Romantic Drama OTT: భర్త మరో పెళ్లి… తమ్ముడితో తప్పుడు పని… క్రాక్ ఎక్కించే కొరియన్ మూవీ

Romantic Drama OTT : రొమాంటిక్ సినిమాల కోసం ఆశగా ఎదురుచూసే అభిమానులు చాలామంది ఉన్నారు. ఇక హాలీవుడ్ రొమాంటిక్ సినిమాలను అయితే కల్లార్పకుండా చూస్తుంటారు. అప్పుడప్పుడు వచ్చే మసాలా సీన్స్ చూసి తెగ సంబరపడిపోతూ ఉంటారు. అలాంటి వాళ్ల కోసమే ఇప్పుడు మనం చెప్పుకోవలసిన సినిమా. ఈ హిస్టారికల్ రొమాంటిక్ సినిమా కొరియన్ ఇండస్ట్రీ నుంచి వచ్చింది. 18వ శతాబ్దంలో ఒక రాజవంశం చుట్టూ తిరిగే ఈ స్టోరీ చూపుతిప్పుకోకుండా చేస్తుంది. అయితే ఇది పెద్దలకు మాత్రమే.

ఎక్కడ చూడచ్చు అంటే

ఈ కొరియా హిస్టారికల్ రొమాంటిక్ డ్రామా పేరు ‘అన్‌టోల్డ్ స్కాండల్’. 18వ శతాబ్దపు కొరియాలోని జోసోన్ రాజవంశం కాలంలో జరిగే ఈ కథ, ప్రసిద్ధ ఫ్రెంచ్ నవల లెస్ లియాసన్స్ డేంజరీయుస్ ఆధారంగా రూపొందింది. ఇందులో లీ మి-సూక్, జియోన్ డో-యోన్, బే యోంగ్-జూన్ లీడ్ రోల్స్ లో నటించారు. ఈ చిత్రం కమర్షియల్ గా కూడా పెద్ద విజయాన్ని సాధించింది. ఈ చిత్రం 2003లో అత్యధిక వసూళ్లు రాబట్టిన నాల్గవ చిత్రంగా నిలిచింది. దాదాపు 35 లక్షలకు పైగా టిక్కెట్లు అమ్ముడయ్యాయి కూడా. ఈ సినిమా ప్రస్తుతం Amazon Prime Videoలో అందుబాటులో ఉంది.

స్టోరీ ఏమిటంటే

18వ శతాబ్దపు కొరియాలోని జోసోన్ రాజవంశం నేపథ్యంలో ఈ కథ జరుగుతుంది. సమాజంలో ఎంతో గౌరవం ఉన్న లేడీ చో బయటికి చాలా పద్ధతిగా కనిపిస్తుంది కానీ, లోపల మాత్రం చాలా కుట్రలు చేసే మనస్తత్వం ఉన్న మహిళ. తన భర్త మరో యువతిని భార్యగా చేసుకోవాలనుకోవడం ఆమెకు నచ్చదు. ఎలాగైనా ఆ అమ్మాయిని పెళ్లికి ముందే చెడగొట్టాలని, తన మరిది అయిన జో-వోన్ సహాయం కోరుతుంది. తన మొగుడు రెండో పెళ్ళి చేసుకోబోయే సో-ఓక్ అనే పడుచు పిల్ల కన్నెరికాన్ని చెడగొట్టమని చెప్తుంది. దానికి బదులుగా, ఆ పని పూర్తి చేస్తే తనే స్వయంగా జో-వోన్‌కి పడక సుఖం ఇస్తానని గాలం వేస్తుంది. అయితే ఆ చిన్న పిల్ల కంటే.. తొమ్మిదేళ్లుగా మగాడి నీడ కూడా తగలకుండా పవిత్రంగా ఉంటున్న లేడీ సూక్ అనే అందగత్తెను లైన్లో పెట్టడమే తనకి అసలైన మజా అని జో-వోన్ రివర్స్ ఛాలెంజ్ చేస్తాడు.

ఇక జో-వోన్ తన రసిక విద్యలన్నిటినీ వాడి, ఆ సూక్‌ను బుట్టలో వేసుకోవడానికి తెగ ట్రై చేస్తాడు. మొదట్లో ఆమె అస్సలు లొంగకపోయినా, వీడి మాయమాటలకు, తియ్యటి వేషాలకు మెల్లగా కరిగిపోతుంది. చివరికి ఆమె మనసుతో పాటు ఒళ్లు కూడా వీడికి అప్పగించేస్తుంది. పందెంలో గెలిచిన జో-వోన్‌కి లేడీ చో మాట ఇచ్చినట్టే ఎంజాయ్ చేసే ఛాన్స్ ఇస్తుంది. కానీ ఇక్కడే అసలైన ట్విస్ట్ పడుతుంది. జో-వోన్ నిజంగానే సూక్ ప్రేమలో పడతాడు. ఇది తెలిసి లేడీ చో రగిలిపోతుంది. క్లైమాక్స్ ఊహించని మలుపులు తిరుగుతుంది. ఆ మలుపులు ఏంటి ? చివరికి లేడీ చో తో కూడా జో-వోన్ కోరిక తీర్చుకుంటాడా ? సూక్‌ను మాత్రమే ప్రేమిస్తాడా ? వీళ్ళ ప్రేమకి లేడీ చో ఎలా అడ్డు తగులుతుంది ? అనే విషయాలను, ఈ సినిమాను చూసి తెలుసుకోవాల్సిందే.