Free Movies on MX Player : ఈ రోజుల్లో అన్ని ఓటీటీ ప్లాట్‌ఫామ్‌లకు సబ్‌స్క్రిప్షన్ తీసుకోవడం అన్నది ఖర్చుతో కూడుకున్న పని అయిపోయింది. కానీ మీరు ఇంట్లోనే హాయిగా, ఉచితంగా సూపర్ హిట్ సినిమాలు చూడాలనుకుంటే ఎంఎక్స్ ప్లేయర్ (Mx Player) బెస్ట్ ఆప్షన్. ఇక్కడ రజనీకాంత్, మహేష్ బాబు, ధనుష్, నాగ శౌర్య వంటి స్టార్ల సినిమాలు ఉచితంగా అందుబాటులో ఉన్నాయి. మరి ఆ సినిమాలు ఏంటి ? వీకెండ్ స్పెషల్‌గా ఇంట్లో కుటుంబంతో కలిసి ఎంజాయ్ చేయడానికి ఈ లిస్ట్ లో ఉన్న పర్ఫెక్ట్ మూవీస్ ఏంటి ? అన్న వివరాల్లోకి వెళ్తే…
మహేష్ బాబు, కీర్తి సురేష్ నటించిన యాక్షన్ డ్రామా ‘సర్కారు వారి పాట’. బ్యాంకింగ్ సిస్టమ్‌ లోని అన్యాయాలకు వ్యతిరేకంగా ఒక సాధారణ యువకుడు ఎలా పోరాడతాడు ? అనేది కథ. థియేటర్లలో భారీ విజయం సాధించిన ఈ చిత్రం ప్రపంచవ్యాప్తంగా రూ. 188 కోట్లు, భారతదేశంలో రూ. 137.95 కోట్లు వసూలు చేసింది. యాక్షన్, ఎమోషన్, మాస్ అప్పీల్ నిండిన ఈ సినిమా. కుటుంబంతో కలిసి చూడడానికి బెస్ట్ ఆప్షన్.
నాగ శౌర్య, యుక్తి థరేజా నటించిన రొమాంటిక్ యాక్షన్ కామెడీ డ్రామా ఇది. యాక్షన్, ప్రేమ, కామెడీ మూడూ బ్యాలెన్స్‌గా ఉండటం ఈ సినిమా ప్రత్యేకత. థియేటర్లలో ఆశించినంత విజయం రాకపోయినా, ఓటీటీలో మంచి ఆదరణ పొందింది. హాయిగా నవ్వుకుంటూ చూడాలనుకుంటే ఇది బెస్ట్.
రజనీకాంత్ సూపర్ స్టార్ పవర్‌ తో వచ్చిన యాక్షన్ డ్రామా ఈ మూవీ. జైలర్ గా రజనీకాంత్ చేసిన మాస్ ఎంట్రీ, భారీ యాక్షన్ సీక్వెన్స్‌లు, ఫ్యామిలీ ఎమోషన్స్ ఈ సినిమాను స్పెషల్ చేశాయి. ఈ మూవీ బడ్జెట్ రూ.200 కోట్లు కాగా, ప్రపంచవ్యాప్తంగా రూ. 604.50 కోట్లు వసూలు చేసి బ్లాక్‌బస్టర్ అయింది. రజనీ ఫ్యాన్స్‌కు తప్పక చూడాల్సిన సినిమా ఇది.
తలపతి విజయ్, రష్మిక మందన్న నటించిన యాక్షన్ థ్రిల్లర్ డ్రామా ‘వారసుడు’. కుటుంబం, వ్యాపారం, ప్రతీకారం మూడూ కలిపి ఈ స్టోరీ ఆకట్టుకునే విధంగా ఉంటుంది. థియేటర్లలో మంచి వసూళ్లు సాధించిన ఈ చిత్రం రూ.297.55 కోట్ల గ్రాస్ కలెక్షన్‌ తో విజయం సాధించింది. విజయ్ మాస్, ఎమోషన్, రష్మిక గ్లామర్ ఫ్యాన్స్‌ను ఆకట్టుకుంటుంది.
ధనుష్ నటించిన యాక్షన్ థ్రిల్లర్ ‘కెప్టెన్ మిల్లర్’. 2024లో విడుదలైన ఈ చిత్రం ఇప్పుడు ఎంఎక్స్ ప్లేయర్ లో ఉచితంగా అందుబాటులో ఉంది. ధనుష్ యాక్షన్ అవతారం, స్టోరీలోని ఉత్కంఠ ప్రేక్షకులను కట్టిపడేస్తాయి. మోస్తరు బాక్సాఫీస్ వసూళ్లు సాధించినా, ఓటీటీలో మంచి రెస్పాన్స్ వచ్చింది. ఈ సినిమాలన్నీ ఎంఎక్స్ ప్లేయర్లో ఉచితంగా చూడవచ్చు. ఒక్క సినిమాకు కూడా సబ్‌స్క్రిప్షన్ అవసరం లేదు. వీకెండ్‌లో కుటుంబంతో కలిసి ఎంజాయ్ చేయడానికి ఇవి పర్ఫెక్ట్ మూవీస్.
Read Also : మిస్టీరియస్ నాలుకతో ముద్దూ ముచ్చట… మైండ్ ను మడత పెట్టే ట్విస్టులు
Share
ప్రతి ఎపిసోడ్ 9.7 రేటింగ్... విజయం సాధించడానికి చెల్లించాల్సిన భారీ మూల్యం
Pawan Warning: పవన్కు హోంశాఖ? వైసీపీ గుండాలకు ఇక మూడేళ్లు ఇత్తడే, డోర్ డెలివరీ మాటేంటి?
