American Legal Drama Series: లీగల్ డ్రామాలు, కోర్టు రూమ్‌లో జరిగే వాదోపవాదాలు ఇష్టపడేవారి కోసం తాజాగా ఓటీటీలోకి ఓ అద్భుతమైన సిరీస్ అడుగు పెట్టింది. ‘ది రెయిన్‌మేకర్’ (The Rainmaker) అనే టైటిల్ తో రూపొందిన ఈ అమెరికన్ సిరీస్, ప్రముఖ రచయిత జాన్ గ్రిషామ్ (John Grisham) రాసిన బెస్ట్ సెల్లింగ్ నవల ఆధారంగా రూపొందింది. కొత్తగా లాయర్‌గా కెరీర్ ప్రారంభించిన ఓ యువకుడు శక్తివంతమైన లా ఫర్మ్‌తో ఎలా పోరాడాడనేది ఇంట్రస్టింగ్ పాయింట్ తో ఈ సిరీస్ ను తెరకెక్కించారు. మరి ఈ సిరీస్ ను ఎక్కడ చూడవచ్చు ? ఏ ఓటీటీలో ఎప్పటి నుంచి అందుబాటులోకి వచ్చింది అంటే…
రూడీ బేలర్ అనే యువకుడు లా చదువు పూర్తి చేసుకుని, పెద్ద లా ఫర్మ్‌లో తన కెరీర్‌ను ప్రారంభిస్తాడు. అయితే మొదటి రోజే అక్కడి పవర్‌ఫుల్ లాయర్ లియో డ్రమ్మండ్ తో విభేదాలు రావడంతో ఉద్యోగం కోల్పోతాడు. దీంతో చిన్న లీగల్ ఫర్మ్‌ను నడిపించే జోసెలిన్ ‘బ్రూసర్’ స్టోన్ దగ్గర పని చేయడం మొదలుపెడతాడు. అక్కడ డెక్ షిఫ్లెట్ అనే పారాలీగల్‌తో కలిసి కేసులను పరిశీలిస్తుంటాడు. ఈ క్రమంలో డాట్ బ్లాక్ అనే మహిళ తన కుమారుడు డానీ రే మరణానికి ఆసుపత్రి నిర్లక్ష్యమే కారణమని చెబుతూ వారి వద్దకు వస్తుంది.
తన కొడుకు మరణానికి న్యాయం జరగాలని ఆమె కోరుకుంటుంది. ఈ కేసును తీసుకున్న రూడీ, ఆసుపత్రి వ్యవహారాల్లో అనుమానాస్పద అంశాలు ఉన్నట్లు గుర్తిస్తాడు. అతను లోతుగా విచారణ జరిపేకొద్దీ, ఇది కేవలం వైద్య నిర్లక్ష్యానికి సంబంధించిన కేసు మాత్రమే కాదని, దాని వెనుక మరిన్ని కీలక విషయాలు దాగున్నాయని అర్థమవుతుంది. అయితే, రూడీ ఎదుర్కొంటున్నది చిన్నా చితకా ప్రత్యర్థిని కాదు. ఆసుపత్రికి అండగా ఉన్న పెద్ద లా ఫర్మ్‌లో అతని మాజీ బాస్ లియో డ్రమ్మండ్ పని చేస్తుంటాడు. మరోవైపు రూడీకి గతంలో సన్నిహితంగా ఉన్న సారా ప్లాంక్‌మోర్ కూడా ప్రత్యర్థి వర్గంలోనే ఉంటుంది.
దీంతో కోర్టులో జరిగే పోరాటం అతని వృత్తిపరమైన జీవితాన్నే కాకుండా, వ్యక్తిగత సంబంధాలను కూడా ప్రభావితం చేస్తుంది. సాక్ష్యాలను సేకరించడం, కీలక వ్యక్తులను ప్రశ్నించడం, ప్రత్యర్థుల వ్యూహాలను ఎదుర్కోవడం రూడీకి పెద్ద సవాలుగా మారతాయి. అసలు ఆసుపత్రి తప్పిదం వెనుక ఉన్న నిజం ఏంటి ? రూడీ తన ప్రత్యర్థుల కుట్రలను ఎలా బయటపెడతాడు ? సాక్ష్యాలు, న్యాయపరమైన చిక్కుల మధ్య తన క్లయింట్‌కు న్యాయం చేయగలుగుతాడా ? అన్నదే సిరీస్‌లో చూడాల్సిన ఉత్కంఠభరితమైన అంశం.
‘ది రెయిన్‌మేకర్’ 2025లో విడుదలైన అమెరికన్ లీగల్ డ్రామా సిరీస్. నెట్‌ఫ్లిక్స్‌ (Netflix)లో ఈ సిరీస్ అందుబాటులో ఉంది. ఒరిజినల్ ఇంగ్లీష్ ఆడియోతో స్ట్రీమింగ్ అవుతున్న ఈ సిరీస్ లో మైలో కాలఘన్ (Milo Callaghan), లానా పారిల్లా (Lana Parrilla), జాన్ స్లాటరీ (John Slattery), మాడిసన్ ఐస్మన్ (Madison Iseman), పి.జె. బైరన్ (P.J. Byrne) కీలక పాత్రల్లో నటించారు. మైఖేల్ సీట్జ్‌మన్ (Michael Seitzman) రూపొందించిన ఈ సిరీస్‌లో జాన్ గ్రిషామ్ నవలలోని ప్రధాన కథాంశాన్ని నేటితరం ప్రేక్షకులకు అనుగుణంగా మార్చారు.
Read Also: విప్లవం వెనుక నవ్వుల రైడ్… ఓటీటీలోకి అడుగుపెట్టిన పీరియాడిక్ మాస్ డ్రామా ‘కామ్రేడ్ కళ్యాణ్’
Share
2014 నుంచి దేశానికి దరిద్రం.. అమిత్ షాకు ఎంపీ చామల చురకలు!
జీడీమెట్ల సర్కిల్‌లో దారుణం.. పారిశుధ్య కార్మికులను వేదిస్తున్న సూపర్వైజర్!
