గర్భనిరోధక మాత్రల పేరుతో సైనైడ్ ఇచ్చి చంపే సైకో… లాస్ట్ ట్విస్ట్ హైలెట్

Crime Thriller OTT: 2009 ఉత్తరప్రదేశ్‌లో మాయమైన 19 మంది యువతుల వెనుక ఉన్న క్రూరమైన సైకో కిల్లర్ సమీర్ (జితేంద్ర కుమార్) ను డీఎస్పీ విశ్వాస్ భగవత్ ఎలా పట్టుకున్నాడు ? పోలీస్ – కిల్లర్ మధ్య జరిగిన చదరంగం లాంటి మైండ్ గేమ్‌ ఏంటి ? అనే ఇంట్రస్టింగ్ విషయాలను చూపే సైకో-సైకలాజికల్ క్రైమ్ థ్రిల్లర్ ‘భగవత్: చాప్టర్ వన్ – రాక్షస్’ (Bhagwat Chapter One – Raakshas). మరి ఈ మూవీ కంప్లీట్ స్టోరీ ఏంటి ? ఏ ఓటీటీలో చూడవచ్చు ? అనే విషయాలను తెలుసుకుందాం పదండి.

కథలోకి

నిజ జీవిత సంఘటనల ఆధారంగా తెరకెక్కిన సస్పెన్స్ క్రైమ్ థ్రిల్లర్ చిత్రం ఇది. కావాల్సిన ఏజ్ లో పెళ్లి కాకపోతే అమ్మాయిలైనా, అబ్బాయిలైనా టెన్షన్ పడడం అనేది కామన్. కానీ అలా టెన్షన్ పడ్డ అమ్మాయిలంతా వరుసగా మిస్ అవుతూ ఉంటారు సినిమాలో. నగరంలో పెళ్లి కావడం లేదని ఆందోళన చెందుతున్న ఒంటరి అమ్మాయిలు ఒక పద్ధతి ప్రకారం కన్పించకుండా పోతారు. దీంతో ఈ కేసును ఒక సీనియర్ పోలీస్ ఆఫీసర్ దగ్గరకు ఇన్వెస్టిగేషన్ కోసం చేరుతుంది.

పోలీస్ ఇన్వెస్టిగేషన్ లో భాగంగా సైకో కిల్లర్ కు సంబంధించిన షాకింగ్ నిజం బయట పడుతుంది. ఆ సైకో అమ్మాయిలను ఆకర్షించి, వారిని శారీరకంగా, ఆర్థికంగా దోచుకుంటాడు. ఆ తర్వాత వారికి గర్భనిరోధక మాత్రలు ఇస్తున్నట్టు అబద్ధం చెప్పి సైనైడ్ మాత్రలు ఇస్తాడు. అవి తిన్న అమ్మాయిలు పబ్లిక్ రెస్ట్‌రూమ్‌లలో ప్రాణాలు కోల్పోతారు. అదే టైమ్ లో పక్కనే ఉండే కిల్లర్ కాపాడకుండా, వాళ్ళు బాధతో అల్లాడుతూ చావడాన్ని చూసి తెగ సంతోష పడతాడు. మరి ఇంతటి క్రూరమైన కిల్లర్ పోలీసులు ఎలా పట్టుకున్నారనేది సినిమాలో చూసి తెలుసుకోవాల్సిందే.

తెలుగులో ఉందా ?

2025లో విడుదలైన ఈ మైండ్-బెండింగ్ క్రైమ్ ఇన్వెస్టిగేషన్ థ్రిల్లర్ ఈ మూవీ. సైనైడ్ మోహన్ ఉదంతం ఆధారంగా తెరకెక్కిన సంచలనాత్మక సినిమా. ఇన్‌స్పెక్టర్ విశ్వాస్ భగవత్‌గా అర్షద్ వార్సి, సైకో ప్రొఫెసర్ సమీర్‌గా జితేంద్ర కుమార్ తమ నటనతో అదరగొట్టారు. 19 మంది మహిళల హత్యల చుట్టూ సాగే ఈ సినిమా ఉత్కంఠభరితంగా ఉంటుంది. ఈ చిత్రంలో 2009లో ఉత్తరప్రదేశ్‌లో జరిగిన సీరియల్ కిల్లర్ ఘటనలను ఆవిష్కరించారు. ZEE5 ఓటీటీ ప్లాట్‌ఫామ్‌లో అందుబాటులో ఉన్న ఈ సినిమా క్షణక్షణం ఉత్కంఠను కలిగిస్తూ, సైకోల మైండ్ సెట్ ఎలా ఉంటుందో కళ్ళకు కడుతుంది. ‘భగవత్ చాప్టర్ వన్ – రాక్షస్’ మూవీ తెలుగులోనూ అందుబాటులో ఉంది.మైండ్ బ్లోయింగ్ సైకో కిల్లర్ సినిమాలను, రియల్ స్టోరీస్ ను చూడాలి అనుకునే వారికి ఈ మూవీ బెస్ట్ ఆప్షన్. ఇంకా చూడకపోతే డోంట్ మిస్.