Horror thriller OTT : ఒలింపిక్స్లో జరిగిన ఒక భయంకరమైన ఇన్సిడెంట్ తో వచ్చిన హాలీవుడ్ మూవీ ఆడియన్స్ ను ఆకట్టుకుంటోంది. 1972 మ్యూనిచ్ ఒలింపిక్స్లో ఇజ్రాయెల్ క్రీడాకారులను ఉగ్రవాదులు బంధించినప్పుడు జరిగే సంఘటనలతో ఈ స్టోరీ థ్రిల్లింగ్ ఎలిమెంట్స్ తో సాగుతుంది. ఆ సంఘటనను ఒక టివి చానల్ ప్రపంచానికి ఎలా ప్రత్యక్ష ప్రసారం చేసిందనేది ఈ సినిమా కథ. ఈ సినిమా కోసం అప్పటి అసలు ఒలింపిక్ బ్రాడ్కాస్టింగ్ సెంటర్ను తలపించేలా సెట్ను కూడా నిర్మించారు. సినిమాలో వాడిన చాలా వీడియో క్లిప్పింగ్స్ 1972లో తీసిన అసలైన పాత ఫుటేజ్ కావడం విశేషం. అనేక అవార్డులు గెలుచుకున్న ఈ సినిమా పేరు, ఏ ఓటీటీలో ఉంది ? అనే వివరాల్లోకి వెళ్తే ..
ఈ హిస్టారికల్ థ్రిల్లర్ సినిమా పేరు ‘సెప్టెంబర్ 5’ (September 5). ఇది 1972 నాటి మ్యూనిచ్ ఒలింపిక్స్ నేపథ్యంలో రూపొందింది. టిమ్ ఫెల్బామ్ దర్శకత్వం వహించిన ఈ సినిమాలో పీటర్ సర్స్గార్డ్, జాన్ మగారో, బెన్ చాప్లిన్ ప్రధాన పాత్రలు పోషించారు. ఈ సినిమా 2024 ఆగస్టులో వెనిస్ ఇంటర్నేషనల్ ఫిల్మ్ ఫెస్టివల్లో ప్రదర్శించబడింది. ఆ తరువాత 2024 డిసెంబర్లో థియేటర్లలో విడుదలై విమర్శకుల ప్రశంసలు అందుకుంది. 97వ ఆస్కార్ అవార్డుల్లో ఈ చిత్రం బెస్ట్ ఒరిజినల్ స్క్రీన్ప్లే కి నామినేషన్ కూడా పొందింది. జర్మనీలో ఈ సినిమా ‘లోలా’ అవార్డుల కోసం 10 విభాగాల్లో నామినేట్ అయ్యి, ఉత్తమ చిత్రం సహా పలు అవార్డులు గెలుచుకుంది. ప్రస్తుతం ఈ సినిమా ప్రైమ్ వీడియోలో అందుబాటులో ఉంది.
1972 మ్యూనిచ్ ఒలింపిక్స్ జరుగుతున్నప్పుడు, ఇజ్రాయెల్ అథ్లెట్లను ఉగ్రవాదులు బంధిస్తారు. ఆ సమయంలో అక్కడే ఉన్న ABC స్పోర్ట్స్ టీవీ టీమ్, ఆటల గురించి కాకుండా ఈ ఉగ్రదాడి గురించి ప్రపంచానికి చెప్పాల్సి వస్తుంది. అసలు ఏం జరుగుతుందో అర్థం కాని పరిస్థితిలో, కేవలం ఒక చిన్న కంట్రోల్ రూమ్లో కూర్చుని ఆ టీమ్ పడ్డ టెన్షన్ ను ఈ సినిమా కళ్లకు కట్టినట్లు చూపిస్తుంది. స్పోర్ట్స్ రిపోర్టర్లు వార్తా విలేకరులుగా మారి, ప్రాణాలతో చెలగాటం ఆడుతున్న ఆ దృశ్యాలను లైవ్లో ఎలా చూపించారనేది చాలా థ్రిల్లింగ్గా ఉంటుంది. అయితే ఈ కవరేజ్ ఇచ్చేటప్పుడు ఆ టీమ్ చాలా ఇబ్బందులు పడుతుంది. లైవ్లో చూపిస్తున్న విజువల్స్ వల్ల ఉగ్రవాదులకు ఏమైనా హెల్ప్ అవుతుందా? చనిపోతున్న వాళ్లను టీవీలో చూపించడం సరైనదేనా అనే ప్రశ్నలు వాళ్లను వేధిస్తాయి. రియలిస్టిక్ గా ఈ సీన్స్ చూపించినందుకు, ఈ సినిమాకి ఆస్కార్ నామినేషన్ కూడా దక్కింది.
Read Also : 100 కోట్లతో బాక్సాఫీస్ రికార్డులను బద్దలు కొట్టిన గుజరాతీ సినిమా ఓటీటీలోకి… ఐయండిబిలో 8.6 రేటింగ్
Share
Holi Festival: తెలంగాణలో హోలీ సంబరం.. ఊరూరా భక్తిశ్రద్ధలతో కాముని దహనం!
Gundeninda GudiGantalu Today episode: శివ కు షాకిచ్చిన గుణ.. రోహిణిపై అనుమానం.. బాలుకు ఘోరమైన అవమానం..
