OTT : హాలీవుడ్ సినిమాలకు ఓటీటీలోనే కాదు థియేటర్లలో కూడా దుమ్మురేపే రెస్పాన్స్ వస్తూ ఉంటుంది. అందులోనూ మార్వెల్ నుంచి రిలీజ్ అయ్యే సినిమాలు రిలీజ్ అయితే రికార్డులు తిరగరాయడం ఖాయం. ఇలా మార్వెల్ నుంచి రిలీజైన తాజా సూపర్ హీరో మూవీ ‘డెడ్‌పూల్ & వుల్వరైన్’ సినిమా కూడా చరిత్రను సృష్టించింది, ఇది ఎప్పటిలాగే ఈ సంవత్సరం అత్యధిక వసూళ్లు దక్కించుకున్న చిత్రాలలో ఒకటిగా నిలిచింది. ప్రపంచవ్యాప్తంగా బాక్సాఫీస్ వద్ద $1.3 బిలియన్ల వసూళ్లను కొల్లగొట్టిన ఈ చిత్రం భారతదేశంతో సహా ప్రపంచవ్యాప్తంగా హాలీవుడ్ మూవీ లవర్స్ ను అలరించింది. కానీ ఈ మూవీని ఎప్పుడెప్పుడు ఇంట్లోనే కూర్చుని చూద్దామా అని ఓటీటీ లవర్స్ కూడా ఆసక్తిగా ఎదురు చూస్తున్నారు. అందుకే మేకర్స్ ఈ చిత్రం ఓటీటీ ప్రీమియర్‌కు సంబంధించిన ఒక పెద్ద అప్‌డేట్ ను ఇచ్చారు. ఓటీటీలో ‘డెడ్‌పూల్ అండ్ వుల్వరైన్’ ఎప్పుడు, ఎక్కడ ప్రసారం అవుతుందో తెలుసుకుందాం పదండి.
ఓటీటీలో ‘డెడ్‌పూల్ అండ్ వుల్వరైన్’ మూవీని ఎప్పుడు, ఎక్కడ చూడవచ్చు ?
‘డెడ్‌పూల్ అండ్ వుల్వరైన్’ విమర్శకులతో పాటు ప్రేక్షకుల నుండి అద్భుతమైన రివ్యూలను అందుకుంది. దీంతో ఈ సినిమా ప్రపంచ వ్యాప్తంగా భారీ వసూళ్లను రాబట్టింది. సమాచారం ప్రకారం ఈ చిత్రం ఒక్క భారతదేశంలోనే ఏకంగా 100 కోట్లకు పైగా బిజినెస్ చేసింది. రీసెంట్ గా బాక్సాఫీస్ వద్ద సందడి చేసిన ఈ చిత్రం ఇప్పుడు ఓటీటీలో ప్రసారం కావడానికి సిద్ధమవుతోంది. షాన్ లెవీ దర్శకత్వం వహించిన డెడ్‌పూల్ అండ్ వుల్వరైన్ సినిమాలో ర్యాన్ రేనాల్డ్స్, హ్యూ జాక్‌మన్ హీరోలుగా నటించారు. ఈ చిత్రంలో ఇద్దరూ డెడ్‌పూల్, వుల్వరైన్ పాత్రలను పోషించారు. ఎమ్మా కొరిన్, మాథ్యూ మక్‌ఫాడియన్, జోన్ ఫావ్‌రూ, మోరెనా బాకరిన్, రాబ్ డెలానీ, లెస్లీ ఉగ్గమ్స్ తదితరులు కీలక పాత్రలు పోషించారు. ఈ చిత్రానికి నిర్మాతలు కెవిన్ ఫీగే, లారెన్ షులర్ డోనర్, ర్యాన్ రేనాల్డ్స్ అండ్ షాన్ లెవీ.
మీడియా నివేదికల ప్రకారం ఈ చిత్రం 2024 అక్టోబర్ 1 నుండి ప్రీమియం వీడియో ఆన్ డిమాండ్ (PVOD)లో ఇంగ్షీషులో అందుబాటులో ఉంటుంది. డిస్నీ ప్లస్‌ హాట్ స్టార్ లో దీని స్ట్రీమింగ్ అక్టోబర్ చివరి నాటికి ప్రారంభమవుతుందని భావిస్తున్నారు. ఈ చిత్రాన్ని హిందీ, తెలుగు, ఇతర భారతీయ భాషల్లో ఎప్పుడు, ఎక్కడ చూడవచ్చు? అనే విషయాన్ని మేకర్స్ ఇంకా ప్రకటించలేదు.
భారతదేశంలో ‘డెడ్‌పూల్ మరియు వుల్వరైన్’ ఎంత సంపాదించింది?
భారతదేశంలో కూడా “డెడ్‌పూల్ మరియు వుల్వరైన్” అద్భుతంగా ఆడింది. ఈ చిత్రం ఇండియాలోని అన్నీ భాషల్లో కలిపి రూ. 135.22 కోట్ల రూపాయలను వసూలు చేసింది. ప్రపంచ వ్యాప్తంగా ఈ సినిమా 1.3 బిలియన్ డాలర్లు వసూలు చేసి అద్భుతాన్ని క్రియేట్ చేసింది. సినిమాలోని రెండు ప్రధాన పాత్రలకు ప్రేక్షకుల నుండి మంచి ఆదరణ దక్కింది. మొత్తానికి డెడ్ పూల్ & వుల్వరైన్ ఇద్దరూ కలిసి బాక్స్ ఆఫీసును షేక్ చేశారు. అయితే ఈ మూవీని ఓటీటీలో చూడాలంటే మాత్రం అక్టోబర్ దాకా ఆగాల్సిందే.
Share
Shani effect to Jagan: జగన్‌ను వెంటాడుతున్న శని, పుష్కర‌కాలంపాటు..
Brahmamudi Serial Today September 20th: ‘బ్రహ్మముడి’ సీరియల్: కలలో కూడా కావ్యని మర్చిపోని రాజ్ - స్వరాజ్ కు పోటీగా సామంత్ ను దింపిన అనామిక
