Romantic Movie OTT : రొటీన్ సినిమాల కంటే కొంచెం భిన్నంగా, బోల్డ్‌గా ఉండే ఎమోషనల్ సినిమా కావాలనుకుంటే ఇది మీకు పక్కాగా నచ్చుతుంది. ఈ సినిమాలో ఎగిరి గంతేసే పాటలు, విలన్లను కొట్టే ఫైట్లు ఉండవు. ఇద్దరు ఆడవాళ్లు తమ మనసుకు నచ్చినట్టు ప్రేమించుకుంటే ఈ లోకం వాళ్లను ఎలా అణచివేస్తుందో చూపించే ఆసక్తికరమైన కథ ఇది. ఈ సినిమా చాలా సైలెంట్‌గా, సీరియస్‌గా సాగుతుంది కానీ చూస్తున్నంత సేపు అమ్మో, వీళ్ల పరిస్థితి ఏంటనిపించేలా ఉంటుంది. మొత్తానికి తన లైఫ్ తన ఇష్టం అని బతికే ఒక అమ్మాయి కథ ఇది.
‘డిసోబిడియన్స్’ (Disobedience)సెబాస్టియన్ లెలియో దర్శకత్వం వహించిన ఒక రొమాంటిక్ డ్రామా సినిమా. ఇది నవోమి ఆల్డర్‌మాన్ రాసిన నవల ఆధారంగా రూపొందింది. ఇందులో రాచెల్ వైజ్, రాచెల్ మెక్ ఆడమ్స్, అలెస్సాండ్రో నివోలా ప్రధాన పాత్రలు పోషించారు. సినిమాలోని హీరోయిన్ రాచెల్ వైజ్ కేవలం నటించడమే కాకుండా, ఈ చిత్రానికి వన్ ఆఫ్ ది ప్రొడ్యూసర్‌గా కూడా వ్యవహరించారు. నవోమి ఆల్డర్‌మాన్ రాసిన నవల చదివి, ఆ కథలోని లోతు నచ్చి ఆమె స్వయంగా ఈ ప్రాజెక్టును ముందుకు తీసుకెళ్లారు. ఈ సినిమా బాక్సాఫీస్ వద్ద పెద్ద కమర్షియల్ హిట్ కాకపోయినా, విమర్శకుల నుండి, అవార్డు ఫంక్షన్లలో మాత్రం భారీ స్థాయిలో ప్రశంసలు అందుకుంది. ప్రస్తుతం ఈ సినిమా Amazon Prime Video, Apple TV ప్లాట్‌ఫామ్‌లలో అద్దెకు అందుబాటులో ఉంది.
లండన్‌లో ఒక కరుడుగట్టిన మతపరమైన కట్టుబాట్లు ఉన్న ఒక ఊరు ఉంటుంది. అక్కడ ఒక పెద్ద మత గురువు కూతురు ఈ రోనిట్. ఆమెకు అక్కడి పద్ధతులు పడక, అందరినీ వదిలేసి న్యూయార్క్ వెళ్లిపోయి తన ఇష్టమొచ్చినట్టు బతుకుతుంటుంది. అయితే హఠాత్తుగా తన తండ్రి చనిపోయాడని తెలిసి, చాల ఏళ్ల తర్వాత మళ్ళీ తన సొంత ఊరికి వస్తుంది. ఆమె రాక ఆ ఊరిలో పెద్ద చర్చకు దారితీస్తుంది, ఎందుకంటే ఆమెను అందరూ ఒక తిరుగుబాటుదారురాలిగా చూస్తారు. ఊరికి వచ్చిన రోనిట్‌కు తన చిన్ననాటి స్నేహితురాలు ఎస్టి కనిపిస్తుంది. అయితే ఎస్టి అప్పటికే రోనిట్ తండ్రి దగ్గర పెరిగిన దోవిద్ అనే వ్యక్తిని పెళ్లి చేసుకుని పద్ధతిగా గృహిణిలా బతుకుతుంటుంది. కానీ రోనిట్‌ను చూడగానే ఎస్టిలో ఫీలింగ్స్ బయటకు వస్తాయి. వీరిద్దరి మధ్య చిన్నప్పటి నుండే ఒక రకమైన సీక్రెట్ ప్రేమ ఉంటుంది. ఇప్పుడు మళ్ళీ ఆ ఇద్దరు ఆడవాళ్ల మధ్య సాన్నిహిత్యం పెరుగుతుంది. వీరిద్దరి సంబంధం బయటపడటంతో ఆ ఊరిలోని పెద్ద మనుషులు, ముఖ్యంగా ఎస్టి భర్త షాక్ అవుతారు. చివరికి వీళ్ళ లైఫ్ ఎలాంటి మలుపులు తీసుకుంటుంది ? ఎవరు ఎవరితో లైఫ్ లీడ్ చేస్తారు ? అనే విషయాలను మాత్రం ఈ సినిమాను చూసి తెలుసుకోవాల్సిందే.
Read Also : మట్టి బొమ్మకు ప్రాణం పోసి.. లేనిపోని ముప్పును కొని తెచ్చుకున్న కథ… ఒళ్ళు గగుర్పొడిచే హారర్ థ్రిల్లర్
Share
Illu Illalu Pillalu Today Episodes: ధీరజ్ కోసం ప్రేమ నిర్ణయం.. సాగర్, నర్మద ల మధ్య గొడవ.. వేదవతిని అడ్డంగా ఇరికించిన వల్లి..
వేసవి సెలవుల ఎఫెక్ట్.. తిరుమలలో పోటెత్తిన భక్తులు.. శ్రీవారి దర్శనానికి 24 గంటల సమయం
