OTT Movie : అలియా భట్ ప్రధన పాత్రలో నటించిన సినిమా ‘జిగ్రా’. ఈ సినిమాను దాదాపు 80 కోట్ల బడ్జెట్ తో, కరణ్ జోహార్, అపూర్వ మెహతా నిర్మించారు. యాక్షన్ థ్రిల్లర్ జానర్లో వచ్చిన ఈ సినిమా తెలుగులో కూడా మంచి బజ్ క్రియేట్ చేసింది. తన తమ్ముడిని విదేశీ జైలు నుంచి రక్షించేందుకు, ఓ అక్క చేసే పోరాటమే ఈ కథ. సినిమా మొత్తం అలియా భట్ చుట్టూనే తిరుగుతుంది. క్లైమాక్స్ వరకు ఊహించని మలుపులతో ఈ సినిమాల థ్రిల్లింగ్ ఛిల్ ని ఇస్తుంది. ఈ సినిమా ఏ ఓటీటీలో ఉంది ? కథ ఏమిటి ? అనే వివరాలను తెలుసుకుందాం పదండి.
‘జిగ్రా’ 2024లో విడుదలైన హిందీ యాక్షన్ థ్రిల్లర్ మూవీ, వాసన్ బాలా డైరెక్ట్ చేసిన ఈ చిత్రంలో అలియా భట్, వేదాంగ్ రైనా ప్రధాన పాత్రల్లో నటిస్తే, మనోజ్ పహ్వా, రాహుల్ రవీంద్రన్, వివేక్ గోంబర్ సపోర్టింగ్ రోల్స్లో నటించారు. వయాకామ్18 స్టూడియోస్, ధర్మా ప్రొడక్షన్స్, ఎటర్నల్ సన్షైన్ ప్రొడక్షన్స్ బ్యానర్పై కరణ్ జోహార్, అపూర్వ మెహతా, అలియా భట్, షహీన్ భట్, సౌమెన్ మిశ్రా నిర్మించారు. ఈ సినిమా 2024 అక్టోబర్ 11న విజయదశమి సందర్భంగా థియేటర్లలో విడుదలై, 2024 డిసెంబర్ 6 నుంచి నెట్ఫ్లిక్స్లో స్ట్రీమ్ అవుతోంది.
ఈ సినిమా, సత్య ఆనంద్ (ఆలియా భట్), అంకుర్ ఆనంద్ (వేదాంగ్ రైనా) అనే సోదరి-సోదరుల కథతో మొదలవుతుంది. వీళ్ళు చిన్నతనంలోనే అనాథలుగా మారతారు. వీళ్ళ తండ్రి ఆత్మహత్య చేసుకున్న తర్వాత. సత్య ఒక ధైర్యవంతమైన సోదరిగా, తన తమ్ముడు అంకుర్ను ఎల్లప్పుడూ కాపాడుతూ, అతని అవసరాలను తీర్చడానికి తల్లిలా బాధ్యత తీసుకుంటుంది. వీళ్ళు దూరపు బంధువైన ఒక అంకుల్ దయపై ఆధారపడి పెరుగుతారు. కానీ కుటుంబ ఆలన లేకుండా ఒంటరిగా జీవిస్తారు. ఈ కథ ఊహించని మలుపులు తీసుకుంటుంది.
అంకుర్ ఒక ఆసియా దేశం హన్షి దావోలో నార్కోటిక్స్ కేసులో తప్పుగా ఆరోపించబడి, మరణ శిక్షకు గురవుతాడు. ఈ దేశంలో కఠినమైన చట్టాలు ఉన్నాయి. అంతే కాకుండా అంకుర్కు కేవలం మూడు నెలల సమయం మాత్రమే ఉంటుంది. సత్య తన తమ్ముడిని రక్షించడానికి ఏ విధమైన త్యాగానికైనా సిద్ధమవుతుంది. అతన్ని జైలు నుండి విడిపించే ఒక అసాధ్యమైన ప్లాన్ ను వేస్తుంది. సత్య హన్షి దావోకు ప్రయాణిస్తుంది. అక్కడ ఆమె రిటైర్డ్ గ్యాంగ్స్టర్ షేఖర్ భాటియా, మాజీ పోలీసు అధికారి ముత్తు సహాయాన్ని పొందుతుంది.
షేఖర్ కొడుకు కూడా అదే జైలులో ఉంటాడు. ముత్తు తన గత తప్పిదాలకు పరిహారం చేయాలనుకుంటాడు. వీళ్ళు కలిసి ఒక అత్యంత పగడ్బంధీ జైలును భేదించే ప్లాన్ రూపొందిస్తారు. ఇది ఒక ద్వీపంలో ఉంది. దీనిని చేరడం, బయటకు రావడం దాదాపు అసాధ్యం.ఈ భాగంలో సత్య ఒక సామాన్య మహిళ నుండి ఒక యాక్షన్ హీరోగా మారుతుంది. సత్య చివరికి తన తమ్ముడిని విడిపిస్తుందా ? ఆమె కూడా జైలుకు వెళ్తుందా ? అనేది ఈ సినిమాని చూసి తెలుసుకోండి.
Read Also : తవ్వకాల్లో బయటపడే శవపేటిక… దుష్ట శక్తి విడుదలవ్వడంతో దబిడి దిబిడి… హార్ట్ వీక్ గా ఉన్నవాళ్లు డోంట్ వాచ్
Share
Khammam: ఖానాపురంలో దారుణం.. కూర వేయలేదని మహిళపై గొడ్డలితో దాడి
Kantara Chapter 1: సెన్సార్ పూర్తి చేసుకున్న కాంతార 2.. నిడివి ఎంత.. ఏ సర్టిఫికేట్ వచ్చిందంటే?
