Mahendragiri Varahi OTT: అక్కినేని హీరో సుమంత్ నటించిన తాజా చిత్రం ‘మహేంద్రగిరి వారాహి'(Mahendragiri Varahi). సుమంత్ తన (Sumanth)సెకండ్ ఇన్నింగ్స్ ప్రారంభించి ఎన్నో సరికొత్త ప్రయోగాత్మక సినిమాల ద్వారా ప్రేక్షకుల ముందుకు వస్తున్నారు. ఈ నేపథ్యంలోనే సంతోష్ జాగర్లపూడి దర్శకత్వంలో అత్యంత ప్రతిష్టాత్మకంగా తెరకెక్కిన ఈ డివోషనల్ సస్పెన్స్ థ్రిల్లర్ మహేంద్రగిరి వారాహి సినిమా సెప్టెంబర్ 11వ తేదీ థియేటర్లలో ప్రేక్షకుల ముందుకు వచ్చింది. థియేటర్లలో ఈ సినిమాకు మంచి ఆదరణ లభించింది.
ఇలా థియేటర్లలో మంచి ఆదరణ సొంతం చేసుకున్న మహేంద్రగిరి వారాహి డిజిటల్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో(Amazon Prime Video) కైవసం చేసుకున్నారు. ఈ నేపథ్యంలోనే ఈ సినిమా డిజిటల్ స్ట్రీమింగ్ కి సంబంధించి అమెజాన్ అధికారిక ప్రకటన వెల్లడించింది. ఈ సినిమా అక్టోబర్ 2వ తేదీ నుంచి అమెజాన్ డిజిటల్ ప్లాట్ ఫామ్ లో అందుబాటులో ఉండబోతుందని తెలిపారు. ఈ సినిమా హిందీ, తెలుగు, కన్నడ ,తమిళ, మలయాళ భాషలలో ఏకకాలంలో స్ట్రీమింగ్ కాబోతోంది. మరికొన్ని గంటలలో ఈ సినిమా ఓటీటీలో ప్రసారం కాబోతుంది థియేటర్లలో ఈ డివోషనల్ థ్రిల్లర్ మిస్ అయిన ప్రేక్షకులు అమెజాన్ ప్రైమ్ వీడియోలో ఈ సినిమా చూసి ఎంజాయ్ చేయవచ్చు.
సుమంత్ ఐశ్వర్య రాజేష్ ప్రధాన పాత్రలలో నటించిన ఈ సినిమాలో మరొక టాలీవుడ్ యంగ్ హీరో సిద్దు జొన్నలగడ్డ కూడా కీలక పాత్రలో నటించిన సంగతి తెలిసిందే.బ్రిడ్జ్ ఫిలిమ్స్ మరియు రాజా శ్యామల ఎంటర్టైన్మెంట్స్ బ్యానర్లపై ఈ సినిమా తెరకెక్కింది. మరి థియేటర్లలో డీసెంట్ హిట్ అందుకున్న ఈ డివోషనల్ సినిమాకు డిజిటల్ ప్లాట్ ఫామ్ లో ఏ విధమైనటువంటి ఆదరణ లభిస్తుంది అనేది తెలియాల్సి ఉంది.
సిద్దార్థ్ (సుమంత్) ఒక యూట్యూబర్ గా ఈ సినిమాలో కనిపించారు. పూజల నిమిత్తం తన సోదరుడితో కలిసి విజయనగరం సమీపంలోని మహేంద్రగిరిలో ఉన్న వారాహి ఆలయానికి వెళ్తారు. అనుకోకుండా తన సోదరుడు రాజీవ్( కమల్ కామరాజు) తో పాటు మహేంద్రగిరి రాజా వంశికుడు నాగేంద్ర వర్మ చనిపోతారు. ఇలా వీరి చావు అనంతరం సిద్దార్థ్ కు మహేంద్రగిరి రాజా వంశానికి సంబంధించి ఒక ఆసక్తికరమైన విషయం తెలుస్తోంది. ఈ వంశంలో గత 150 ఏళ్లుగా పుట్టిన ప్రతి మగ బిడ్డ 33వ పుట్టినరోజునే చనిపోతూ ఉంటారు. అయితే ఇది ఆ వంశానికి అమ్మవారి శాపమని ఊరి జనం అంత నమ్ముతారు. ఈ నేపథ్యంలోనే ఈ చావుల వెనుక ఉన్న రహస్యం ఏంటో తెలుసుకోవాలని సిద్దార్థ్ బావిస్తారు. మరి ఈ చావులకు కారణాలను సిద్దార్థ్ తెలుసుకుంటాడా? వీరి మరణానికి అమ్మవారి శాపమే కారణమా? మరణం వెనుక ఏదైనా సంబంధం ఉందా? అనేది ఈ సినిమా కథ..
Also Read: అల్లు రామలింగయ్య జయంతి.. గుడ్ న్యూస్ చెప్పిన అల్లు అర్జున్!
Share
పళ్ల ఆరోగ్యం బాగుంటే ఆయుష్షు పెరుగుతుందా? 1.90 లక్షల మందిపై జరిగిన అధ్యయనంలో ఏం తేలిదంటే!
మొబైల్ టవర్ వల్ల టైఫాయిడ్, సునామీ వస్తాయా ? సీజన్ 2తో మరోసారి కితకితలు
