Romantic Drama OTT : ట్రయాంగిల్ ప్రేమ కథలు ఎప్పుడూ కొత్తగానే ఉన్నట్టు అనిపిస్తుంటాయి. ఎప్పటినుంచో ఈ కంటెంట్ కు ఫ్యాన్స్ కూడా ఎక్కువే. ఈ నేపథ్యంలో ఒక వెబ్ సిరీస్ ఆసక్తికరంగా సాగుతోంది. ఒక అమ్మాయి, ఇద్దరు అబ్బాయిల చుట్టూ తిరిగే ఈ కథ చాలా ఇంట్రెస్టింగ్ గా ఉంటుంది. లవర్స్ మిస్ కాకుండా చూడాల్సిన సిరీస్ ఇది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే …
ఈ టర్కిష్ రొమాంటిక్ సిరీస్ పేరు ‘Love and Pride’. ఇది జేన్ ఆస్టెన్ రాసిన క్లాసిక్ నవల “ప్రైడ్ అండ్ ప్రెజుడీస్” ఆధారంగా రూపొందింది. తానేర్ అక్వర్డర్, గోక్రిన్ డోకుమాసి, సెలెన్ కిలికార్స్లాన్ ఈ సిరీస్ను డైరెక్ట్ చేశారు. ఇందులో జైనబ్గా దామ్లా సోన్మెజ్, కెనన్గా మెర్ట్ ఫిరాత్, మురత్గా అల్పర్ సల్దిరాన్ ప్రధాన పాత్రల్లో నటించారు. ఇందులో మొత్తం 16 ఎపిసోడ్లు ఉన్నాయి. ప్రతి ఎపిసోడ్ సుమారు 45 నుండి 50 నిమిషాల నిడివి కలిగి ఉంటుంది. ఈ సిరీస్ ప్రస్తుతానికి Amazon Prime Videoలో తెలుగు సబ్టైటిల్స్తో అందుబాటులో ఉంది.
ఇస్తాంబుల్లోని ఒక పాత బస్తీలో నివసించే జైనబ్ అనే అమ్మాయి చుట్టూ ఈ కథ తిరుగుతుంది. ఆమెది ఒక మిడిల్ క్లాస్ ఫ్యామిలీ. ఐదుగురు సంతానంలో జైనబ్ ఒకరు. తన కుటుంబం పరువును కాపాడుతూ, తనకంటూ ఒక గుర్తింపు తెచ్చుకోవాలని ఆమె ఆరాటపడుతుంటుంది. ఒక పెళ్లి వేడుకలో ఆమెకు కెనన్ అనే పెద్ద ధనవంతుడు పరిచయమవుతాడు.కెనన్ చాలా గర్వమున్న వ్యక్తి, కానీ జైనబ్ తెలివితేటలు, ఆమె వ్యక్తిత్వం అతన్ని ఆకర్షిస్తాయి. వీళ్లిద్దరి మధ్య మొదట్లో గొడవలు జరిగినా, మెల్లగా అది ప్రేమగా మారుతుంది. అయితే కథలో అసలు ట్విస్ట్ జైనబ్ చిన్ననాటి స్నేహితుడు మురత్ వల్ల వస్తుంది.
మురత్ మొదటి నుండి జైనబ్ను ప్రాణంగా ప్రేమిస్తుంటాడు. ఆమెను పెళ్లి కూడా చేసుకోవాలనుకుంటాడు. జైనబ్ కుటుంబం కూడా మురత్ను నమ్ముతుంది. అటు తన మనసుకు నచ్చిన కెనన్, ఇటు తనను అమితంగా ప్రేమించే మురత్.. ఈ ఇద్దరి మధ్య జైనబ్ నలిగిపోతుంది. ఆమె ఎవరిని ఎంచుకోవాలో తెలియక సతమతమవుతుంది. చివరికి ఈ త్రికోణ ప్రేమకథలో ఎవరి ప్రేమ పట్టాలెక్కుతుంది ? ఈ క్లైమాక్స్ ఏమిటి ? అనే విషయాలను, ఈ సిరీస్ ను చూసి తెలుసుకోండి.
Read Also : ఓటీటీలోకి తమిళ కామెడీ వెబ్ సిరీస్… నవ్వు తెప్పిస్తున్న స్నేహితుల అల్లరి… ఏ ఓటీటీలో చూడచ్చు అంటే ?
Share
Romantic Drama OTT: ప్రియురాలి దెబ్బకు బిత్తరపోయే ప్రియుడు... క్రాక్ ఎక్కించే క్రేజీ లవ్ స్టోరీ
Action Thriller OTT: కొడుకు కిడ్నాప్ తో తల్లడిల్లే తల్లి... ఇరగదీసే హాలీ బెర్రీ యాక్షన్
