Red Sea Documentary: మనకు తెలియని ప్రకృతి రహస్యాలను నీటి అడుగునుంచి ఎడారి దాకా చూపించే నేచర్ డాక్యుమెంటరీ ‘Red Sea: Evolution’s Magic Garden’. ప్రపంచంలోని అతిపెద్ద, జీవ వైవిధ్యంతో నిండిన కోరల్ రీఫ్ ప్రాంతాల్లో ఒకటైన ఎర్ర సముద్రం రహస్యాలను ఈ డాక్యుమెంటరీ మనకు దగ్గరగా తీసుకొచ్చింది. వెయ్యికి పైగా చేపల జాతులు, సముద్ర తాబేళ్లు, ఇండో-పసిఫిక్ బాటిల్నోస్ డాల్ఫిన్లు, డుగాంగ్లు వంటి జీవులతో పాటు సముద్రం చుట్టూ ఉన్న ఎడారులు, దీవుల్లో కనిపించే అరుదైన జీవజాతులను కూడా ఇందులో చూడొచ్చు. ముఖ్యంగా సోకోత్రా దీవిలో కనిపించే డ్రాగన్ బ్లడ్ ట్రీలు, వైట్ ఒరిక్స్ వంటి ప్రత్యేకమైన జీవజాలం విజువల్ ట్రీట్గా నిలుస్తాయి. ఈ 44 నిమిషాల డాక్యుమెంటరీ ప్రకృతి ప్రేమికులకు కొత్త అనుభూతిని అందిస్తుంది. మరి ఎర్ర సముద్రం అడుగున ఎలాంటి అద్భుత ప్రపంచం ఉంది? ఎడారిలోనూ జీవం ఎలా విస్తరించింది? అనే వివరాలపై ఓ లుక్కేద్దాం పదండి.
ఇది కథతో నడిచే సినిమా కాదు. కెమెరా మనల్ని ఎర్ర సముద్రం అడుగున ఉన్న అద్భుతమైన కోరల్ రీఫ్ ప్రపంచంలోకి తీసుకెళ్తుంది. వెయ్యికి పైగా చేపల జాతులతో పాటు సముద్ర తాబేళ్లు, బాటిల్నోస్ డాల్ఫిన్లు, డుగాంగ్లు వంటి జీవులు ఈ సముద్ర పర్యావరణ వ్యవస్థలో ఎలా జీవిస్తున్నాయో చూపిస్తుంది.
ఎర్ర సముద్రం ప్రత్యేకత సముద్రంలోనే కాదు.. దాని చుట్టూ ఉన్న ఎడారులు, దీవుల్లోనూ కనిపిస్తుంది. సాధారణంగా జీవం లేని ప్రాంతాలుగా కనిపించే ఈ ప్రదేశాల్లో కూడా ఎన్నో జంతువులు, మొక్కలు తమదైన విధంగా మనుగడ సాగిస్తున్నాయి. వైట్ ఒరిక్స్ నుంచి సోకోత్రా దీవిలోని అరుదైన డ్రాగన్ బ్లడ్ ట్రీల వరకు ప్రకృతి సృష్టించిన అద్భుతాలను ఇందులో చూపిస్తారు.
హరాల్డ్ పోకీసర్ దర్శకత్వం వహించిన ఈ డాక్యుమెంటరీలో హోవర్డ్ నైటింగాల్, జూలీ మెకార్తీ వాయిస్ టాలెంట్గా ఉన్నారు. 44 నిమిషాలతో నడిచే ఈ డాక్యుమెంటరీ JioHotstarలో సెప్టెంబర్ 17 నుంచి స్ట్రీమింగ్ అవుతోంది. సముద్ర జీవులు, కోరల్ రీఫ్స్, ఎడారి వన్యప్రాణులు, అరుదైన మొక్కలు, ప్రకృతి విజువల్స్ ఇష్టపడేవారికి ‘Red Sea: Evolution’s Magic Garden’ కళ్లకు విందు చేసే డాక్యుమెంటరీగా నిలుస్తుంది.
Read Also: మిలిటరీ స్కూల్లో ఫ్రెండ్ అదృశ్యం… ఇంటెన్స్ సిరీస్ను టీనేజర్స్ డోంట్ మిస్
Share
కోమల్ నుదుటిపై సింధూరం.. గోవిందా సీక్రెట్ మ్యారేజ్ నిజమేనా?
షార్ట్ ఫిలిమ్ అంటూ రూ.5 లక్షలు.. చివరికి పోలీసులకు బిగ్ బాస్ బ్యూటీ !
