Malayalam Thriller OTT : మరో మలయాళ థ్రిల్లర్ త్వరలో ఆన్లైన్లో చూడటానికి అందుబాటులోకి రానుంది. గత ఏడాది డిసెంబర్ లో థియేటర్లలోకి వచ్చిన ఈ సినిమా, దాదాపు మూడు నెలల తరువాత డిజిటల్ ఆడియన్స్ ను పలకరించబోతోంది. ఇంద్రజిత్ సుకుమారన్ పోలీసు పాత్రలో నటించిన ఈ సినిమా ఒక సీరియల్ కిల్లర్ వేట చుట్టూ తిరుగుతుంది. భారీ యాక్షన్ సీన్లు, క్రైమ్ సస్పెన్స్తో ఈ సినిమా సాగుతుంది. ఓ ప్రముఖ ఓటీటీ సంస్థ దీని స్ట్రీమింగ్ హక్కులను సొంతం చేసుకుంది. గ్రిప్పింగ్ కథాంశంతో నడిచే ఈ సినిమా ఏ ఓటీటీలోకి ఎప్పుడు రానుంది ? అనే విషయాలను తెలుసుకుందాం పదండి.
జితిన్ సురేష్ టి దర్శకత్వం వహించిన ఈ చిత్రం పేరు ‘ధీరం’ (Dheeram). ప్రధాన పాత్ర పోషించిన ఇంద్రజిత్ సుకుమారన్తో పాటు అజు వర్గీస్, దివ్య పిళ్లై, విజయరాఘవన్, నిశాంత్ సాగర్, పానీ-ఫేమ్ సాగర్ సూర్య, రెబా మోనికా జాన్ ముఖ్యమైన పాత్రలు పోషించారు ఇందులో. ఈ సినిమా స్క్రిప్ట్ను సందీప్ సందానందన్, దీపు ఎస్. నాయర్ కలిసి రాశారు. ఈ చిత్రం డిజిటల్ హక్కులను అమెజాన్ ప్రైమ్ వీడియో సొంతం చేసుకుంది. ఈ థ్రిల్లర్ త్వరలోనే స్ట్రీమింగ్ కానుంది. చిత్ర నిర్మాతలు రిలీజ్ డేట్ ను అనౌన్స్ చేయాల్సి ఉంది. కలాంకావల్తో సహా మరో మూడు మలయాళ చిత్రాలతో ఏకకాలంలో విడుదలైనందున , ధీరం థియేటర్లలో అంతగా విజయవంతం కాలేదు. అయినప్పటికీ ఈ సినీమా ప్రేక్షకులు కలవరపెట్టే మంచి థ్రిల్లర్గా ప్రశంసలు అందుకుంది.
కొచ్చి నగరంలో వరుసగా జరుగుతున్న దారుణమైన హత్యల నేపథ్యంలో ‘ధీరం’ కథ సాగుతుంది. ఈ కేసును ఛేదించడానికి ఏసీపీ స్టాలిన్ జోసెఫ్ (ఇంద్రజిత్ సుకుమారన్) రంగంలోకి దిగుతాడు. హంతకుడు చాలా తెలివిగా, ఎక్కడా ఆధారాలు దొరకకుండా హత్యలు చేస్తూ పోలీసులకు సవాల్ విసురుతుంటాడు. ఇన్వెస్టిగేషన్ లో భాగంగా, ఈ హత్యల వెనుక ఒక భయంకరమైన పగ ఉందని, చనిపోయిన వారంతా గతంలో ఒక తప్పు చేసిన వాళ్లేనని స్టాలిన్ గుర్తిస్తాడు. హంతకుడిని పట్టుకునే క్రమంలో స్టాలిన్ కి అనేక చేదు నిజాలు తెలుస్తాయి. చట్టం శిక్షించలేని నేరస్థులను ఒక సామాన్యుడు తన చేతులతో ఎలా శిక్షించాడనేది ఇక్కడ ఉత్కంఠ కలిగిస్తుంది. అయితే హంతకుడిని జోసెఫ్ పట్టుకుంటాడా ? అసలు కిల్లర్ ఎందుకు హత్యలు చేస్తున్నాడు ? అతనికి జరిగిన అన్యాయం ఏమిటి ? అనే విషయాలను ఈ మలయాళం సినిమాను చూసి తెలుసుకొనాల్సిందే.
Read Also : పూల తోటలో మృతదేహాలు… ప్రేమలో పడ్డ అమ్మాయిని కూడా… ఈ ఆరు ఎపిసోడ్ల క్రైమ్ థ్రిల్లర్ భీభత్సమే
Share
Today Movies in TV : శుక్రవారం టీవీ సినిమాలు.. వీటిని మిస్ చెయ్యకండి..
Tanveer Ahmed: అంతా ఫిక్సింగే..జింబాబ్వేకు జై షా డబ్బులు..అందుకే టీమిండియా విజయం, మరోసారి విషం కక్కిన పాక్
