OTT Movie : సీరియల్ కిల్లర్ ను పరుగులు పెట్టించే క్రైమ్ నావలిస్ట్ కొడుకు… శాటిస్ఫైయింగ్ క్లైమాక్స్ ఉన్న క్రైమ్ థ్రిల్లర్

OTT Movie : క్రైమ్ థ్రిల్లర్ జానర్ లో వస్తున్న సినిమాలు ఇప్పుడు బాగా ట్రెండ్ అవుతున్న విషయం తెలిసిందే. వీటిని ఆడియన్స్ కూడా ఇంట్రెస్టింగ్ గా చూస్తున్నారు. ఎప్పుడు ఏం జరుగుతుందో అనే టెన్షన్ తో, ఈ సినిమాలను చూస్తూ ఎంటర్టైన్ అవుతుంటారు ప్రేక్షకులు. ఇక సీరియల్ కిల్లర్ సినిమాల విషాయానికి వస్తే, ఈ సినిమాలు నెక్స్ట్ లెవెల్ లో ఉంటాయి. ఇప్పుడు మనం చెప్పుకోబోయే సినిమాలో కిల్లర్, ఒక రచయిత నవల ఆధారంగా హత్యలు చేస్తుంటాడు. ఈ సినిమా రీసెంట్ గానే ఓటీటీలో అడుగు పెట్టింది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే.

ఏ ఓటీటీలో అంటే

‘ముథల్ పక్కం’ (Muthal Pakkam) ఒక తమిళ క్రైమ్ థ్రిల్లర్ సినిమా. అనీష్ ఆష్రఫ్ దీనికి దర్శకత్వం వహించారు. ఇందులో వేట్రి సుడ్లే, షిల్పా మంజునాథ్, మాగేష్ దాస్, తంబి రామయ్య ప్రధాన పాత్రల్లో నటించారు. ఈ సినిమా 2025 ఆగస్ట్ 1న థియేటర్లలో విడుదల అయింది.
అక్టోబర్ 17 నుంచి ఆహా తమిళ్ లో స్ట్రీమింగ్ కి వచ్చింది. దీనికి IMDbలో 8.1/10 రేటింగ్ ఉంది.

కథలోకి వెళ్తే

చెన్నైలో ఫేమస్ క్రైమ్ నవల రైటర్ ఒక రోజు అనుమానస్పద స్థితిలో మరణిస్తాడు. దీంతో అతని కొడుకు విక్రమ్ చెన్నైకు వస్తాడు. తన తండ్రి మరణం తర్వాత విక్రమ్ షాక్‌లోకి వెళ్తాడు. ఆతరువాత తన తండ్రి రాసిన నవలలు రియల్ లైఫ్ ఇన్‌స్పిరేషన్ అని తెలుస్తుంది. ఇక్కడ మరో క్రైమ్ మొదలవుతుంది. సీరియల్ మర్డర్స్ జరుగుతుంటాయి. పోలీస్ ఇన్స్పెక్టర్ బంబుల్ ఈ కేస్‌ను సాల్వ్ చేయలేకపోతాడు. విక్రమ్ తన స్కిల్స్ యూజ్ చేసి, కిల్లర్ ని పట్టుకోవడానికి ఇన్స్పెక్టర్‌కు హెల్ప్ చేస్తాడు.

విక్రమ్ చెన్నై వచ్చాక తన తండ్రి పాస్ట్ గురించి తెలుసుకుంటాడు. అతను రియల్ లైఫ్ క్రైమ్స్‌పై నవలలు రాశాడని తెలుస్తుంది. అందులో కొన్ని మర్డర్స్ అన్‌సాల్వ్డ్ గా ఉన్నాయి. ఇక్కడ మొదటి మర్డర్ ఒక మహిళ పై జరుగుతుంది. కిల్లర్ ఒక రిచ్యువల్ స్టైల్‌లో చంపుతాడు. ఇన్స్పెక్టర్, విక్రమ్ కలిసి క్లూస్‌లు కనుగొంటారు. కిల్లర్ ఈ హత్యలను, విక్రమ్ తండ్రి నవలల నుండి ఇన్‌స్పైర్ అయ్యాడని తెలుస్తుంది. విక్రమ్ తన తండ్రి నోట్స్ చదువుతూ, కిల్లర్ ని పట్టుకునే ప్రయత్నం చేస్తాడు. ఇక కథలో ఊహించని ట్విస్ట్లు వస్తాయి. చివరికి వీళ్ళు కిల్లర్ ని పట్టుకుంటారా ? కిల్లర్ ఎందుకు హత్యలు చేస్తున్నాడు ? అనే విషయాలను, ఈ తమిళ థ్రిల్లర్ సినిమాను చూసి తెలుసుకోవాల్సిందే.