OTT Movie : కొరియన్ మూవీ లవర్స్ కోసం ఓ అద్భుతమైన సస్పెన్స్ థ్రిల్లర్ మూవీని ఈరోజు మనం మూవీ సజెషన్ గా తీసుకొచ్చాను. మిస్సింగ్ అంటూ ఓ లెటర్ రావడం, దాని వల్ల ఓ ఫ్యామిలీ అంతా డేంజర్ లో పడడం అనేది ఈ మూవీ స్టోరీ లైన్. మరి ఈ క్రేజీ కొరియన్ డ్రామా ఏ ఓటీటీలో స్ట్రీమింగ్ అవుతోంది? స్టోరీ ఏంటి? అనే వివరాల్లోకి వెళ్తే…
కథలోకి వెళ్తే…
సంగ్-సూ (సన్ హ్యున్-జూ) ఒక సక్సెస్ ఫుల్ బిజినెస్ మాన్. తన భార్య మిన్-జీ (జియోన్ మి-సన్), ఇద్దరు పిల్లలతో (హో-సే, సూ-హా) ఒక లగ్జరీ అపార్ట్‌మెంట్‌లో నివసిస్తాడు. అతనికి మైసోఫోబియా (జెర్మ్స్ భయం) అనే అరుదైన వ్యాధి ఉంటుంది. అన్న సంగ్-చుల్ కు సంబంధించిన ఓ సీక్రెట్ ను తనలోనే దాచుకుని టెన్షన్ పడుతూ ఉంటాడు. సంగ్-సూను అతని పేరెంట్స్ దత్తత తీసుకుంటారు. అయితే అతను తన సవతి అన్న సంగ్-చుల్ ను అసహ్యించుకుంటాడు. గతంలో అతనిపై అత్యాచార ఆరోపణలు వేసి జైలుకు కూడా పంపించి ఉంటాడు. అదే ఆ సీక్రెట్.
ఒక రోజు సంగ్-సూ తన అన్న సంగ్-చుల్ మిస్సింగ్ అని తెలుసుకుంటాడు. అతను తన కుటుంబంతో కలిసి సంగ్-చుల్ నివసించే ఒక పాడుబడిన అపార్ట్‌మెంట్ కాంప్లెక్స్‌ కు వెళతాడు. అక్కడ తలుపులపై వింత గుర్తులను (సర్కిల్, ట్రయాంగిల్, స్క్వేర్) గమనిస్తాడు. అవి “హైడ్ అండ్ సీక్ కోడ్స్”. ఆ ఇంట్లో నివసించే వ్యక్తులు అమ్మాయిలా, అబ్బాయిలా? ఎంతమంది అనేవి సూచిస్తాయి. ఇవే చిహ్నాలు తన సొంత ఇంటి తలుపులపై కూడా కనిపిస్తాయి. దీంతో అతని కుటుంబం ప్రమాదంలో ఉందని సంగ్ సూ భయపడతాడు.
ఈ నేపథ్యంలోనే సంగ్-సూ తన అన్నను కనిపెట్టే ప్రయత్నంలో ఉండగా, ఒక మిస్టీరియస్ వ్యక్తి (నల్లటి దుస్తులు, మోటార్‌సైకిల్ హెల్మెట్ ధరించిన) అతనిని వెంబడిస్తాడు. అదే సమయంలో యున్-హై అనే మహిళ, ఆమె కుమార్తె గురించి షాకింగ్ ట్విస్ట్ వెల్లడవుతుంది. ఆ ట్విస్ట్ ఏంటి? తన మిస్సింగ్ కేసుకు వీళ్ళకు ఏంటి సంబంధం? సంగ్ సూను వెంబడిస్తున్న ఆ అజ్ఞాత వ్యక్తి ఎవరు? అసలు సంగ్ సూ అన్నయ్య ఏమయ్యాడు? అనేది సినిమా చూసి తెలుసుకోవాల్సిందే.
Read Also : సైకో కిల్లర్ నుంచి యాక్షన్ దాకా… తెలుగులో స్ట్రీమింగ్ అవుతున్న ఈ క్రేజీ కొరియన్ సినిమాలను చూశారా?
ఏ ఓటీటీలో స్ట్రీమింగ్ అవుతుందంటే?
కొరియన్ హారర్-థ్రిల్లర్ మూవీ ‘హైడ్ అండ్ సీక్’ (Hide and Seek). 2013లో రిలీజ్ అయిన ఈ మూవీకి హహ్ జంగ్ దర్శకత్వం వహించారు. ఒక్కమాటలో చెప్పాలంటే ఈ చిత్రం రెండు కుటుంబాల చుట్టూ తిరుగుతుంది. ఆ ఇద్దరూ తమ ఇళ్లలో అపరిచితులు దాక్కొని ఉన్నారని నమ్ముతారు. ఇక ఈ కథలో సస్పెన్స్, మిస్టరీ, షాకింగ్ ట్విస్ట్‌లు పుష్కలంగా ఉన్నాయి. 2013లో ఈ మూవీ సౌత్ కొరియా బాక్స్ ఆఫీస్ ను షేక్ చేసింది. తక్కువ బడ్జెట్ తో రూపొందిన ఈ మూవీ 17.7 మిలియన్ డాలర్లు వసూలు చేసింది. ప్రస్తుతం ఈ మూవీ నెట్‌ఫ్లిక్స్‌ (Netflix)లో అందుబాటులో ఉంది.
Share
Boult Z20: రూ.799కే బౌల్ట్ వైర్‌లెస్ ఇయర్‌బడ్స్..అదిరిపోయే ఫీచర్లు
New Cabs Policy: ఓలా, ఉబర్, రాపిడోకు జరిమానా.. అమల్లోకి నయా క్యాబ్స్ పాలసీ!
