Sheshippu OTT release date : ఓటీటీలోకి మరో మలయాళ చిత్రం వచ్చేసింది. ఇది థియేటర్లలో కాకుండా నేరుగా డిజిటల్ స్ట్రీమింగ్ అవుతోంది. మేకింగ్ స్టైల్ సింపుల్ గా ఉంటుంది. గొప్ప విజువల్స్, స్టార్ నటులు లేకపోయినా, క్యారెక్టర్ ఎమోషన్స్ మీద ఆధారపడి నడిచే కథ ఇది. మలయాళ సినిమా ప్రేమికులు మిస్ కాకుండా చూడాల్సిన సినిమా ఇది. అంతర్జాతీయంగా ప్రశంసలు అందుకున్న ఈ సినిమాని చూసేందుకు చాలా మంది ఆసక్తి చూపిస్తున్నారు కూడా. ఈ సినిమా పేరు ? ఏ ఓటీటీలో స్ట్రీమింగ్ అవుతుంది ? అనే వివరాలను తెలుసుకుందాం పదండి.
శ్రీజిత్ ఎస్ కుమార్, గ్రిటో విన్సెంట్ దర్శకత్వం వహించిన ఈ సినిమా పేరు ‘షెషిప్పు’ (Sheshippu). ఈ చిత్రంలో మీనాక్షి జయన్, రషీద్ రెహమాన్ నటించారు. ఈ సినిమాను 30వ అంతర్జాతీయ కేరళ చలనచిత్రోత్సవం (IFFK 2025)లో మలయాళ సినిమా టుడే కేటగిరీకి అధికారికంగా ఎంపిక చేశారు. ఇప్పుడు ‘షెషిప్పు’ (Sheshippu) 2026 జనవరి 23 నుంచి Sun NXTలో డైరెక్ట్ గా రిలీజ్ అవుతోంది ఇంగ్లీష్ సబ్టైటిల్స్తో. ఫెస్టివల్ స్క్రీనింగ్ మిస్ అయినవాళ్లకు ఇప్పుడు ఆన్లైన్లో అందుబాటులోకి వచ్చింది. ఈ సినిమా విమర్శకుల ప్రశంసలు అందుకుంది. ఇందులో మాటలు తక్కువ ఉంటూ, నిశ్శబ్దం ఎక్కువగా మాట్లాడుతుందని చలామంది ఈ సినిమాను కొనియాడారు.
ఈ కథ ఒక రచయిత (రషీద్ రెహమాన్) చుట్టూ తిరుగుతుంది. అతను సమాజానికి దూరంగా, ఒక ప్రశాంతమైన ఎస్టేట్లో ఒంటరిగా జీవిస్తూ ఉంటాడు. అయితే ఒక రోజు అతని ప్రశాంతమైన జీవితంలోకి విక్టోరియా (మీనాక్షి జయన్) అనే మహిళ ఎంట్రీ ఇస్తుంది. ఆమె తన జీవితంలో ఒక బాధాకరమైన సంఘటనను ఎదుర్కొని, దాని నుండి కోలుకోవడానికి ప్రయత్నిస్తూ ఉంటుంది. ఇక ఈ ఇద్దరు అపరిచితులు ఒకరికొకరు ఎలా తోడుగా నిలిచారు? వీళ్ళ జీవితాలు ఎలా మలుపు తిరిగాయి ? అనేదే ఈ సినిమా కథ. ఈ సినిమా కేవలం మాటల మీద కాకుండా, సైలెంట్ గా ఉండే రెండు పాత్రల ఎమోషన్స్పై ఆధారపడి నడుస్తుంది.
Share
Today Horoscope in Telugu: ఆ రాశి వారికి అకస్మిక ధనలాభం - వారికి నూతన వాహన యోగం
Today Movies in TV : మూవీ లవర్స్ కు జాతరే.. ఇవాళ టీవీల్లోకి సూపర్ హిట్ సినిమాలు..
