OTT Movies: ఒకప్పుడు ఇండియన్ సినిమాలు చాలా పద్ధతిగా ఉండేవి. అప్పట్లో కేవలం హాలీవుడ్ సినిమాల్లో మాత్రమే ముద్దులు ఉండేవి. ఆ సీన్లు చూడటానికి కూడా మన ప్రేక్షకులు చాలా ఇబ్బందిపడేవారు. కానీ, ఇప్పుడు ముద్దు సీన్లు సినిమాల్లో కామన్ అయిపోయాయి. అలాంటి సీన్లతో ఇండస్ట్రీని చెడగొట్టిన ఘనత బాలీవుడ్‌కే దక్కుతుంది. ఆ తర్వాత మన టాలీవుడ్‌కు కూడా ఆ రోగం అంటుకుంది. అయితే, బాలీవుడ్‌ను మాత్రం బీట్ చేయలేకపోయింది. బాయ్‌కాట్ బాలీవుడ్ ట్రెండ్ నడిచేవరకు.. అక్కడి సినిమాలు మూడు ముద్దులు.. ఆరు సీన్లుగా వర్ధిల్లింది. ఎంతగా అంటే.. ఏకంగా హలీవుడ్‌నే ఆశ్చర్యపరిచేంత.
కథను బట్టి ముద్దు సీన్లు ఉంటే బాగానే ఉంటుంది. కానీ, బాలీవుడ్‌లో అలా కాదు.. ముద్దుల కోసమే కథలు రాసేవారు. అందుకు తగినట్లుగా.. హిమేష్ రెష్మీయా లాంటి సీరియల్ కిస్సర్‌ను కూడా తయారు చేశారు. అతడు తన పాత్రలకు బాగానే న్యాయం చేసేవాడు. అయితే, అన్ని ముద్దులు అతడే పెట్టేస్తే ఎలా.. మాకో అని బాలీవుడ్ హీరోలు ఎగబడేవారు. దీంతో ఆ ముద్దుల సాంప్రదాయం ఇతరులకు కూడా పాకింది. 2013లో విడుదలైన ‘శుద్ధ్ దేశీ రొమాన్స్’ మూవీలో అయితే.. ఏకంగా 27 ముద్దు సీన్లు ఉన్నాయట. సుశాంత్ సింగ్ రాజ్‌పుత్ హీరోగా నటించిన ఆ మూవీలో పరిణీతి చోప్రా, వాణీకపూర్‌లు కీలక పాత్రలు పోషించారు. అయితే, కథలో రొమాన్స్ మొతాదు కాస్త ఎక్కువే. అందుకే.. అన్ని ముద్దులు ఉంటాయి. నటీనటులు కూడా తమ కెమిస్ట్రీ ద్వారా ఆ సినిమాకు న్యాయం చేశారు. మూవీ కూడా యూత్‌ను బాగా ఆకట్టుకుంది. చెప్పాలంటే.. బాలీవుడ్‌లో తెరకెక్కిన అత్యంత బోల్డ్ మూవీస్‌లో ఇది ఒక బెస్ట్ మూవీ.
మేం మాత్రం తక్కువ తిన్నామా అని 2016లో ‘బెఫిక్రే’ అనే మూవీ ఒకటి తెరకెక్కింది. ఇందులో కూడా వాణీ కపూర్ హీరోయిన్. రణవీర్ సింగ్ హీరో. పారిస్ బ్యాక్‌గ్రౌండ్‌లో తెరకెక్కిన ఈ మూవీలో ఎన్ని రొమాంటిక్ సీన్స్ ఉంటాయో మీరే ఊహించుకోవచ్చు. ఈ మూవీలో ఏకంగా 23 ముద్దు సీన్లు ఉన్నాయి. వయస్సులో ఉన్న జంట.. సమాజాన్ని పట్టించుకోకుండా ఎంత విచ్చలవిడిగా ఉంటారో ఈ మూవీలో చూడొచ్చు. ఈ సినిమా తర్వాత బాలీవుడ్ ప్రేక్షకులు హిమేష్ రెష్మియా, మల్లికా షెరావత్‌లను సైతం మరిచిపోయారంటే నమ్మండి.
ఈ ముద్దులన్నీ హాలీవుడ్ నుంచి దిగుమతి చేసుకున్నవే. అందుకే.. ప్రపంచంలో అత్యంత రొమాంటి కిస్ సీన్ క్రెడిట్‌ను ఆ ఇండస్ట్రీనే కొట్టేసింది. 2004లో విడుదలైన ‘నోట్ బుక్’ అనే మూవీలో ముద్దు సీన్ భలే పాపులర్ అయ్యింది. జోరు వర్షంలో ర్యాన్ గోస్లింగ్, రాచెల్ మెక్ అడమ్స్ మధ్య వచ్చే ఆ సీన్ చూస్తే.. సన్యాసికైనా సంసారం చేయాలి అనిపించేలా ఉంటుంది. ఆ తర్వాత క్రెడిట్ ‘మిస్టర్ అండ్ మిసెస్ స్మిత్’ (2005) మూవీకే దక్కుతుంది. రియల్ జోడీ.. బ్రాడ్‌పిట్, ఏంజెలినా జోలీలు జంటగా నటించిన ఈ మూవీలో వీరి కెమిస్ట్రీ భలే ఉంటుంది. రొమాంటిక్ సీన్స్‌లో వీరు జీవించారు. కానీ, ముద్దు సన్నివేశాల్లో మాత్రం మన బాలీవుడ్ సినిమాలను మించలేకపోయారు. మీకు కూడా ఆ మూవీస్ చూడాలని ఉందా? ‘శుద్ధ్ దేశీ రొమాన్స్’, ‘బేఫిక్రే’ సినిమాలు.. Amazon Prime Video ఓటీటీలో స్ట్రీమింగ్ అవుతున్నాయి. ‘నోట్ బుక్’ మూవీ Netflixలో స్ట్రీమింగ్ అవుతోంది. ‘మిస్టర్ అండ్ మిసెస్ స్మిత్’ Amazon Prime Videoలో స్ట్రీమింగ్ అవుతోంది.
Share
MSG Movie: ప్లీజ్‌ అలా చేయండి.. అనిల్‌ రావిపూడికి అభిమానుల రీక్వెస్ట్‌
Anushka Shetty : అప్ కమింగ్ ప్రాజెక్ట్స్ బానే సెట్ చేసింది, స్వీటీ అభిమానులకు పండగే
