Horror Thriller OTT : ఓటీటీలో ఒక సూపర్ నేచురల్ హారర్ సిరీస్ తెగ భయపెడుతోంది. చర్చికి ఒక కొత్త ఫాదర్ రావడంతో కథలో హారర్ డోస్ పెరుగుతుంది. కరోనా ఫస్ట్ వేవ్ తర్వాత కెనడాలో షూటింగ్ జరుపుకున్న మొదటి పెద్ద ప్రాజెక్టుల్లో ఇది కూడా ఒకటి. ఒక ద్వీపం చుట్టూ సాగే ఈ సిరిస్ ప్రతి ఎపిసోడ్ లో ఊహించని మలుపులు ఉంటాయి. అంతేకాదు మితిమీరిన మత విశ్వాసాలు, ఎలాంటి ప్రమాదాలు తెచ్చిపెడతాయో ఈ సిరీస్ కళ్ళకు కట్టినట్లు చూపిస్తుంది. హారర్ ఫ్యాన్స్ ఓ లుక్ వేయాల్సిన సిరీస్ ఇది.
ఈ అమెరికన్ సూపర్ నేచురల్ హారర్ వెబ్ సిరీస్ పేరు ‘మిడ్నైట్ మాస్’ (Midnight Mass). 2021లో వచ్చిన ఈ సిరీస్ ను ప్రముఖ దర్శకుడు మైక్ ఫ్లానగన్ రూపొందించారు. ఇతను హారర్ సినిమాల్లో మాస్టర్. ఈ కథను అతను దాదాపు 10 ఏళ్ల క్రితమే రాసుకున్నాడు. ఇది అతని పర్సనల్ ప్రాజెక్ట్. ఇందులో ఫాదర్ పాల్ పాత్రలో హమీష్ లింక్లేటర్ నటన అద్భుతంగా ఉంటుంది. ఇది మొత్తం 7 ఎపిసోడ్ల లిమిటెడ్ సిరీస్. నెట్ఫ్లిక్స్లో ఇప్పటికీ ఇది బెస్ట్ హారర్ సిరీస్లలో ఒకటిగా నిలుస్తోంది.
సముద్రం మధ్యలో క్రాకెట్ ఐలాండ్ అనే ఒక చిన్న ఊరు ఉంటుంది. ఆ ఊర్లో జనాలు తక్కువ, చేపలు పట్టుకుని బతికేవాళ్లే ఎక్కువ. ఒక యాక్సిడెంట్ కేసులో జైలుకు వెళ్లొచ్చిన రైలీ అనే కుర్రాడు మళ్లీ తన సొంతూరికి వస్తాడు. అదే టైమ్లో ఆ ఊరి చర్చికి ముసలి ఫాదర్ ప్లేస్లో పాల్ అనే ఒక కొత్త కుర్ర ఫాదర్ వస్తాడు. అతను వచ్చినప్పటి నుండి ఆ ఊర్లో అన్నీ వింతలే జరుగుతుంటాయి. సరిగ్గా నడవలేని వాళ్లు నడవడం, ముసలివాళ్లు మళ్లీ యవ్వనంలోకి రావడం చూసి ఊర్లో జనం అంతా ఆ ఫాదర్ని దేవుడిలా నమ్మడం మొదలుపెడతారు.
కానీ అసలు కథ ఇక్కడే ఉంది. ఆ ఫాదర్ తెచ్చింది దేవుడి శక్తి కాదు, ఒక భయంకరమైన రాక్షసి రక్తాన్ని! ఆ రక్తాన్ని వైన్ పేరుతో చర్చికి వచ్చే భక్తులకు తాగిస్తుంటాడు. అది తాగిన వాళ్లకు రోగాలు పోతాయి, యవ్వనం వస్తుంది కానీ వాళ్లు మెల్లగా వెలుగుని చూస్తే తట్టుకోలేని స్థితికి చేరుకుంటారు. ఆ రాక్షసి రక్తం వల్ల ఊర్లో వాళ్లంతా మనుషులుగా మారిపోతున్నామా లేక రాక్షసుల్లా తయారవుతున్నామా అని తెలియని అయోమయంలో పడిపోతారు. ఆ ఊరు మొత్తం రక్తం ఏరులై పారుతుంది. చర్చిలో ఉన్న జనం ఒకరినొకరు కరుచుకుని రాక్షసుల్లా మారిపోతారు. రైలీ కొంతమందితో దీనిని ఆపేందుకు ప్రయత్నిస్తాడు. చివరికి ఈ వినాశనం ఆగుతుందా ? అందరూ పిశాచాలుగా మారిపోతారా ? అనే విషయాలను ఈ సిరీస్ ను చూసి తెలుసుకోవాల్సిందే.
Read Also : ఒకే రోజు పుట్టిన ఇద్దరు పిల్లల వింత కథ… గుండెల్ని పిండేసే ఇద్దరు తల్లుల ఎమోషనల్ జర్నీ
Share
ఇద్దరు అబ్బాయిలు ఒకే అమ్మాయితో... ఈ ముక్కోణపు ప్రేమకథలో మెంటలెక్కిపోయే ట్విస్టులు
క్షుద్ర పూజల వెనుక విస్తుపోయే నిజాలు... భయపెడుతున్న హారర్ సిరీస్
