప్ మీడియా బ్యానర్‌పై రఘు సంకురాత్రి, దీపా సంకురాత్రి నిర్మించిన ఈ సినిమా, థియేటర్లలో 2023 జూలై 21న విడుదలై, ఆ తర్వాత అమెజాన్ ప్రైమ్‌లో స్ట్రీమ్ అయింది. 1 గంట 43 నిమిషాల నిడివి ఉన్న ఈ సినిమా IMDbలో 6.2/10 రేటింగ్ పొందింది.
అర్చనా ప్రసాద్ తెలంగాణ స్టేట్ పోలీస్‌లో ఏసీపీగా పనిచేస్తున్న ఒక ఆఫీసర్. ఆరు నెలల సస్పెన్షన్ తర్వాత డ్యూటీలోకి తిరిగి వస్తుంది. హైదరాబాద్ శివార్లలో విశాల్ పసుపులేటి, స్వాతి అనే ఇద్దరి డబుల్ మర్డర్ కేసును ఆమెకు అప్పగిస్తారు. ఈ కేసులో చనిపోయిన అమ్మాయిపై అఘాయిత్యం కూడా చేసినట్లు అనుమానాలు ఉంటాయి. ఈ కేసు ఒక సంచలనంగా మారుతుంది. అర్చనా ఇన్వెస్టిగేషన్ మొదలుపెట్టాక ఒక షాకింగ్ ట్విస్ట్ వస్తుంది. విశాల్, స్వాతి వివాహేతర సంబంధంలో ఉన్నట్లు తెలుస్తుంది. ఈ కేసులో ఉపయోగించిన ఆయుధం అర్చనా గతంతో ముడిపడి ఉంటుంది. ఇది ఆమెకు వ్యక్తిగతంగా కూడా కనెక్ట్ అవుతుంది.
ఆమె గతంలో తన బాయ్‌ఫ్రెండ్ శేష్‌ని ఒక షూటౌట్‌లో కోల్పోయిన సంఘటన ఈ కేసుతో లింక్ అవుతుంది. ఇన్వెస్టిగేషన్ ముందుకు సాగుతుండగా, కేశవ్ అనే టెర్రరిస్ట్, ఆయుధాల సప్లయర్‌తో కనెక్షన్ బయటపడుతుంది. అర్చనా ఈ కేసును సాల్వ్ చేయడంతో పాటు, NIAలో చేరాలనే తన కలను సాధించాలని పట్టుదలతో ఉంటుంది. ఇంటర్వెల్ బ్లాక్ వరకు కథ ఆసక్తికరంగా సాగుతుంది. కానీ సెకండ్ హాఫ్‌లో ఊహించని ట్విస్టులు వస్తాయి. క్లైమాక్స్‌లో రెండు కేసులు లింక్ అవుతాయి. సీక్వెల్‌కి ఓపెనింగ్ ఇస్తూ కథ ముగుస్తుంది. అర్చనా ఈ కేసులో హంతకులను పట్టుకుంటుందా ? ఆమె గతానికి, ఈ హత్యలకు లింక్ ఏమిటి ? డబుల్ మర్డర్స్ ఎందుకు జరిగాయి ? అనే విషయాలను ఈ క్రైమ్ థ్రిల్లర్ సినిమాను చూసి తెలుసుకోండి.
Read Also : మెయిడ్ గా వచ్చి యజమానితో రాసలీలలు… ఈ అత్తా కోడళ్ళు ఇచ్చే షాక్ అరాచకం భయ్యా
Share
Today Movies in TV : సోమవారం సూపర్ సినిమాలు.. వీటిని మిస్ చెయ్యకండి..
OTT Movie : నలుగురు అబ్బాయిలు ఒకే అమ్మాయితో... ఈ ఆడపులి రివేంజ్ కాటేరమ్మ జాతర మావా
