సైకోలకే చమటలు పట్టించే మైండ్ బ్లోయింగ్ సస్పెన్స్ థ్రిల్లర్ మూవీ…

Psychological Thriller OTT :ఈ రోజుల్లో టెక్నాలజీ పరుగులు పెడుతోంది. ఫోన్ ఉపయోగించి సినిమాలు కూడా తీసేస్తున్నారు. అలాంటి ప్రయోగాలు సక్సెస్ కూడా అవుతున్నాయి. ఇప్పుడు చెప్పుకోబోయే హాలీవుడ్ సినిమా పూర్తిగా ఐఫోన్ 7 ప్లస్ ఉపయోగించి తీశారు. ఈ చిత్రం విమర్శకుల నుండి ప్రశంసలు కూడా అందుకుంది. అంతేకాదు తక్కువ బడ్జెట్ తో ఎక్కువ లాభాలను కూడా పొందింది. ఈ స్టోరీలో థ్రిల్లింగ్ ఎలిమెంట్స్ కూడా భలే ఉంటాయి. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే…

నెట్ ఫ్లిక్స్ లో స్ట్రీమింగ్

ఈ అమెరికన్ సైకలాజికల్ థ్రిల్లర్ చిత్రం పేరు ‘అన్‌సేన్’ (Unsane). 2018లో వచ్చిన ఈ సినిమాను ప్రముఖ దర్శకుడు స్టీవెన్ సోడర్‌బర్గ్ తెరకెక్కించారు. ఇందులో క్లైర్ ఫోయ్ తన నటనతో విమర్శకుల ప్రశంసలు అందుకోగా, హాలీవుడ్ స్టార్ నటుడు మ్యాట్ డామన్ ఒక చిన్న అతిథి పాత్రలో కనిపించి అలరించారు. ఈ సినిమా షూటింగ్ పరంగా ఒక పెద్ద సంచలనం సృష్టించింది. దర్శకుడు స్టీవెన్ సోడర్‌బర్గ్ ఈ మొత్తం సినిమాని కేవలం ఐఫోన్ 7 ప్లస్ ఉపయోగించి, 10 రోజుల్లోనే పూర్తి చేశారు. అతి తక్కువ బడ్జెట్‌తో, అంటే దాదాపు 12 కోట్ల రూపాయలతో నిర్మించిన ఈ సినిమా, బాక్సాఫీస్ వద్ద 100 కోట్ల రూపాయలకు పైగా వసూలు చేసి పెద్ద విజయాన్ని అందుకుంది. ఈ సినిమా ప్రస్తుతం Netflix ఓటీటీలో అందుబాటులో ఉంది.

స్టోరీ ఏమిటంటే

ఒక యువతిని ఎవరో అపరిచితుడు ఎప్పుడూ ఫాలో అవుతుంటాడు. ఆ టార్చర్ తట్టుకోలేక భయంతో తన ఊరు వదిలి కొత్త సిటీకి వస్తుంది. అక్కడ కూడా ఆమెకు ఆ భయం పోదు. దాంతో మానసిక ప్రశాంతత కోసం ఒక హాస్పిటల్‌లో కౌన్సెలింగ్‌కు వెళ్తుంది. కానీ అక్కడ ఆమెకు మానసిక సమస్య ఉందని చెప్పి బలవంతంగా అడ్మిట్ చేసుకుంటుంది హాస్పిటల్ యాజమాన్యం. ఇన్సూరెన్స్ డబ్బుల కోసం ఆ హాస్పిటల్ చేసే మోసం వల్ల ఆమె అక్కడ బందీ అవుతుంది. అక్కడికి వెళ్ళాక ఆమెకు అసలు షాక్ తగులుతుంది. తనను వేధించిన ఆ వ్యక్తి, పేరు మార్చుకుని అదే హాస్పిటల్‌లో వార్డ్ బాయ్‌గా జాయిన్ అవుతాడు. ఆమె అతడిని గుర్తుపట్టి అందరికీ మొత్తుకున్నా, ఆమెకు పిచ్చి అని ఎవ్వరూ నమ్మరు. పైగా అతడు ఆమెను మరింత చిత్రహింసలకు గురిచేస్తుంటాడు. ఆ నరకం నుండి బయటపడటానికి ఆమె చేసే ప్రయత్నాలే సినిమాను ఉత్కంఠగా మారుస్తాయి. చివరికి ఆ వ్యక్తి నుండి తన ప్రాణాలను కాపాడుకోవడానికి ఆమె తీవ్రంగా పోరాడుతుంది. హాస్పిటల్ లోపల ఎవరి సాయం లేకపోయినా, తన తెలివితేటలతో అతడిని ఎలా ఎదుర్కొంది? ఆ భయంకరమైన పరిస్థితి నుండి ఆమె బయటపడిందా లేదా? అనేదే ఈ సైకలాజికల్ థ్రిల్లర్ క్లైమాక్స్.