Korean Fantasy Drama: రాజుల కాలంలో ఎవరైనా తప్పు చేస్తే వారిని చంపడానికి ఏమాత్రం వెనకాడే వాళ్ళు కాదన్న విషయం మనందరికీ తెలిసిందే. అచ్చం అలాగే ఓ అమ్మాయిని విషం ఇచ్చి చంపబోతే, ఆ అమ్మాయి ఏకంగా 300 ఏళ్ల భవిష్యత్తులోకి వెళ్తే ఎలా ఉంటుంది ? ఆ ఊహే క్రేజీగా ఉంది కదా. దాన్ని విజువల్ గా చూడాలనుకుంటే, కొరియా ఫాంటసీ రొమాంటిక్-కామెడీ కే-డ్రామా ‘My Royal Nemesis’ను చూడాల్సిందే. మరి ఈ కొరియన్ సిరీస్ ఎక్కడ స్ట్రీమింగ్ అవుతోంది ? కథ ఏంటి ? తెలుగులో అందుబాటులో ఉందా ? అన్నది తెలియాలంటే ఈ సిరీస్ పై ఒక లుక్కేయాల్సిందే.
సిరీస్ లో ప్రధాన పాత్ర పేరు కాంగ్ డాన్-సిమ్. జోసెయోన్ కాలంలో రాజును కూడా ముప్పితిప్పలు పెట్టి అపఖ్యాతి పాలవుతుంది రాయల్ కాన్కుబైన్. ఆమె తీక్షణమైన తెలివి, వాక్చాతుర్యం, ధైర్యం వల్ల రాజసభలో ప్రత్యేకమైన పేరు సంపాదించింది. అయితే ద్రోహం చేసిందన్న నెపంతో విషం ఇచ్చి మరణశిక్ష విధిస్తారు. ఆమె కళ్లు తెరిచేసరికి 21వ శతాబ్దపు సియోల్ లో ఉంటుంది. ఆమె ఆత్మ షిన్ సియో-రి అనే కష్టాల్లో ఉన్న నటి శరీరంలోకి ప్రవేశిస్తుంది.
ఆధునిక ప్రపంచం గురించి ఏమీ తెలియని డాన్-సిమ్ స్మార్ట్ఫోన్, కార్లు, కాఫీ షాపులు చూసి షాక్ అవుతుంది. ఆమె ఇప్పటి కాలంలో ఆడిషన్లు, రిజెక్షన్లు, అపార్ట్మెంట్ రెంట్ల మధ్య చిక్కుకుపోతుంది. ఈ సమయంలో ఆమె జీవితంలోకి ప్రవేశించే వ్యక్తి చా సే-గ్యే. అతను ఒక మల్టీ-మిలియనీర్ చేబోల్ వారసుడు, కార్పొరేట్ ప్రపంచంలో పేరు గడించిన కఠినమైన వ్యక్తి. ఆఫీసులో అతని ఒక్క చూపు సరిపోతుంది, ఉద్యోగులు వణికిపోతారు. డాన్-సిమ్ కేమో ఆధునిక మర్యాదలు తెలియకుండా తప్పులు చేయడం, నిర్భయంగా మాట్లాడటం, ఎవరినీ లెక్క చేయకుండా ఉండటం అలవాటు. కానీ ఆమెలో ఉన్న ఆ అలవాట్లే సే-గ్యే దృష్టిని ఆకర్షిస్తాయి.
అతను ఆమెకు ఒక వింత షరతు పెడతాడు: తన బిజినెస్ డీల్లో “ఫేక్ ఫియాన్స్”గా నటించమని అడుగుతాడు. మొదట్లో ఇద్దరూ ఒకరినొకరు చూస్తేనే కొట్టుకునేలా ఉంటాడు. గొడవలు, తీవ్రమైన వాదనలు, ఒకరినొకరు ఎదిరించడం…. ఈ లవ్-హేట్ రిలేషన్షిప్ సిరీస్కు ప్రధాన ఆకర్షణగా ఉంటుంది. నెమ్మదిగా డాన్-సిమ్ తన గత జీవితం రహస్యాలు సే-గ్యేకు చెప్పడం స్టార్ట్ చేస్తుంది. తాను తిరిగి జోసెయోన్ కాలానికి వెళ్లాలా లేదా ? ఇక్కడే కొత్త జీవితం మొదలుపెట్టాలా ? అనే సందేహంలో పడుతుంది. ఈ ప్రయాణంలో సే-గ్యే కఠినమైన హృదయం నెమ్మదిగా కరుగుతుంది. ఆమె నిజాయితీ, ధైర్యం, స్వేచ్ఛ నుంచి నేర్చుకుంటాడు. ఎనిమిది ఎపిసోడ్ల తర్వాత వచ్చే రొమాంటిక్ మూమెంట్స్, ఆఫీస్ కామెడీ, ఫ్యాషన్, లగ్జరీ లైఫ్స్టైల్ సీన్స్ ప్రేక్షకులను ఆకట్టుకుంటాయి. కానీ కథలో కీలక మలుపులు తెస్తాడు విలన్ చోయ్ మున్-డో.
అతను సే-గ్యేను నాశనం చేయడానికి కుట్రలు పన్నుతాడు. అంతలోనే డాన్-సిమ్ ఆత్మ మళ్లీ జోసెయోన్ కాలానికి తిరిగి వెళ్లిపోతుంది. ఆధునిక ప్రపంచంలో ఒంటరైన సే-గ్యే ఆమె కోసం ఏం చేస్తాడు ? కాలాలను దాటి విధి వీరిద్దరిని మళ్లీ కలిపిందా ? అనేది తెలియాలంటే సిరీస్ ను చూడాల్సిందే.
‘మై రాయల్ నెమిసెస్’ ప్రతి అంశం కట్టి పడేస్తుంది. నెట్ఫ్లిక్స్లో 2026లో భారీ విజయం సాధించిన ఈ సిరీస్ ఇప్పుడు గ్లోబల్ ప్రేక్షకులను మంత్రముగ్ధుల్ని చేస్తోంది. మే 8 నుంచి జూన్ 20 వరకు 14 ఎపిసోడ్లతో స్ట్రీమ్ అయిన ఈ సిరీస్ తెలుగు డబ్బింగ్ లేకపోయినా, ఒరిజినల్ కొరియన్ ఆడియోతో ఇంగ్లీష్ సబ్టైటిల్స్, ఇంగ్లీష్ ఆడియోలో నెట్ ఫ్లిక్స్ లో అందుబాటులో ఉంది. ఈ ఎనిమిది ఎపిసోడ్ల సిరీస్ నెట్ఫ్లిక్స్ లో గ్లోబల్ టాప్ 1 స్థానాన్ని కైవసం చేసుకుంది.
Read Also: ఇండియన్ మైథాలాజి మిక్సయ్యి ఉన్న హాలీవుడ్ హర్రర్ మూవీ… లాస్ట్ ట్విస్ట్ డోంట్ మిస్
Share
Vijayawada: యూట్యూబర్ ప్రశ్న రావణ్.. ఫోన్లో సీక్రెట్ యవ్వారాలు, తీగ లాగితే డొంక కదిలింది
జస్ట్ రూ.23 వేలకే.. రౌండ్ ట్రిప్, ఆగస్టులో ఈ ప్రాంతాలకు వెళ్లి వచ్చేయండి!
