OTT Movie : ఓటీటీలో ఎన్నో సినిమాలు స్ట్రీమింగ్ కి వస్తున్నాయి. అయితే కొన్ని సినిమాలు విచిత్రమైన స్టోరీలతో ప్రేక్షకులను ఆశ్చర్యపరుస్తుంటాయి. ఇప్పుడు మనం చెప్పుకోబోయే సినిమా ఫ్యూచర్ లో జరుగుతుంది. 2092లో 118 ఏళ్ల నీమో అనే చివరి మానవుడు తన గతాన్ని చెప్పడంతో ఈ స్టోరీ మొదలవుతుంది. క్లైమాక్స్ వరకు ఈ సినిమా కన్ఫ్యూజ్ చేసి మెంటలెక్కిస్తుంది. ఈసినిమా పేరు ఏమిటి ? ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాల్లోకి వెళ్తే …
ఈ సినిమా 2092 సంవత్సరంలో ప్రారంభమవుతుంది. ఇక్కడ నెమో అనే 118 సంవత్సరాల వయస్సు గల వృద్ధుడు, మానవ జాతిలో ఆఖరి మరణించే వ్యక్తిగా ఉంటాడు. భవిష్యత్తులో మానవులు జన్యుపరమైన మార్పుల ద్వారా అమరత్వం సాధించారు. కానీ నెమో మాత్రమే సహజ మరణానికి దగ్గరగా ఉంటాడు. అతని జీవితం ఒక టెలివిజన్ షోగా ప్రసారం అవుతుంది. ఎందుకంటే అతను చివరి మరణించే మనిషి. ఒక జర్నలిస్ట్ అతనిని ఇంటర్వ్యూ చేయడానికి రావడంతో, నెమో కూడా తన జీవిత కథను చెప్పడం ప్రారంభిస్తాడు.
నెమో జీవితం 9 సంవత్సరాల వయస్సులో ఉన్నప్పుడు అతని తల్లిదండ్రులు విడిపోతారు. అతను తన తల్లితో వెళ్లాలా లేక తన తండ్రితో ఉండాలా అని నిర్ణయించాల్సి వస్తుంది. ఈ నిర్ణయం అతని జీవితాన్ని విభిన్న దిశల్లోకి తీసుకెళ్తుంది. అతను ఎవరితో వెళ్తే ఏం జరుగుతుందో అనేది కూడా చూపించడం జరుగుతుంది. నెమో తన తల్లితో వెళితే, అతను అన్నా అనే అమ్మాయిని కలుస్తాడు. ఆమెతో అతను గాఢమైన ప్రేమలో పడతాడు. కానీ కుటుంబ సమస్యలు వారిని వేరు చేస్తాయి.
నెమో తన తండ్రితో ఉంటే, అతను ఎలిస్ అనే అమ్మాయిని పెళ్లి చేసుకుంటాడు. కానీ ఆమె అతన్ని నిజంగా ప్రేమించదు. ఎలిస్ డిప్రెషన్‌తో బాధపడుతుంది. వారి వివాహం కష్టాలతో ఉంటుంది. ఒక సమయంలో నెమో ఒక సంపన్న వ్యాపారవేత్తగా మారతాడు. ఇలా నెమో తన జీవిత కథలను చెప్పడం స్టార్ట్ చేస్తాడు. కానీ అవన్నీ నిజమా లేక అతని ఊహలా అని స్పష్టంగా ఉండదు. అతను చివరి శ్వాస విడిచే ముందు, చిన్నప్పటి నెమో రైల్వే స్టేషన్‌లో తన తల్లిని, తండ్రిని ఎంచుకోలేకపోయావని చెప్పి నవ్వుతాడు. ఈ సినిమా ఒక కాస్మిక్ రివర్సల్‌తో ముగుస్తుంది. ఇక్కడ సమయం బిగ్ బ్యాంగ్ వరకు వెనక్కి నడుస్తుంటుంది.
‘మిస్టర్ నోబడీ’ (Mr. Nobody) 2009లో విడుదలైన ఒక సైన్స్ ఫిక్షన్ చిత్రం. జాకో వాన్ డోర్మెల్ దర్శకత్వంలో రూపొందింది. ఈ చిత్రం జారెడ్ లెటో (నీమో నోబడీ), సారా పోలీ (ఎలిస్), డయాన్ క్రూగర్ (అన్నా), లిన్ డాన్ ఫామ్ (జీన్), రైస్ ఇఫాన్స్ (నీమో తండ్రి), నతాషా లిటిల్ (నీమో తల్లి) నటించారు. 2 గంటల 21 నిమిషాల రన్‌టైమ్ తో ఈ సినిమా IMDbలో 7.7/10 రేటింగ్ పొందింది. ప్రస్తుతం ఈ సినిమా అమెజాన్ ప్రైమ్ వీడియో, Mubi, Plexలో అందుబాటులో ఉంది.
Read Also : శవాన్ని దాచడానికి మాస్టర్ ప్లాన్… చెఫ్‌తో పెట్టుకుంటే ఇదే గతి… గ్రిప్పింగ్ కన్నడ క్రైమ్ థ్రిల్లర్
Share
Asia Cup 2025 : బుమ్రాకు వార్నింగ్... వాడి బౌలింగ్ లో 6 సిక్సర్లు కొడతా!
Big producer : తన బ్యానర్ లో సినిమాలు చేయమని రాయబారాలు పంపుతున్న బడా నిర్మాత
