OTT Movie: మలయాళ సినిమా ఇండస్ట్రీలో లెజెండరీ నటుడైన మమ్ముట్టి, 400కు పైగా సినిమాలతో నాలుగు దశాబ్దాలకు పైగా తన నటనా ప్రతిభను చాటుకుంటున్నాడు. 72 ఏళ్ల వయసులో కూడా, సాంప్రదాయ స్టార్ హీరో ఇమేజ్‌ను బద్దలు కొడుతూ, ప్రయోగాత్మకమైన పాత్రలతో ప్రేక్షకులను ఆశ్చర్యపరుస్తున్నాడు. 2023-2024లో విడుదలైన బ్రామయుగం, కాతల్ – ది కోర్, కన్నూర్ స్క్వాడ్ సినిమాలు మమ్ముట్టి ధైర్యమైన సాహసాలకు, హర్రర్, సస్పెన్స్, డ్రామా జోనర్‌లలో అతని అసాధారణ పెర్ఫార్మెన్స్‌లకు నిదర్శనం. ఈ సినిమాలు స్టార్ హీరోలు సాధారణంగా ఎంచుకోని రిస్కీ పాత్రలు. కానీ అవి మమ్ముట్టి కెరీర్ లో బెస్ట్ సినిమాలుగా నిలిచాయి. ఈ సినిమాలు ఎక్కడ చూడవచ్చో, స్టోరీ ఏమిటో తెలుసుకుందాం పదండి.
17వ శతాబ్దంలో కేరళ నేపథ్యంలో రూపొందిన ఈ బ్లాక్ అండ్ వైట్ హర్రర్ థ్రిల్లర్‌లో, మమ్ముట్టి కొడుమన్ పొట్టి అనే సోర్సరర్ (మాంత్రికుడు) పాత్రలో నటించాడు. ఇందులో థెవన్ (అర్జున్ అశోకన్), కోరన్ (మణికందన్ ఆచారి) అనే ఇద్దరు వ్యక్తులు పోర్చుగీసు బానిసత్వం నుండి తప్పించుకుంటారు. రాత్రి సమయంలో కోరన్ ఒక యక్షి చేతిలో చనిపోతాడు. థెవన్ ఒక పాడుబడిన మాన్షన్‌లో ఆశ్రయం పొందుతాడు. అక్కడ కొడుమన్ పొట్టి అతనికి ఎదురుపడతాడు. కొడుమన్, అటకపై బంధించిన చాతన్ అనే రాక్షసుడి గురించి ఒక కథ చెబుతాడు. కానీ థెవన్ మాన్షన్ గురించి ఒక భయంకరమైన సీక్రెట్ తెలుసుకుంటాడు. ఆ సెక్రెట్ ఏంటి ? కొడుమన్ పొట్టి ఎవరు ? అనే సస్పెన్స్ తో కథ ఉత్కంఠంగా సాగుతుంది.
స్టార్ హీరోలు సాధారణంగా హీరో ఇమేజ్‌ను కాపాడుకుంటారు. కానీ మమ్ముట్టి ఒక నెగటివ్ షేడ్స్ ఉన్న సోర్సరర్ పాత్రను ఎంచుకోవడం ఒక ధైర్యమైన నిర్ణయం. బ్లాక్ అండ్ వైట్ సినిమాటోగ్రఫీ, కేరళ ఫోక్‌లోర్, నిహిలిస్టిక్ థీమ్‌లతో ఈ చిత్రం మలయాళ సినిమాలో హర్రర్ జోనర్‌కు కొత్త ఇమేజ్ ని తీసుకొచ్చింది. ఈ చిత్రం లెటర్‌బాక్స్‌డ్ 2024 టాప్ 25 హర్రర్ ఫిల్మ్స్‌లో రెండవ స్థానం సాధించింది. అంతేకాకుండా 85 కోట్ల గ్లోబల్ బాక్సాఫీస్ వసూళ్లతో ఈ చిత్రం కమర్షియల్ గా కూడా విజయం సాధించింది. 2024 లో వచ్చిన ఈ హర్రర్ సినిమా SonyLIV లో మలయాళం, తెలుగు డబ్బింగ్, ఇంగ్లీష్ సబ్‌టైటిల్స్‌తో ఈ సినిమా అందుబాటులో ఉంది.
