Political Satire Series on OTT : రాజకీయాల్లో ఉండే కుతంత్రాలను నవ్వుకుంటూనే చురకలు వేస్తోంది ఒక సిరీస్. ఈ పొలిటికల్ డార్క్ కామెడీ సిరీస్ లో టైటానికి సుందరి కేట్ విన్స్లెట్ ప్రధాన పాత్రలో నటించింది. ఆమె ఇందులో ఒక దేశాన్ని ఏలే పాలకురాలికి నటించింది. ఆమె చుట్టూ ఉన్న ఆఫీసర్లు తమ స్వార్థం కోసం ఆమెను ఎలా బురిడీ కొట్టిస్తారు, దానివల్ల ఆ దేశం ఎలా నాశనమైపోతుందనే మ్యాటర్ను కాస్త వెటకారంగా, నవ్వు తెప్పించేలా ఈ సిరీస్లో చూపించారు. ఇందులో పెద్దగా ఫైట్లు, రొటీన్ మసాలాలు ఏమీ ఉండవు. అయితే అధికారం చేతిలో ఉన్నవాళ్ల అహంకారం ఎంత దారుణంగా ఉంటుందో వ్యంగ్యంగా కళ్లకు కట్టినట్టు చూపిస్తుంది ఈ డ్రామా.
ఈ పొలిటికల్ సెటైరికల్ సిరీస్ పేరు ‘ది రెజీమ్’ (The Regime). దీనిని విల్ ట్రేసీ సృష్టించగా, ఆస్కార్ నామినేటెడ్ దర్శకుడు స్టీఫెన్ ఫ్రియర్స్, జెస్సికా హాబ్స్ కలసి తెరకెక్కించారు. ఈ కథలో చూపించే నియంత ప్యాలెస్ చారిత్రాత్మక వైభవంతో కనిపించడం కోసం, ఆస్ట్రియా రాజధాని వియన్నాలోని కొన్ని సీన్స్ ఘాట్ చేశారు. ఆస్కార్ అవార్డు విజేత అలెగ్జాండర్ డెస్ప్లాట్ అందించిన నేపథ్య సంగీతం ఈ సిరీస్లోని డార్క్ కామెడీని మరింత రక్తికట్టించింది. ఇక ఛాన్సలర్ ఎలెనా వెర్న్హామ్గా నటించిన కేట్ విన్స్లెట్, ఈ వింతైన నియంత పాత్ర కోసం ప్రత్యేకంగా ఒక బాడీ లాంగ్వేజ్ను ఉపయోగించి విమర్శకుల నుండి భారీ ప్రశంసలు అందుకున్నారు. ఆమె నటనకు గానూ గోల్డెన్ గ్లోబ్ అవార్డు కూడా దక్కింది. ఈ మినీ సిరీస్ 2024 మార్చి 3న ప్రపంచవ్యాప్తంగా ప్రీమియర్ అయింది. ఆ తర్వాత ప్రతి వారం ఒక ఎపిసోడ్ చొప్పున విడుదలై, ఏప్రిల్ 7, 2024 న ఆరవ ఎపిసోడ్తో ముగిసింది. ప్రస్తుతం ఈ సిరీస్ జియో హాట్ స్టార్ (Jio hotstar)లో అందుబాటులో ఉంది.
ఎలెనా వెర్న్హామ్ (కేట్ విన్స్లెట్) అనే మహిళ ఒక యూరోపియన్ దేశానికి ఛాన్సలర్ గా ఉంటుంది. అయితే ఆమెకు ఆరోగ్య విషయాల్లో విపరీతమైన భయాలు, అనుమానాలు ఎక్కువ. ముఖ్యంగా ఆమె ఉండే ప్యాలెస్లో విషపూరితమైన బూజు ఉందనే భయంతో చాలా కాలం పాటు బయటి ప్రపంచంలోకి రాకుండా ప్యాలెస్కే పరిమితమవుతుంది. ఈ క్రమంలో గాలిలో తేమను పరీక్షించడానికి హెర్బర్ట్ జుబాక్ అనే ఒక సైనికుడిని తన పక్కన పెట్టుకుంటుంది. ఆ సైనికుడు మెల్లమెల్లగా ఆమెను పూర్తిగా ప్రభావితం చేసి, దేశ పాలనలో జోక్యం చేసుకోవడం మొదలుపెడతాడు. వీళ్లిద్దరి అనాలోచిత నిర్ణయాల వల్ల దేశ ఆర్థిక వ్యవస్థ దెబ్బతిని, చివరికి ప్రజలు, తిరుగుబాటుదారులు ప్యాలెస్పై దాడి చేసే పరిస్థితి వస్తుంది.
ఇక ముగింపు విషయానికొస్తే, తిరుగుబాటు తీవ్రరూపం దాల్చడంతో ఎలెనా, జుబాక్ ప్యాలెస్ వదిలి పారిపోవాల్సి వస్తుంది. ఆ సమయంలో అమెరికన్ పొలిటికల్ లీడర్స్ ఆమెకు ఒక ప్రతిపాదన చేస్తారు. జుబాక్ను వదిలేసి, మేము చెప్పినట్టు వినే రబ్బర్ స్టాంప్ పాలకురాలిగా మారాలని కండిషన్ పెడతారు. వేరే దారి లేక, పదవి కాపాడుకోవడం కోసం ఎలెనా తన ప్రియుడైన జుబాక్ను చంపించడానికి ఒప్పుకుంటుంది. చివరికి జుబాక్ దారుణంగా చంపబడతాడు. ఎలెనా మాత్రం ఏ తప్పు ఎరుగనట్టు మళ్లీ బుల్లెట్ ప్రూఫ్ గ్లాస్ బాక్స్లో నిలబడి ప్రజల ముందు ఫోజులు కొడుతూ, చనిపోయిన జుబాక్ శవాన్ని తన ప్యాలెస్ బేస్మెంట్లో ఒక అద్దాల పెట్టెలో దాచుకుని మళ్లీ తన పాత సింహాసనంపై కూర్చుంటుంది.
Read Also : నొప్పిలోనే సుఖం వెతుక్కునే భర్త… ప్రేక్షకులను కొత్త ప్రపంచంలోకి తీసుకెళ్లే మైండ్ బ్లోయింగ్ మూవీ
Share
జర్నలిస్ట్ హత్య కేసులో దుమ్ములేపే ఇన్వెస్టిగేషన్... క్లైమాక్స్ వరకు టెన్షన్ పెట్టించే రియల్ క్రైమ్ సిరీస్
Today Movies in TV : శుక్రవారం టీవీ సినిమాలు.. వీటిని మిస్ అవ్వకండి..
