Sangamarmar Series OTT : పాతిక సంవత్సరాల ప్రేమ కథ… ఓటీటీలోకి వస్తున్న సరికొత్త సిరీస్

Sangamarmar Series OTT : ఫ్యామిలీ డ్రామాని ఇష్టపడే వాళ్ళకు ఒక అప్డేట్ అయితే వచ్చింది. ఒక ఎమోషనల్ డ్రామా సిరీస్ ఓటీటీలోకి రాబోతోంది. పాత సినిమాలను తలపించే ఈ సిరీస్ చాలా మందికి నచ్చే అవకాశం ఉంది. ఎందుకంటే ఈ ట్రెండింగ్ సినిమాలను చూసిన అడియన్స్ కి ఇలాంటి కంటెంట్ ఒక మంచి విందు ఇవ్వబోతోంది ఇప్పుడు. మొత్తానికి ఫ్యామిలీ ఆడియన్స్ ఈ సిరీస్ ను చూడకుండా ఉండలేరు. ఈ సిరీస్ పేరు ఏమిటి ? ఏ ఓటీటీలో స్ట్రీమింగ్ అవుతోంది ? అనే వివరాల్లోకి వెళ్తే …

ఏ ఓటీటీలో స్ట్రీమింగ్ అంటే

ఈ ఫ్యామిలీ ఎమోషనల్ సిరీస్ పేరు Sangamarmar. ఇందులో బుల్లితెర నటులతో పాటు, వెండితెర ప్రముఖులు కూడా నటిస్తున్నారు. ఈ సిరీస్ లో అమృత పాత్రలో షీన్ సావితా దాస్ కథానాయికగా నటిస్తోంది. సౌరభ్ రాజ్ జైన్ కథానాయకుడిగా నటిస్తున్నారు. ఇక స్మితా బన్సల్, అవినాష్ వాధవన్, ఖలీద్ సిద్ధిఖీ, జయ ఓజా ఫరూక్ సయీద్ ముఖ్య పాత్రల్లో నటించారు. రాజశ్రీ ప్రొడక్షన్స్, జియో స్టూడియోస్ నిర్మాణంలో వచ్చిన ఈ సిరీస్ కి విక్రమ్ ఘై దర్శకత్వం వహించారు. ఇది 2026 ఫిబ్రవరి 26 నుంచి జియో హాట్‌స్టార్ (JioHotstar)లో స్ట్రీమింగ్ కానుంది. ఈ సిరీస్ ప్రధానంగా హిందీలో రూపొందింది. హాట్‌స్టార్ సాధారణంగా సిరీస్‌లను తెలుగుతో పాటు ఇతర భాషల్లోకి డబ్ చేసే ఆకకాశం ఉంది.

స్టోరీ ఏమిటంటే

ఇందులో అమృత, ఆదిత్య అని ఇద్దరు ప్రేమికులు ఉంటారు. అమృతకు తన లైఫ్‌లో కొన్ని ఆశయాలు ఉంటాయి, కానీ అకస్మాత్తుగా వచ్చిన ఫ్యామిలీ బాధ్యతల వల్ల తన సొంత ఇష్టాలను, ఆదిత్యతో ఉన్న ప్రేమను వదులుకోవాల్సి వస్తుంది. కుటుంబం ముందా? ప్రేమ ముందా? అన్న పరిస్థితి వచ్చినప్పుడు ఆమె ఫ్యామిలీకే ఓటు వేస్తుంది. అలా విడిపోయిన ఈ జంట మళ్ళీ 25 ఏళ్ల తర్వాత ఎలా కలిశారు? ఇన్నేళ్లు ఒకరి కోసం ఒకరు ఎలా ఎదురుచూశారు? అనేది చాలా ఎమోషనల్‌గా చూపిస్తారు ఈ సిరీస్ లో.
ఇది మన పాత సినిమాల తరహాలో ఒక మంచి ఫ్యామిలీ డ్రామా. ఒకరి కోసం ఒకరు చేసే త్యాగాలు, మాటల్లో చెప్పలేని భావాలను ఇందులో చూడ చక్కగా తెరకెక్కించారు.