itel ACE 4 Shine: తక్కువ బడ్జెట్లో ఒక మంచి కీప్యాడ్ ఫోన్ కోసం చూస్తున్నారా? అయితే మీకోసమే ఐటెల్ కంపెనీ సరికొత్త మోడల్ను భారత మార్కెట్లోకి తీసుకొచ్చింది. itel ACE 4 Shine పేరుతో ఈ ఫోన్ విడుదలైంది. కేవలం రూ.1,059 ధరలో వచ్చిన ఈ ఫోన్.. ముఖ్యంగా వృద్ధులు, రెండో ఫోన్ కావాలనుకునే వారికి చాలా బాగా ఉపయోగపడుతుంది. చూడటానికి ఆకర్షణీయంగా ఉండటమే కాకుండా.. చేతిలో పట్టుకోవడానికి కూడా ఇది చాలా సౌకర్యవంతంగా ఉంటుంది.
ఈ ఫోన్లో 1.77 అంగుళాల కలర్ డిస్ప్లే ఇచ్చారు. రాత్రివేళల్లో లేదా వెలుతురు తక్కువగా ఉన్న సమయంలో కూడా అక్షరాలు స్పష్టంగా కనిపించేలా ‘రేడియంట్ కీప్యాడ్’ అందించడం విశేషం. దీనివల్ల డయల్ చేయడం చాలా తేలికవుతుంది. ఇది బ్లాక్, మ్యాజిక్ బ్లూ, ఫారెస్ట్ గ్రీన్ కలర్ ఆప్షన్లలో లభిస్తుంది.
Also Read: కేబుల్తో ఛార్జ్ చేయాలా? వైర్లెస్గా చేయాలా? AirPods విషయంలో ఇదిగో ఫుల్ క్లారిటీ!
itel ACE 4 Shineలో ఉన్న అతిపెద్ద ప్లస్ పాయింట్ టైప్-సి ఛార్జింగ్ పోర్ట్. సాధారణంగా కీప్యాడ్ ఫోన్లకు పాత కాలపు మైక్రో యుఎస్బీ ఇస్తారు. కానీ ఇందులో టైప్-సి ఇవ్వడం వల్ల ఛార్జింగ్ సులువుగా పెట్టుకోవచ్చు. దీనిలోని 1000mAh బ్యాటరీ దాదాపు 8 రోజుల స్టాండ్బై, 8 గంటలకు పైగా టాక్టైమ్ను ఇస్తుంది.
పెద్దవారికి ఉపయోగపడేలా ఇందులో ‘కింగ్ వాయిస్’ అనే ఫీచర్ ఉంది. ఇది మెనూలు, వచ్చే కాల్స్ పేర్లను హిందీ, ఇంగ్లీష్లో చదివి వినిపిస్తుంది. దాంతో పాటు ఆపద సమయంలో వాడేందుకు ఎస్ఓఎస్ (SOS) బటన్ కూడా ఇచ్చారు. తెలుగు, హిందీతో సహా 9 ప్రాంతీయ భాషలకు ఈ ఫోన్ సపోర్ట్ చేస్తుంది.
ఈ డ్యూయల్ సిమ్ 2జీ ఫోన్లో UNISOC ప్రోసెసర్ ఉపయోగించారు. మెమొరీని కార్డ్ ద్వారా 32GB వరకు పెంచుకోవచ్చు. ఇందులో వైర్లెస్ ఎఫ్ఎమ్ రేడియో, కాల్ రికార్డింగ్, బ్లూటూత్, మంచి టార్చ్ లైట్ వంటి అన్ని రోజువారీ అవసరమైన ఫీచర్లు ఉన్నాయి. ఆఫ్ లైన్ షాపుల్లోనూ, ఆన్లైన్ లోనూ ఇది కొనుగోలుకు అందుబాటులో ఉంటుంది.
Also Read: కళ్లజోడుతోనే ఫోన్ కాల్స్, మ్యూజిక్.. భారత్లో మెటా కొత్త గ్లాసెస్ లాంచ్, రేటు ఎంతో తెలుసా?
Share
మూడేళ్ల ప్రేమకు బ్రేకప్... ఎక్స్ పై రివెంజ్తో మతిపోగొట్టే పని... యూత్ఫుల్ రొమాంటిక్ కామెడీ
పోలీస్ స్టేషన్లో దారుణం.. ఆ ఓక్క కారణంతో రాళ్లతో కొట్టుకున్న రెండు వర్గాలు!
