Horror Thriller OTT : ఓటీటీలోకి ఎన్నో సినిమాలు స్ట్రీమింగ్ కు వస్తుంటాయి. అయితే కొన్ని సినిమాలు ప్రత్యేకమయిన గుర్తింపును తెచ్చుకుంటాయి. ఇప్పుడు చెప్పుకోబోయే సినిమాకి ఆ అర్హత ఉందనే చెప్పుకోవచ్చు. ఈ ఆఫ్రికన్ సినిమా రిలీజ్ అయ్యాక ఎన్నో ప్రశంసలు అందుకుంది. ఊహించని మలుపులు వస్తూనే ఉంటాయి ఇందులో. అంతేకాదు ఇది థ్రిల్లర్ ఎలిమెంట్స్ తో సాగుతూ, హఠాత్తుగా హారర్ టర్న్ తీసుకుంటుంది. ఇక్కడ అతీంద్రీయ శక్తులు కూడా ఎంట్రీ ఇస్తాయి. ఇది 1 గంట 24 నిమిషాల నిడివి మాత్రమే ఉంటుంది. అయితే సినిమా ఆడియన్స్ కి కావలసినంత మజా ఇస్తుంది.
ఈ హారర్ థ్రిల్లర్ సినిమా పేరు ‘సలోమ్’ (Saloum). 2021లో వచ్చిన ఈ సినిమా, జీన్ లూక్ హెర్బులట్ దర్శకత్వం వహించారు. ఆయన ఆఫ్రికన్ జానపద కథలను, హారర్ ఎలిమెంట్స్‌తో కలిపి ఒక కొత్త రకమైన స్టైల్‌ను పరిచయం చేశారు. ఇది క్రైమ్ థ్రిల్లర్‌గా మొదలై, మెల్లగా హారర్ సినిమాగా మారుతుంది. ఇందులో యాన్ గేల్ (చకా), రోజర్ సల్లా (రాఫా), మెంటర్ బా (మిన్విట్) అనే ముగ్గురు నటులు ‘హైనాస్ ఆఫ్ బంగుయ్’ అనే కిరాయి సైనికుల గ్యాంగ్‌గా అద్భుతంగా నటించారు. ఇది 2021 టొరంటో ఇంటర్నేషనల్ ఫిల్మ్ ఫెస్టివల్ లో విమర్శకుల నుండి ప్రశంసలు అందుకుంది. ముఖ్యంగా ఆఫ్రికన్ సినిమాను కొత్త పుంతలు తొక్కించిన చిత్రంగా దీనికి పేరుంది. ప్రస్తుతం ఈ సినిమా Tubi, Apple tvలో అందుబాటులో ఉంది.
ఈ కథ చకా, రాఫా, మిన్విట్ అనే ముగ్గురు కిరాయి సైనికుల చుట్టూ తిరుగుతుంది. వీళ్ళు ఒక భయంకరమైన డ్రగ్ లార్డ్‌ను ఒక మిషన్ లో విడిపించి, భారీగా బంగారంతో విమానంలో పారిపోతుంటారు. అయితే మధ్యలో విమానం మొరాయించడంతో, సెనెగల్‌లోని సలోమ్ డెల్టా అనే నిర్మానుష్య ప్రాంతంలో దిగాల్సి వస్తుంది. అక్కడ ఒక రిసార్ట్‌లో మామూలు పర్యాటకుల్లా నటిస్తూ తలదాచుకుంటారు. అయితే ఆ గ్యాంగ్ లో లీడర్ లా ఉండే చకాకి, ఆ ప్రాంతంతో ఒక భయంకరమైన గతం ఉంటుంది. చిన్నప్పుడు తన కుటుంబానికి జరిగిన అన్యాయానికి ప్రతీకారం తీర్చుకోవాలని వాడు ప్లాన్ చేస్తాడు. ఈ సమయంలో ఊహించని మలుపు వస్తుంది. థ్రిల్లర్ సినిమాలా సాగే ఈ స్టోరీ హారర్ మోడ్ కి వెళ్తుంది.
ఇప్పుడు ఆ ముగ్గురు కేవలం మనుషులతోనే కాదు, ఆ అడవిలో ఉన్న వింత అతీంద్రియ శక్తులతో కూడా తలపడాల్సి వస్తుంది. ఆ శక్తులు గాలిలో ఉంటూ మనుషుల ప్రాణాలు తీస్తుంటాయి. కథ చివరలో ఆ ప్రాంతం మొత్తం ఒక యుద్ధభూమిలా మారుతుంది. చుట్టూ అదృశ్య శక్తులు దాడి చేస్తుంటే, లేటెస్ట్ తుపాకులు కూడా పని చేయవు. చివరికి తన స్నేహితులను కాపాడుకోవడానికి, తన పగ తీర్చుకోవడానికి చకా ఏం చేశాడు? ఆ గాలిలో ఉండే రాక్షస శక్తుల రహస్యం ఏంటి? చివరికి ఆ ముగ్గురు దోస్తుల్లో ఎంతమంది ప్రాణాలతో బయటపడ్డారు? అనేదే ఈ యాక్షన్ థ్రిల్లర్ ముగింపు.
Read Also : పగలు పల్లెటూరి పిల్ల… రాత్రి గాలిలో తేలే తల… విజువల్స్ తో వణుకు పుట్టించే సినిమా
Share
Crime Thriller OTT : మామూలు సినిమా కాదిది... అమ్మాయిపై ఒళ్ళు గగుర్పొడిచే దారుణాలు... రక్తం మరిగించే క్లైమాక్స్
Up Coming Movies : ఏప్రిల్ నెలలో ఓటీటీలోకి రాబోతున్న మోస్ట్ అవైటింగ్ బాలీవుడ్ మూవీస్... ఎప్పుడు ఎక్కడ చూడచ్చు అంటే
