Political thriller OTT: మలయాళ సినిమాలకు తెలుగులో కూడా మంచి మార్కెట్ ఉంది. ఓటీటీలో వీటిని తెగ చూస్తున్నారు తెలుగు ప్రేక్షకులు. ఓటీటీలోకి ఏదో ఒక మలయాళం మూవీ వస్తూ ప్రేక్షకులను అలరిస్తూనే ఉంది. ఇప్పుడు పొలిటికల్ థ్రిల్లర్ నేపథ్యంలో మరో మూవీ ఓటీటీలోకి వచ్చేసింది. ‘సర్వం మాయ’లో పంతులు గెటప్ తో సూపర్ హిట్ కొట్టిన నివిన్ పౌలీ, ఇప్పుడు పొలిటికల్ గెటప్ తో ఒక పవర్ ఫుల్ పాత్రలో ఆకట్టుకున్నాడు. ఇందులో నివిన్ తన నటనతో సినిమాను నెక్స్ట్ లెవెల్ కి తీసుకెళ్లారు. అయితే థియేటర్లలో ఈ సినిమా యావరేజ్ హిట్గా నిలిచింది.
నివిన్ పౌలీ, బాలచంద్ర మీనన్ కలయికలో వచ్చిన ఈ సినిమా ‘ప్రతిఛాయ’ (Prathichaya). ఇప్పుడు జియోహాట్స్టార్ ప్లాట్ఫామ్లో మలయాళంతో పాటు తెలుగు, కన్నడ, తమిళం, హిందీ భాషల్లో స్ట్రీమింగ్ అవుతోంది. ఈ సినిమాకు ఉన్నికృష్ణన్ దర్శకత్వం వహించారు. ఇందులో షరాఫ్ ఉద్దీన్, హరిశ్రీ అశోకన్, ఆన్ అగస్టిన్ ఇతర కీలక పాత్రలు పోషించారు. ఇది 2026 మార్చి 26న థియేటర్లలో విడుదలైంది. థియేటర్ రన్ తర్వాత, ఈ సినిమా ఏప్రిల్ 24 నుండి JioHotstarలో స్ట్రీమింగ్ అవుతోంది. ఈ సినిమాను శ్రీ గోకులం మూవీస్ బ్యానర్పై భారీ బడ్జెట్తో నిర్మించారు. రాజకీయ వ్యూహాలు, కార్పొరేట్ కుట్రల నేపథ్యంలో సాగే కథ కావడంతో, సినిమా మేకింగ్ చాలా రిచ్గా ఉంటుంది. జస్టిన్ వర్గీస్ అందించిన బ్యాక్ గ్రౌండ్ స్కోర్ సినిమాలోని సీరియస్ సీన్స్కు బాగా ఉపయోగపడింది.
కేరళ రాష్ట్ర ముఖ్యమంత్రి (బాలచంద్ర మీనన్) మీద, ఒక మహిళ అత్యాచార ఆరోపణలు చేసిన మరుసటి రోజు ఆయన చనిపోతారు. దీంతో ఆ కుర్చీ కోసం పార్టీలో పెద్ద గొడవ మొదలవుతుంది. ఆ సీఎం పెద్ద కొడుకు తన తండ్రి వారసత్వాన్ని వాడుకుని పవర్ లోకి రావాలని ఫిక్స్ అవుతాడు. కానీ అతను బయటకి కనిపించేంత సాఫ్ట్ కాదు. లోపల చాలా కుట్రలు, కుతంత్రాలు నడుస్తుంటాయి. ఎవడు ఎవరికి వెన్నుపోటు పొడుస్తాడో అర్థం కాని పరిస్థితి. ఇలాంటి టైమ్లోనే హీరో (నివిన్ పాలీ) ఎంట్రీ ఇస్తాడు. సీఎంకు ఇతను రెండో కొడుకు. తన అన్న బిజినెస్ లాభాల కోసం కొన్ని పెద్ద పెద్ద కార్పొరేట్ కంపెనీలతో చేతులు కలిపి, రాష్ట్రానికి సంబంధించిన కీలక రహస్యాలను అమ్మేస్తున్నాడని హీరోకి తెలుస్తుంది.
తండ్రి ఇమేజ్ని వాడుకుంటూ కొడుకు చేస్తున్న ఈ అక్రమ దందాల వల్ల రాష్ట్రం పెద్ద ముప్పులో పడుతుందని హీరో గ్రహిస్తాడు. అలాగే తన తండ్రి మరణానికి సంబంధించి ఏదో మర్మం ఉందని అనుమానిస్తాడు. ఈ సమయంలో కొన్ని కార్పొరేట్ కుట్రలు బయటికి వస్తాయి. చివరికి ఆ రాజకీయ నాయకులను హీరో ఎలా ఎదుర్కొన్నాడు? ఆ సీఎం సీటు ఎవరికి దక్కింది? ఆ కార్పొరేట్ గూండాల ఆటను హీరో ఎలా కట్ చేశాడు? అనేదే ఈ సినిమా క్లైమాక్స్. పక్కా పొలిటికల్ మైండ్ గేమ్స్తో, ట్విస్టులతో సినిమా సాగుతుంది.
Read Also : అమ్మాయి మిస్సింగ్ కేసులో పిచ్చెక్కించే ట్విస్టులు… ఉత్కంఠ రేకెత్తించే సరికొత్త క్రైమ్ మిస్టరీ
Share
తెలంగాణ పేరుతో రాష్ట్రంలో 13 వ పార్టీగా కవిత TRS.. గతంలో వచ్చిన పార్టీలివే..?
బాక్సాఫీస్ వద్ద 'జానీ' సునామీకి 23 ఏళ్లు.. ఒక డిజాస్టర్ ఎలా 'కల్ట్ క్లాసిక్'గా మారిందో తెలుసా?
