OTT Movie : స్కూల్లో తుంటరి పిల్లలు చేసే తప్పుడు పనులు… కడుపుబ్బా నవ్వించే కామెడీ ఎంటర్టైనర్

OTT Movie : కామెడీ జానర్ లో ఎన్నో సినిమాలు వస్తుంటాయి. అయితే వాటిలో కొన్ని సినిమాలు ఎవర్‌గ్రీన్ గా నిలిచిపోతుంటాయి. అలాంటి సినిమానే ఇప్పుడు మనం చెప్పుకోబోతున్నాం. ఈ సినిమా హై స్కూల్ చివరిదశలో ఉన్న ముగ్గురు టీనేజ్ పిల్లల చుట్టూ తిరుగుతుంది. వీళ్ళు కాలేజ్ కి వెళ్ళే ముందే కన్యత్వాన్ని కోల్పోవాలని అనుకుంటారు. అయితే కథ మరోలా వెళ్తుంది. ఈ సినిమా ఒక రాత్రి జరిగే సన్నివేశాల చుట్టూ తిరుగుతుంది. హాయిగా నవ్వుకోవాలనుకుంటే, ఈ సినిమాపై ఓ లుక్ వేయండి. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే..

ఎందులో స్ట్రీమింగ్ అవుతుందంటే 

ఈ అమెరికన్ టీన్ కామెడీ సినిమా పేరు ‘Superbad’. డైరెక్టర్ గ్రెగ్ మోటోలా దీనిని తీశారు. ఇందులో జోనా హిల్, మైఖేల్ సెరా, క్రిస్టోఫర్ మింట్జ్-ప్లాస్సే, బిల్ హాడర్, సేథ్ రోగెన్ ప్రధాన పాత్రల్లో నటించారు. ఇది ఐయండిబిలో 7.6/10తో ఎవర్‌గ్రీన్ కామెడీగా మిగిలిపోయింది. ఇది Hulu, Netflix, Prime Videoలో అందుబాటులో ఉంది.

Read Also : ట్యాక్సీ డ్రైవర్‌తో కిలాడీ లేడీ… అడ్డమైన పనులన్నీ అతడితోనే… ఓటీటీలోకి మలయాళ క్రైమ్ థ్రిల్లర్

స్టోరీ ఏమిటంటే

సేథ్, ఫాగిల్ అనే ఇద్దరు బెస్ట్ ఫ్రెండ్స్ ఉంటారు. హైస్కూల్ చదువుకూడా ముగింపు దశలో ఉంటుంది. ఇద్దరూ వేర్వేరు కాలేజీల్లో చేరాల్సి వస్తుంది. దీంతో వీళ్ళు విడిపోకముందే చివరిసారిగా ఒక పెద్ద పార్టీలో అమ్మాయిలతో శృంగార అనుభవాన్ని పొందాలని నిర్ణయించుకుంటారు. సేథ్ తన క్రష్ జూల్స్‌తో ఆ అనుభవం పొందాలని అనుకుంటాడు. ఫాగిల్ మాత్రం అమ్మాయిలను ఇంప్రెస్ చేయాలని ప్లాన్ చేస్తాడు. వారికి మరో స్నేహితుడు ఇవాన్ కూడా తోడవుతాడు. ఇక పార్టీకి వెళ్లడానికి, వాళ్ళు మద్యం కొనడానికి ప్రయత్నిస్తారు. అక్కడి నుంచి స్టోరీ ఊహించని కామెడీ మలుపులు తిరుగుతుంది.

ఫాగిల్ ఒక బార్ షాప్ లో మద్యం కొనుగోలు చేయడానికి ప్రయత్నిస్తాడు. కానీ దురదృష్టవశాత్తూ అక్కడ ఒక దొంగతనం కారణంగా పోలీసులు వస్తారు. ఈ సంఘటనతో ఫాగిల్ కి పోలీసులతో పరిచయం ఏర్పడుతుంది. వాళ్ళు ఫాగిల్‌ను అరెస్టు చేయకుండా, అతని అమాయకత్వం నచ్చి, తమతో కలిసి పార్టీలకు తీసుకువెళ్తారు. ఇది సినిమాలో కామెడీని ఒక రేంజ్ లో చూపిస్తుంది. ఇదిలా ఉండగా, సేథ్, ఇవాన్ తమ పార్టీ ప్లాన్‌ను కొనసాగించడానికి ప్రయత్నిస్తూ అనేక అడ్డంకులను ఎదుర్కొంటారు. చివరికి వాళ్ళ కోరుకున్నట్టుగా మొదటి శృంగార అనుభవాన్ని పొందుతారా ? వీళ్ళ ప్రయాణం ఎలా ముగుస్తుంది ? అనే విషయాలను, ఈ కామెడీ సినిమాను చూసి తెలుసుకోవాల్సిందే.

Join WhatsApp Channel

Share

• 
• 
• 
• 
• 
•