OTT Movie : ఆడియన్స్ మైండ్ ని బెండ్ చేసే స్టోరీలు ఓటీటీలో స్ట్రీమింగ్ అవుతున్నాయి. ఒక డిఫరెంట్ స్టోరీ ఓటీటీలో ఆడియన్స్ ని ఆలోచనల్లో పడేస్తోంది. ఇది భవిష్యత్ భారతదేశంలో మతం, కులం ఆధారంగా ఒక ఇంట్రెస్టింగ్ స్టోరిని చూపిస్తుంది. కొన్ని సంవత్సరాల తరువాత భారత దేశం ఎలా ఉంటుదో ఒక లవ్ స్టోరీ ద్వారా ఈ సిరీస్ లో చూపించారు. హీరో సిద్ధార్థ్ పాత్ర ఈ సిరీస్ లో నెక్స్ట్ లెవెల్ లో ఉంటుంది. ఈ సిరీస్ పేరు ఏమిటి ? ఎందులో ఉంది ? దీని కథ ఏమిటి ? అనే వివరాల్లోకి వెళ్తే ..
‘లీలా’ (Leila) 2019లో విడుదలైన హిందీ భాషా డిస్టోపియన్ వెబ్ సిరీస్. ప్రయాగ్ అక్బర్ 2017 లో రచించిన ‘లీలా’ అనే నవల ఆధారంగా తెరకెక్కింది. దీనికి దీపా మెహతా, షాంకర్ రామన్, పవన్ కుమార్ దర్శకత్వం వహించారు. ఇందులో హుమా ఖురేషి, సిద్ధార్థ్, రాహుల్ ఖన్నా, సంజయ్ సూరి ప్రధాన పాత్రల్లో నటించారు. 6 ఎపిసోడ్లతో కూడిన ఈ సీరీస్ 2019 జూన్ 14 నుంచి నెట్ఫ్లిక్స్లో స్ట్రీమింగ్ అవుతోంది.
భారతదేశం పాతిక సంవత్సరాల తరువాత ఆర్యవర్త్ అనే ఒక రాష్ట్రంగా మారి పోయింది. మతం ఆధారంగా పాలన ఉంటుంది. ఇక్కడ ఒక ధనిక హిందూ కుటుంబం నుండి వచ్చిన శాలినీ అనే యువతి, ఒక ముస్లిం యువకుడు రిజ్వాన్ ను ప్రేమించి పెళ్లి చేసుకుంటుంది. వీరికి లీలా అనే కూతురు పుడుతుంది. కానీ ఆర్యవర్త్ రూల్స్ ప్రకారం “మిక్స్డ్ మ్యారేజ్” పిల్లలు ప్రభుత్వానికి చెందుతారు. వారిని “ప్యూరిటీ క్యాంప్”లో పెంచి హిందూ సంస్కృతిలో మార్చేస్తారు. ఒక రోజు రాత్రి కొంతమంది ఇంట్లోకి దూరి, రిజ్వాన్ను కాల్చి చంపి, లీలాను బలవంతంగా తీసుకుపోతారు. శాలినీని జైలులో పడేస్తారు. ఆమె జీవితం ఒక్కసారిగా నాశనమవుతుంది. కొంత కాలం తరువాత జైలు నుండి బయటకు వచ్చిన శాలినీ తన కూతుర్ని వెతకడం మొదలుపెడుతుంది.
ఈ సమయంలో లీలా ఒక ఎలైట్ ప్యూరిటీ క్యాంప్లో ఉందని శాలినీకి తెలుస్తుంది. ఆ క్యాంప్కు చేరుకోవాలంటే ఆమె ప్రాణాలకు తెగించాల్సి వస్తుంది. ఒక ఫేక్ ఐడెంటిటీతో, ఒక హై-సెక్యూరిటీ ప్యూరిటీ క్యాంప్లోకి దూరుతుంది. అక్కడ పిల్లలు యూనిఫాం ధరించి, హిందూ మంత్రాలు పఠిస్తూ, తమ గతాన్ని మరచిపోయేలా బ్రెయిన్వాష్ చేస్తుంటారు. అది పేరుకే ఆశ్రమం, కానీ ఆరాచకాలకు కేంద్రం. అక్కడ ఎంతో కష్టపడి లీలాను శాలినీ కలుస్తుంది. కానీ లీలా ఇప్పుడు తన తల్లిని గుర్తుపట్టదు. ఈ దృశ్యం శాలినీ హృదయాన్ని పిండేస్తుంది. క్లైమాక్స్ భయంకరమైన ట్విస్టులతో ఎండ్ అవుతుంది. ఆ ట్విస్టులు ఏమిటి ? లీలా, శాలినీ అక్కడి నుంచి బయట పడతారా ? ఈ కథ ఎలా ఎండ్ అవుతుంది ? అనే విషయాలను ఈ వెబ్ సిరీస్ ను చూసి తెలుసుకోండి.
Share
Womens World Cup 2025 Finals: టీమిండియా-దక్షిణాఫ్రికా వరల్డ్ కప్ ఫైనల్ కు వర్షం గండం..మ్యాచ్ కు రద్దు అయితే విజేత ఎవరంటే ?
Today Horoscope in Telugu: నేటి రాశిఫలాలు (31/10/2025) ఆ రాశి వారికి వ్యాపారంలో నష్టాలు - వారికి బంధువులతో గొడవలు 
