OTT Movie : టీనేజ్ కూతురున్న తల్లిపై ప్రేమ… మనసుకు హత్తుకునే మలయాళ ఆంథాలజీ

OTT Movie : మలయాళంలో వచ్చిన ఒక తెలుగు రీమేక్ సినిమా నాలుగు స్టోరీలతో ఆడియన్స్ ని ఆకట్టుకుంటోంది. ఇది 2018లో విడుదలైన తెలుగు సినిమా C/o కంచరపాలెం అధికారిక రీమేక్. ఇందులో వయసుతో సంబంధం లేకుండా ఈ కథలు ప్రేమకోసం పాటుపడతాయి. ఇందులో హార్ట్ టచింగ్ సీన్స్ చాలానే ఉన్నాయి. ఫీల్ గుడ్ స్టోరీలను ఇష్టపడేవాళ్ళకి ఇదొక మరచిపోలేని అనుభూతిని ఇస్తుంది. ఈ మలయాళం సినిమా పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళ్తే …

ఏ ఓటీటీలో ఉందంటే

‘కథ ఇన్నువరె’ (Kadha Innuvare) అనేది విష్ణు మోహన్ దర్శకత్వం వహించిన మలయాళం కామెడీ-డ్రామా చిత్రం. ఈ చిత్రంలో బిజు మేనన్, మేతిల్ దేవిక, నిఖిల విమల్, అనుశ్రీ, హకీం షాజహాన్, సిద్దిఖ్, రంజి పణిక్కర్, కొట్టాయం రమేష్, కృష్ణ ప్రసాద్, అప్పుణ్ణి శశి, కిషోర్ సత్య, జోర్డి పూంజార్ వంటి నటీనటులు ప్రధాన పాత్రల్లో నటించారు. ఈ సినిమా 2024 సెప్టెంబర్ 13న కేరళలోని థియేటర్లలో విడుదలైంది. Manorama Max, OTT Play Premiumలో 2024 డిసెంబర్ 13 నుంచి ఇంగ్లీష్, తెలుగు సబ్‌టైటిల్స్‌తో స్ట్రీమింగ్‌లో ఉంది. 2 గంటల 8 నిమిషాల ఈ సినిమా IMDbలో 5.8/10 రేటింగ్ ను పొందింది.

కథలోకి వెళ్తే

ఈ స్టోరీ కేరళలోని ఒక గ్రామంలో జరిగే నాలుగు విభిన్న ప్రేమ కథల చుట్టూ తిరుగుతుంది. ఇవి ఒకదానితో ఒకటి ముడిపడివుంటాయి. ఈ నాలుగు కథలు సమాజం,ప్రేమ, మతం, కులం వంటి థీమ్స్ తో నడుస్తాయి.

రాజు, సునీత కథ : రాజు అనే ఒక యువకుడు, గ్రామంలో ఒక సాధారణ జీవనం గడుపుతుంటాడు. అతను సునీత అనే యువతిని ప్రేమిస్తాడు. అయితే ఈ ప్రేమ కథ సామాజిక అడ్డంకులను ఎదుర్కొంటుంది. ఎందుకంటే సునీత కుటుంబం ఈ సంబంధాన్ని వ్యతిరేకిస్తుంది. రాజు కామెడీ వ్యక్తిత్వం, సునీత ధైర్య స్వభావంతో ఈ కథ హార్ట్ టచ్ ఇస్తుంది.

అన్నమ్మ కథ : అన్నమ్మ ఒక ఇండిపెండెంట్ ఆలోచనలు కలిగిన యువతి. ఆమె తన కలలను సాధించడానికి గ్రామీణ సంప్రదాయాలకు వ్యతిరేకంగా పోరాడుతుంది. అదే సమయంలో ఆమె ఒక యువకుడితో ప్రేమలో పడుతుంది. కానీ ఆమె కలలు, ప్రేమ బంధం మధ్యలో చిక్కుకుంటుంది. ఈ కథ ఎమోషనల్ గా ఉంటుంది.

జోసఫ్, బీనా కథ : జోసఫ్ భార్యను పోగొట్టుకుని ఒంటరిగా ఉంటాడు. ఈ గ్రామంలో ఒక సాధారణ జీవనం గడుపుతాడు. అతను ఒక విడాకులు తీసుకున్న బీనా అనే మహిళతో సన్నిహిత సంబంధాన్ని పెట్టుకుంటాడు. ఈ కథ కూడా చూడ చక్కగా ఉంటుంది.

సుందరన్ కథ : సుందరన్ ఒక వృద్ధుడు. అతను తన జీవితంలో ఒంటరితనంతో బాధపడుతుంటాడు. అతను కూడా ప్రేమలో పడతాడు. ఇది అతని జీవితానికి కొత్త అర్థాన్ని ఇస్తుంది. ఈ కథ వృద్ధాప్యంలో ప్రేమ ప్రాముఖ్యతను హైలైట్ చేస్తుంది. ఈ నాలుగు కథలు కేరళలో ఒక గ్రామీణ ప్రాంతంలో అనుసంధానమై, ఈ స్టోరీని మరో లెవెల్ కి తీసుకెళ్తాయి.