Psychological Thriller movie : సైకలాజికల్ హారర్ నేపథ్యంలో వచ్చిన ఒక హాలీవుడ్ సినిమా మంచి గుర్తింపు పొందింది. అంతేకాదు ఆ సినిమా ఆస్కార్ ని కూడా గెలిచింది. ఒక నల్లజాతీయుడు తన తెల్లజాతి గర్ల్ఫ్రెండ్ తల్లిదండ్రులను కలవడాని వెళ్ళినప్పుడు, ఆ కుటుంబం దాచిపెట్టిన భయంకరమైన రహస్యం చుట్టూ ఈ సినిమా తిరుగుతుంది. ఇక ఇందులో వర్ణవివక్షను, ఒక హారర్ థ్రిల్లర్ రూపంలో చూపించిన విధానం ప్రేక్షకులను బాగా ఆకట్టుకుంది. థ్రిల్లర్ ఫ్యాన్స్ మిస్ కాకుండా చూడాల్సిన సినిమా ఇది.
ఈ అమెరికన్ సైకలాజికల్ హర్రర్ చిత్రం పేరు ‘గెట్ అవుట్’ (Get out). 2017లో వచ్చిన ఈ సినిమాకి జోర్డాన్ పీలే తొలిసారి దర్శకత్వం వహించాడు. ఇందులో డేనియల్ కలుయుయా, అల్లిసన్ విలియమ్స్, లిల్ రెల్ హౌరీ, లకీత్ స్టాన్ఫీల్డ్, బ్రాడ్లీ విట్ఫోర్డ్, కాలేబ్ లాండ్రీ జోన్స్, స్టీఫెన్ రూట్, కేథరీన్ కీనర్, బెట్టీ గాబ్రియేల్ నటించారు. ఇది 2017 జనవరి 23న సన్డాన్స్ ఫిల్మ్ ఫెస్టివల్లో ప్రదర్శించబడింది. 2017 ఫిబ్రవరి 24న యూనివర్సల్ పిక్చర్స్ ద్వారా యునైటెడ్ స్టేట్స్ థియేటర్లలో విడుదలైంది. ఇది కమర్షియల్ గా పెద్ద విజయాన్ని సాధించింది. కేవలం 37 కోట్ల రూపాయల బడ్జెట్తో తెరకెక్కిన ఈ చిత్రం, ప్రపంచవ్యాప్తంగా సుమారు 2,100 కోట్ల రూపాయలకు పైగా వసూలు చేసి రికార్డు సృష్టించింది. దీనిని నేషనల్ బోర్డ్ ఆఫ్ రివ్యూ 2017 సంవత్సరంలో టాప్ పది చిత్రాలలో ఒకటిగా గుర్తించింది. ఈ సినిమాకు ఉత్తమ ఒరిజినల్ స్క్రీన్ప్లే విభాగంలో ఆస్కార్ అవార్డు కూడా దక్కింది. ప్రస్తుతం ఇది Amazon Prime Video, Jio hotstar ప్లాట్ ఫామ్లలో అందుబాటులో ఉంది
క్రిస్ అనే నల్లజాతీయుడు రోజ్ అనే తెల్ల అమ్మాయిని ప్రేమిస్తాడు. ఆమె ఆహ్వానం మేరకు ఆమె తల్లిదండ్రులను కలవడానికి వాళ్ల ఊరికి వెళ్తాడు. మొదట్లో అంతా బాగానే ఉన్నట్లు అనిపించినా, అక్కడ పని చేసే వ్యక్తుల ప్రవర్తన క్రిస్కు చాలా వింతగా, అనుమానాస్పదంగా అనిపిస్తుంది. ఆ ఇంట్లో జరిగే ఒక పార్టీకి వచ్చిన వాళ్లంతా క్రిస్ను ఒక వస్తువులా చూడటం, అతని శరీరం గురించి వింత ప్రశ్నలు వేయడంతో అతనికి ఏదో తప్పు జరుగుతోందని అర్థమవుతుంది.
అసలు విషయం ఏమిటంటే, ఆ కుటుంబం ఒక భయంకరమైన వ్యాపారం చేస్తుంటుంది. ముసలివారైపోయిన తెల్లజాతీయుల మెదడును, శారీరకంగా బలంగా ఉండే నల్లజాతీయుల శరీరాల్లోకి మార్చి వాళ్లను బానిసలుగా మార్చేస్తుంటారు. ఈ క్రమంలో క్రిస్ను కూడా బంధించి అతని శరీరాన్ని వేరొకరికి ఇవ్వాలని చూస్తారు. చివరికి క్రిస్ ఆ ప్రమాదం నుండి తప్పించుకున్నాడా ? రోజ్ అతన్ని మోసం చేసిందా ? ఈ సినిమా క్లైమాక్స్ ఏంటి ? అనే విషయాలను, ఈ సినమాను చూసి తెలుసుకోండి.
Read Also : కూతురి మిస్సింగ్ తో అడవిలో హడలెత్తిపోయే అడ్వెంచర్… ఓటీటీలోకి సీట్ ఎడ్జ్ థ్రిల్లర్
Share
Ban Players Coma: టీ20 ప్రపంచ కప్ ఎఫెక్ట్..సంక్షోభంలో బంగ్లాదేశ్ క్రికెట్...కోమాలోకి వెళ్లిన ఇద్దరు ఆటగాళ్లు
Pulsar Bike Ramana: పల్సర్ బైక్ రమణ నెలకు ఎంత సంపాదిస్తాడో తెలుసా.. ఇది మామూలుగా ఉండదు..
