OTT Movies : తెలుగులో వచ్చే హారర్ సినిమాలకు మంచి డిమాండ్ ఉందన్న విషయం తెలిసిందే. గతంలో ఎన్నో హారర్ సినిమాలు సూపర్ డూపర్ హిట్ టాక్ అందుకున్నాయి. ఓటీటీలో వస్తున్నా సినిమాలపై మూవీ లవర్స్ ఆసక్తి చూపిస్తున్నారు. ఈ మధ్య తెలుగులో వణుకు పుట్టించే సన్నివేశాలు ఉన్న సినిమాలు చాలానే వచ్చాయి. అందులో ఓ మూవీ ఇప్పుడు మళ్లీ ఓటీటీ లో స్ట్రీమింగ్ కు వచ్చేసింది.. ఆ మూవీ పేరేంటి? స్ట్రీమింగ్ ఎక్కడో? ఇప్పుడు ఒకసారి చూసేద్దాం..
మూవీ & ఓటీటీ..
తెలుగులో ఎటువంటి అంచనాలు లేకుండా చిన్న సినిమాగా రిలీజ్ అయ్యి బాక్సాఫీస్ వద్ద భారీ ప్రభంజనం సృష్టించిన హారర్ మూవీ మసూద.. ఈ మూవీ థియేటర్లలో మంచి సక్సెస్ టాక్ ను అందుకోవడంతో పాటు కలెక్షన్స్ కూడా భారీగానే వసూలు చేసింది. థియేటర్లలోకి వచ్చి మూడేళ్లయిన తర్వాత ఈ మూవీ మరోసారి ఓటీటీలోకి స్ట్రీమింగ్ కు వచ్చేసింది. మంగళవారం అమెజాన్ ప్రైమ్ ఓటీటీలో విడుదలైంది. మసూద స్ట్రీమింగ్ వివరాలను అమెజాన్ ప్రైమ్ అఫీషియల్‌గా ప్రకటించింది. ఆహా ఓటీటీలో మసూద అందుబాటులో ఉంది. ఈ మూవీలో తిరువీర్‌, సంగీత, బాంధవి శేఖర్‌, కావ్య కళ్యాణ్‌రామ్ కీలక పాత్రలు పోషించారు. సాయికిరణ్ దర్శకత్వం వహించాడు. మామూలుగా వచ్చే హారర్ సినిమాలకు భిన్నంగా ఉండాలని ఇలాంటి కథను దర్శకుడు ఎంచుకొని తన సత్తాను నిరూపించుకున్నాడు. ఈ సినిమా స్టోరీ తో పాటు మ్యూజిక్ కూడా హైలెట్ అయింది. వెన్నులో వణుకు పుట్టించేలా బిజిఎం ఉండడంతో సినిమా మంచి సక్సెస్ ని అందుకుంది..
Also Read : ప్రియాంక చోప్రాకు అరుదైన గౌరవం..గ్లోబల్ స్టార్ ట్యాగ్ ఇవ్వొచ్చు..!
స్టోరీ విషయానికొస్తే..
ఈ మూవీలో నీలమనే ఆవిడ భర్తకు దూరంగా తన కూతురు నాజియాతో కలిసి ఓ అపార్ట్మెంట్లో అద్దెకు ఉంటుంది. అదే అపార్ట్మెంట్లోకి సాఫ్ట్ వేర్ ఇంజనీర్ తన ప్రియురాలతో కలిసి అద్దెకు ఉంటాడు. కానీ తన ప్రేమను మినీకి చెప్పడానికి భయపడుతుంటాడు. నీలమ్ కూతురు నాజియాకు దయ్యం పట్టడంతో వింతగా ప్రవర్తించడం మొదలుపెడుతుంది. ఆ దెయ్యం బారి నుంచి తన కూతురిని రక్షించుకోవడానికి గోపి సహాయం కోరుతుంది నీలమ్. అతి భయస్తుడైన గోపీ ఆ దెయ్యం నుంచి నాజియాకు విముక్తి కల్పించాడా? నాజియా కు పట్టిన ఆ మాసూద ఎవరు? ఆమె ఎందుకు నాజియాను ఆవహించింది అనేది ఈ సినిమా స్టోరీ.. ఈ మూవీని కేవలం ఐదు కోట్ల బడ్జెట్ తో మాత్రమే నిర్మించారు. బాక్స్ ఆఫీస్ వద్ద మంచి సక్సెస్ ని అందుకున్న ఈ మూవీ దాదాపు 13 కోట్లకు పైగా వసూలు చేసింది.. ఇప్పుడు మరోసారి ఓటీటీలోకి రాబోతున్న ఈ సినిమా ఎలాంటి టాక్ని సొంతం చేసుకుంటుందో చూడాలి.. తెలుగులో వచ్చిన సినిమా కావడంతో ఈ మూవీ పై ఆసక్తి పెరుగుతుంది..
Share
Kashmir videos: దేవుడా.. ఎంత దారుణం, బయటకొచ్చిన కశ్మీర్ కాల్పుల వీడియో.. కన్నీళ్లు ఆగవు!
OTT Movie : ఈ గేమ్ ఆడితే ప్రాణాలతో తిరిగి రారు ... బాబోయ్ ఇలాంటి గేమ్ లు కూడా ఉంటాయా ?
