Netflix Viral Movie Promotion: సినిమా ప్రమోషన్ కోసం సాధారణంగా పోస్టర్లు, ట్రైలర్లు, ఇంటర్వ్యూలు, ఈవెంట్లు నిర్వహిస్తుంటారు. కానీ, నెట్ ఫ్లిక్స్ మాత్రం ఓ సినిమా ప్రచారం కోసం డిఫరెంట్ రూట్ ను ఎంచుకుంది. ప్రస్తుతం ఈ ఆలోచన సోషల్ మీడియాలో వైరల్ అవుతోంది. కొంత మంది ఈ ఐడియాను మెచ్చుకుంటే, మరికొంత మంది తిడుతున్నారు.
మూవీ ప్రమోషన్ లో భాగంగా నెట్ ఫ్లిక్స్.. లాస్ ఏంజెల్స్లోని సన్ సెట్ బౌలే వార్డ్ పై ఏకంగా 30 అడుగుల ఎత్తులో ఏర్పాటు చేసిన ఇంటి ఆకారపు బిల్ బోర్డ్లో ఓ వ్యక్తిని 24 గంటలకు పైగా ఉంచింది. ఈ స్టంట్లో పాల్గొన్న వ్యక్తి పేరు నాథన్ షూప్. 34 ఏళ్ల అతను బిల్ బోర్డ్పై ఏర్పాటు చేసిన చిన్న ఇంట్లో బాత్ రోబ్ వేసుకుని గడిపాడు. అతడికి అక్కడ ఎయిర్ కండిషనింగ్, వైట్ బోర్డ్ లాంటి కొన్ని సదుపాయాలు మాత్రమే ఉన్నాయి. తినడానికి సోర్ స్ట్రిప్స్ కూడా కొన్నే ఇచ్చింది. ఈ స్టంట్లో మరో ఆసక్తికరమైన అంశం.అతడు ఉంటున్న బిల్ బోర్డ్ కింద ‘‘మీరు ఎంతకాలం జీవించగలరు?’’ అనే ప్రశ్నను కూడా ఏర్పాటు చేశారు. ఈ ప్రచారం ‘ది లాస్ట్ హౌస్’ అనే సైన్స్ ఫిక్షన్ థ్రిల్లర్ కోసం నెట్ ఫ్లిక్స్ నిర్వహించింది.
ఈ ప్రమోషన్లో అందరినీ ఆశ్చర్యపరిచే విషయం ఏమిటంటే.. బిల్ బోర్డ్ పై ఇంతసేపు గడిపిన నాథన్ షూప్ ఆ సినిమాలో నటించలేదు. ఈ ప్రత్యేకమైన ప్రమోషన్లో పాల్గొనే అవకాశం కోసం నాథన్ షూప్ మరో తొమ్మిది మంది నటులతో పోటీ పడ్డాడు. చివరకు సినిమాలో ఇంట్లో బందీగా ఉన్న ఓ సాధారణ వ్యక్తి ఎలా ఉంటాడో బాగా చూపించడంతో అతడిని ఎంపిక చేసినట్లు తెలుస్తోంది. సినిమా కథకు తగ్గట్టుగానే షూప్ కు ఫోన్ ఇవ్వలేదు.
ఈ ప్రమోషన్ వెనుక నెట్ ఫ్లిక్స్ కు మరో కారణం కూడా ఉందని ఇండస్ట్రీ టాక్. గత ఏడాది ‘KPop Demon Hunters’ తర్వాత నెట్ ఫ్లిక్స్ కు అదే స్థాయిలో హిట్ దొరకలేదు. ఆ సినిమా ఇప్పటికీ గ్లోబల్ టాప్ 10లో కొనసాగుతోంది. కెవిన్ హార్ట్ నటించిన ‘72 అవర్స్’ కూడా మంచి స్పందన తెచ్చుకున్నప్పటికీ, ఆయన 2022లో నటించిన ‘Me Time’తో పోలిస్తే తొలి వీకెండ్ వ్యూస్ సగం కంటే తక్కువగా ఉన్నాయి. ఈ నేపథ్యంలోనే ‘ది లాస్ట్ హౌస్’ సూపర్ హిట్ కోసం ఈ వింత ప్రమోషన్ ను ఎంచుకుంది.
సినిమా ప్రచారం కోసం చేసిన ఈ వినూత్న ప్రయత్నం చివరకు భారీ జరిమానాకు దారితీసింది. ఆ హోర్డింగ్ లో ఉన్న వ్యక్తి రోడ్డుపై వెళ్లే వారికి చేతులు ఊపుతూ కనిపించాడు. ఈ దృశ్యాన్ని చూసేందుకు వాహనదారులు వేగం తగ్గించడంతో ట్రాఫిక్కు అంతరాయం ఏర్పడింది. దీంతో స్థానిక అధికారులు ఈ స్టంట్ వల్ల ప్రమాదం జరిగే అవకాశం ఉందని భావించారు. ఈ ప్రమోషన్ నిర్వహించిన సంస్థకు సుమారు $200,000(రూ. 1.7 కోట్ల) జరిమానా విధించారు. అంతేకాదు, మూడు రోజుల్లోగా ఆ నిర్మాణాన్ని తొలగించాలని ఆదేశించారు. వినూత్న ప్రచారంగా మొదలైన ఈ ప్రయత్నం చివరకు సంస్థకు భారీ నష్టాన్ని మిగిల్చింది.
‘ది లాస్ట్ హౌస్’ మూవీలో గ్రెటా లీ, వాగ్నర్ మౌరా ప్రధాన పాత్రల్లో కనిపించారు. ఈ సినిమాలో ఓ కుటుంబం తమ సొంత ఇంట్లోనే చిక్కుకుపోతుంది. తల్లిదండ్రులు, వారి ఇద్దరు పిల్లలు బయటకు వెళ్లే మార్గం లేకుండా ఇంట్లోనే బందీలుగా మారుతారు. ఆ పరిస్థితి నుంచి వారు ఎలా బయటపడతారనే అంశం చుట్టూ కథ సాగుతుంది.
Read Also: అందరికీ నో చెప్పే నయన్.. యశ్ అడగ్గానే అందుకు ఓకే చెప్పిందట.. ‘టాక్సిక్’ ఈవెంట్ లో సర్ప్రైజ్!
Share
సెక్షన్ 22-ఏ భూములపై ప్రభుత్వం కసరత్తు.. ఆ జాబితాలో 2 లక్షల ఎకరాల ప్రైవేట్ భూమి
శాంసంగ్ నుంచి మరో సూపర్ ఫోన్.. లాంచ్కు ముందే ఫీచర్లు లీక్, కొత్త డిజైన్ చూశారా?