ఇందులో మమ్ముట్టి మాథ్యూ దేవస్సీ అనే రిటైర్డ్ బ్యాంక్ మేనేజర్‌గా నటించాడు. అతను స్థానిక పంచాయతీ ఎన్నికలలో స్వతంత్ర అభ్యర్థిగా పోటీ చేస్తాడు. అతని భార్య ఓమన (జ్యోతిక) అతనితో సమస్యలను ఎదుర్కొంటుంది. కథ నడుస్తున్న కొద్దీ, మాథ్యూ ఒక గే అనే షాకింగ్ రహస్యం బయటకి వస్తుంది. ఇది ఓమన డివోర్స్ కోసం దాఖలు చేయడానికి కారణమవుతుంది. భారతీయ సినిమాలో స్టార్ హీరోలు అరుదుగా గే పాత్రలను ఎంచుకుంటారు, ముఖ్యంగా సామాజిక సున్నితత్వం ఉన్న అంశాలలో. మమ్ముట్టి, తన సూపర్‌స్టార్ ఇమేజ్‌ను పక్కనపెట్టి, ఈ సున్నితమైన అంశాన్ని ఎంచుకోవడం ఒక డేరింగ్ నిర్ణయం. ఇది మలయాళ సినిమాలో ఒక విప్లవాత్మక చిత్రంగా నిలిచింది. 2023లో ఈ సినిమా ఉత్తమ భారతీయ చిత్రాలలో ఒకటిగా నిలిచింది. Amazon Prime Videoలో ఈ సినిమా మలయాళం, తెలుగు, తమిళం, కన్నడ, హిందీ డబ్బింగ్‌తో అందుబాటులో ఉంది.
మమ్ముట్టి ASI జార్జ్ మార్టిన్‌గా, కన్నూర్ స్క్వాడ్ అనే పోలీసు టీం కి నాయకత్వం వహిస్తాడు. ఒక సంచలనం సృష్టించిన NRI వ్యాపారవేత్త హత్య, అతని కుటుంబంపై దాడి కేసును విచారించడానికి ఈ టీం దేశవ్యాప్తంగా క్రిమినల్ గ్యాంగ్‌ను వెంబడిస్తుంది. వాస్తవ సంఘటనల ఆధారంగా రూపొందిన ఈ చిత్రం, రియలిస్టిక్ ఇన్వెస్టిగేటివ్ థ్రిల్లర్‌గా, హై-ఆక్షన్ సీన్స్ తో నడుస్తుంది. ఇందులో జార్జ్ మార్టిన్ శాంతియుతమైన వ్యక్తిగా ఉంటూనే, అవసరమైనప్పుడు హింసాత్మకంగా మారతాడు. ఇది మమ్ముట్టి డైనమిక్ పెర్ఫార్మెన్స్‌ను హైలైట్ చేస్తుంది. 72 ఏళ్ల వయసులో మమ్ముట్టి హై-ఇంటెన్సిటీ ఆక్షన్ సీన్స్‌లో నటించడంతో అతని విజన్‌ను చూపిస్తుంది. ఈ సినిమా 2023లో 100 కోట్లకు పైగా వసూళ్లతో మలయాళ బాక్సాఫీస్ హిట్‌గా నిలిచింది. ఈ సినిమా Jio Hotstar లో మలయాళం, తెలుగు డబ్బింగ్, ఇంగ్లీష్ సబ్‌టైటిల్స్‌తో అందుబాటులో ఉంది.
Read Also : లాడ్జిలో అమ్మాయి హత్య… మంచానికి చేతులు కట్టేసి ఆ పాడు పని… నిమిషానికో ట్విస్ట్ ఉన్న సిరీస్ మావ
Share
Sanjana Garlani : పాపం ఈ పిల్ల తెలియక బూతులు మాట్లాడేస్తుంది
Shocking: శిశువును ఫ్రీజర్ లో పెట్టి నిద్రపోయిన తల్లి.. వామ్మో ఇదేం ఘోరం?
