OTT Movie: కొన్ని బెంగాళీ సినిమాలు భలే కళాత్మకంగా.. వాస్తవానికి దగ్గరగా ఉంటాయి. చెప్పాల్సిన విషయాన్ని ఏ మాత్రం దాపరికం లేకుండా చాలా డేరింగ్గా చెబుతారు. అలాంటి సినిమానే ‘సాంఝ్బతీర్ రూప్కథారా’ (Saanjhbatir Rupkathara). 2002లో వచ్చిన ఈ మూవీ అప్పట్లో ఓ సంచలనం. సాధారణంగా ఫ్యామిలీ మూవీస్ అంటే.. పిల్లలతో కూడా చూడొచ్చని అనుకుంటాం. కానీ, ఈ బెంగాళీ ఫ్యామిలీ మూవీ మాత్రం పిల్లలతో చూడకూడదు.
ఇదీ కథ:
కోల్కతా నగరంలో సాంఝ్బతీ (ఇంద్రాణీ హల్దార్) అనే యువతి జీవిస్తుంది. కవిత్వాత్మకమైన ఆలోచనలతో ఎప్పుడూ కలల్లో విహరిస్తూ ఉంటుంది. సాంఝ్బతీ తనకి తండ్రి రాజు (సౌమిత్ర చటర్జీ) అంటే ప్రాణం. రాజు ఒక సాధారణ మధ్యతరగతి వ్యక్తి. ఒకప్పుడు ఆదర్శవాదిగా ఉండేవాడు. కానీ జీవితంలోని బాధ్యతలు, నిరాశలతో క్రమంగా మారిపోతాడు.
సాంఝ్బతీ తన చిన్ననాటి స్నేహితుడు అరుణ్ (పార్థసారథి దేబ్)ను ప్రేమిస్తుంది. అరుణ్ సాంఝ్బతీ కలలను అర్థం చేసుకుని సాకారం చేయాలని అనుకుంటాడు. సాంఝ్బతీ తల్లి (సుచిత్రా మిత్రా) ఒక సాంప్రదాయక మహిళ. కానీ ఆమె భర్త రాజు తనకంటే కూతురు సాంఝ్బతీకే ఎక్కువ ప్రాధాన్యమిస్తాడు. దానివల్ల ఇబ్బంది పడుతుంది. సాంఝ్బతీ తన తండ్రి గత జీవితం గురించి, అతని కలల గురించి తెలుసుకోవడానికి ఆసక్తి చూపిస్తుంది. ఆమె తండ్రి రాజు రాసిన కవితలు ఆమెను ఎంతగానో ఆకర్షిస్తాయి.
రాజు తన కూతురు స్వేచ్ఛగా జీవించాలని కోరుకుంటాడు. కానీ అదే సమయంలో సమాజం విధించే నియమాలు, కుటుంబ బాధ్యతలు అతన్ని కట్టిపడేస్తాయి. సాంఝ్బతీ తన ప్రేమికుడు అరుణ్తో తన భవిష్యత్తును ఊహించుకుంటుంది. కానీ ఆమె తండ్రి యొక్క అసంతృప్త జీవితం, అతని ఆరోగ్య సమస్యలు ఆమెను భావోద్వేగంగా కుంగదీస్తాయి. ఆమె తన కలలను అనుసరించాలా లేక తండ్రి కోసం తన జీవితాన్ని త్యాగం చేయాలా అనే ఆలోచనలో పడుతుంది. చివరికి, సాంఝ్బతీ తన జీవితంలో ఒక కీలకమైన నిర్ణయం తీసుకోవాల్సి వస్తుంది. కానీ, ఆ విషయాన్ని సినిమాలో అస్పష్టంగా చూపిస్తారు. ఈ మూవీలో సహజమైన రొమాంటిక్స్ సీన్స్ ఉంటాయి. ఈ మూవీ ప్రస్తుతం Amazon Prime Videoలో స్ట్రీమింగ్ అవుతోంది.
Also Read: OTT Movie: పెళ్లికాని అర్చన పాట్లు.. కడుపుబ్బా నవ్వించే ఈ మలయాళం మూవీ అస్సలు మిస్ కావద్దు!
Share
Team India Jersey : భారీగా పెరిగిన టీమిండియా జెర్సీ వ్యాల్యూ... ఒక్కో మ్యాచ్ కు ఎంత అంటే
MRI Accident: మెడలో మెటల్ చైన్తో ఎంఆర్ఐ గదిలోకి.. క్షణాల్లో ప్రాణం గాలిలోకి.. ఎక్కడంటే?
