Romantic Comedy: కమింగ్-ఆఫ్-ఏజ్ రొమాంటిక్ కామెడీగా వచ్చిన హిందీ సినిమా ‘డోంట్ బి షై’. కాలేజ్ లైఫ్, ప్రేమ, బ్రేకప్, రివెంజ్, ఫ్రెండ్షిప్ కలిసిన ఒక తేలికపాటి యూత్ఫుల్ ఎంటర్టైనర్ ఇది. మూడేళ్లుగా ప్రేమలో ఉన్న బాయ్ఫ్రెండ్ ఒక్కసారిగా బ్రేకప్ చెబితే? మాజీ ప్రియుడిపై రివెంజ్ తీర్చుకోవాలని వెళ్లిన అమ్మాయి… చివరికి అతని కొత్త ప్రియురాలితోనే ఫ్రెండ్ అయిపోతే? ఇద్దరి మధ్య ఏర్పడే బంధం ఎలా ఉంటుంది? అదిరిపోతుంది కదా ఆ జర్నీ. అలాంటి ప్రయాణంతో వచ్చిన ఈ మూవీ ఇప్పుడు ఓటీటీలో సందడి చేస్తోంది. అలియా భట్ తన సొంత నిర్మాణ సంస్థ ఎటర్నల్ సన్షైన్ ప్రొడక్షన్స్ ద్వారా ఈ మూవీని నిర్మించడం విశేషం.
శ్యామిలీ అలియాస్ షై (Shyamili “Shy” Das) తన బాయ్ఫ్రెండ్ మయాంక్ (Mayank)తో మూడేళ్లుగా రిలేషన్లో ఉంటుంది. తన ప్రేమ విషయంలో షై చాలా సీరియస్గా ఉంటుంది. కానీ ఓ రోజు మయాంక్ ఆమెకు బ్రేకప్ చెప్పేస్తాడు. కారణం ఏంటంటే… అతను మరో అమ్మాయితో రిలేషన్లోకి వెళ్లిపోతాడు. మూడు సంవత్సరాల ప్రేమ ఒక్కసారిగా ముగియడంతో షైకి కోపం వస్తుంది. తనను అంత సులభంగా వదిలేసిన మయాంక్కు ఓ గట్టి షాక్ ఇవ్వాలని నిర్ణయించుకుంటుంది. అతని కొత్త గర్ల్ఫ్రెండ్ తార (Tara)ను టార్గెట్ చేయాలని అనుకుంటుంది.
కానీ షై ఊహించని మలుపు ఇక్కడే మొదలవుతుంది. తారను ప్రత్యర్థిగా చూడాలని మొదలుపెట్టిన ఆమె… ఆమెతోనే మాట్లాడాల్సి వస్తుంది. మొదట అసూయ, కోపం, అపార్థాలతో ఉన్న ఈ ఇద్దరి మధ్య క్రమంగా ఓ స్నేహం ఏర్పడుతుంది. మయాంక్తో ఉన్న గతాన్ని గుర్తు చేసుకుంటూ బాధపడుతున్న షై… తారతో మాట్లాడిన కొద్దీ తనకు తెలియని విషయాలు తెలుసుకుంటుంది. తన కోపం మొత్తం మయాంక్పై ఉండాల్సిందా? లేక తాను కూడా ఈ సంబంధంలో కొన్ని విషయాలను తప్పుగా అర్థం చేసుకుందా? అనే ప్రశ్నలు ఆమెకు ఎదురవుతాయి.
ఇలా మాజీ ప్రియుడిపై ప్రతీకారం తీర్చుకోవాలని మొదలైన షై ప్రయాణం… చివరికి తనను తాను అర్థం చేసుకునే ప్రయాణంగా మారుతుంది. బ్రేకప్ తర్వాత జీవితాన్ని ఎలా ముందుకు తీసుకెళ్లాలి? ప్రేమ ముగిసిపోయిన తర్వాత కూడా కొత్త సంబంధాలు, స్నేహాలు ఎలా మొదలవుతాయి? అనే అంశాలను కామెడీగా చూపిస్తుంది.
ఆరుషి బజాజ్, అన్ష్ దుగ్గల్, బియాంకా అరోరా, పీయూష్ ఖతి తదితరులు నటించిన ‘డోంట్ బీ షై’కి శ్రీతి ముఖర్జీ దర్శకత్వం వహించారు. ఆలియా భట్ , షహీన్ భట్ నిర్మాతలుగా వ్యవహరించారు. ఇది హిందీ రొమాంటిక్ కామెడీ. 2026 సెప్టెంబర్ 25 నుంచి అమెజాన్ ప్రైమ్ వీడియో (Amazon Prime Video)లో స్ట్రీమింగ్ అవుతోంది. తెలుగు, తమిళం సహా పలు ఆడియో ఆప్షన్లు ప్లాట్ఫామ్లో ఉన్నాయి.
Read Also: అమ్మాయిలతో ప్రతీ రాత్రి ఆ పని… ఆ గోడల మధ్య దాగున్న భయంకరమైన రహస్యం… డార్క్ డిస్టోపియన్ థ్రిల్లర్
Share
యూట్యూబ్లో షాపింగ్ హంగామా.. ఇక వీడియోలు చూస్తూనే కొనేయొచ్చు, క్రియేటర్లకు కొత్త ఆదాయ అవకాశాలు!
రూ. 1,059కే టైప్-సి ఛార్జింగ్ ఫోనా? పెద్దలకు అదిరిపోయే గిఫ్ట్.. ఐటెల్ కొత్త మోడల్ వచ్చెసింది!
