OTT Movie : మలనాడు ప్రాంతంలోని ఒక చిన్న గ్రామం లో సంప్రదాయం, సంస్కృతి నియమాలను ఎక్కువగా పాటిస్తారు. ఈ గ్రామంలో చేపల వేట ఉత్సవం సందర్భంగా, గ్రామస్తులంతా ఒక చెరువు వద్ద సమావేశమవుతారు. ఈ ఉత్సవంలో, నాగ అనే యువకుడు ఒక ఊహించని సంఘటనలో చిక్కుకుంటాడు. అతని నిర్ణయాలు ఒక ప్రమాదకరమైన మలుపు తీసుకుంటాయి. ఇది గ్రామం మొత్తం మీద ప్రభావం చూపుతుంది. ఇంతకీ ఈ నాగ ఎవరు? అతని చర్యల వెనుక నిజం ఏమిటి? ఈ మూవీ పేరు ఏమిటి ? ఏ ఓటీటీలో ఉంది ? అనే వివరాల్లోకి వెళితే ..
స్టోరీలోకి వెళితే
ఈ స్టోరీ నాగ అనే యువకుడితో ప్రారంభమవుతుంది. అతను కలప స్మగ్లింగ్ కారణంగా తరచూ జైలుకు వెళ్తాడు. అతను జైలు నుండి విడుదలైన తర్వాత, తన గ్రామంలో జరిగే కెరెబేటె ఉత్సవంలో పాల్గొంటాడు. నాగ, అతని తల్లి తక్కువ కులంకు చెందిన వాళ్ళు కావడంతో, తండ్రి ఆస్తిలో వాటా కూడా దక్కకుండా ఉంటుంది. ఇది నాగలో కోపాన్ని, సమాజంపై అసంతృప్తిని పెంచుతుంది. ఈ నేపథ్యంలో మీనా అనే అమ్మాయితో నాగ ప్రేమలో పడతాడు. కానీ ఆమె తల్లిదండ్రులు వీళ్ళ సంబంధాన్ని ఒప్పుకోరు. ఎందుకంటే నాగ కులం, గతం వారికి సమస్యగా కనిపిస్తాయి. నాగ మీనాతో సంతోషకరమైన జీవితాన్ని గడపడానికి ఒక భూమిని కొనుగోలు చేయడానికి కష్టపడి పనిచేస్తాడు. కానీ అతని అక్రమ కలప స్మగ్లింగ్ కారణంగా ఇబ్బందులు వస్తాయి.
ఒక ఊహించని సంఘటనలో, నాగ మీనాను కిడ్నాప్ చేస్తాడు. ఇది గ్రామంలో గందరగోళాన్ని సృష్టిస్తుంది. ఈ కిడ్నాప్ వెనుక అతని ఉద్దేశ్యం ఏమిటి? ఇది కెరెబేటె ఉత్సవంతో ఎలా సంబంధం కలిగి ఉంది? ఈ ప్రశ్నలు కథలో కీలకంగా మారుతుంది. పోలీసులు ఈ కేసును ఛేదించడానికి ప్రయత్నిస్తున్నప్పుడు, గ్రామస్తులు, కుటుంబ సభ్యుల నుండి వచ్చే విభిన్న కథనాలు బయటపెడతాయి. నాగ కిడ్నాప్ నిర్ణయం, దాని వెనుక ఉన్న ఉద్దేశ్యం కథకు సస్పెన్స్‌ను జోడిస్తాయి. అతని చర్యలు న్యాయమైనవా? మీనా అదృశ్యం వెనుక నిజం ఏమిటి? కులవివక్ష మధ్య ప్రేమ ఎలా నిలబడుతుంది? ఈ ప్రశ్నలకు సమాధానాలను మూవీని చూసి తెలుసుకోవాల్సిందే.
ఏ ఓటీటీలో ఉందంటే
ఈ కన్నడ థ్రిల్లర్ మూవీ పేరు ‘కెరెబేటె’ (Kerebete). 2024 లో వచ్చిన ఈ సినిమాకి రాజగురు దర్శకత్వం వహించారు. ఇందులో గౌరీశంకర్ నాగ పాత్రలో, బిందు శివరామ్ మీనా పాత్రలో నటించారు. ఈ మూవీ కర్ణాటకలోని మలనాడు ప్రాంతంలో జరిగే కెరెబేటె అనే సాంప్రదాయ చేపల వేట ఉత్సవం చుట్టూ తిరుగుతుంది. ఇందులో కులవివక్షను ఎదుర్కునే ఒక ప్రేమకథ ప్రేక్షకులను ఆకట్టుకుంటుంది. ఈ సినిమా 2024 మార్చి 15న థియేటర్లలో విడుదలైంది. గోవాలో ఇంటర్నేషనల్ ఫిల్మ్ ఫెస్టివల్ ఆఫ్ ఇండియా, బెంగళూరు ఇంటర్నేషనల్ ఫిల్మ్ ఫెస్టివల్‌లో ప్రదర్శించబడింది. ప్రస్తుతం జియో హాట్ స్టార్ (Jio Hotstar) లో ఈ సినిమా అందుబాటులో ఉంది.
Share
Ghaati OTT : అనుష్క 'ఘాటి' కి రికార్డు స్థాయిలో డిజిటల్ హక్కుల అమ్మకాలు.. స్ట్రీమింగ్ అందులోనే..?
Gundeninda GudiGantalu Today episode: ప్లేటు ఫిరాయించిన రోహిణి.. చంద్రముఖిలా మారిన ప్రభావతి.. మౌనిక వ్రతం ఫలిస్తుందా..?
