Bengali Movie: సమాజంలో మహిళలపై ఎంత చిన్న చూపు ఉంటుందో ప్రత్యేకంగా చెప్పక్కర్లేదు. ఇక సినిమా రంగంలో అయితే నటీమణులను ఇంకా హీనంగా చూస్తారు. అభిమానుల సంఖ్య భారీగానే ఉన్నప్పటికీ, ఇలా హీరోయిన్లను తక్కువ చేసి మాట్లాడుతూ ఇబ్బంది పెట్టే వారి సంఖ్య కూడా తక్కువేం లేదు. ఇప్పటికే ఎంతోమంది హీరోయిన్ల ప్రైవేట్ లైఫ్ పబ్లిక్ డొమైన్లలో చర్చకు దారి తీసింది. ఇప్పుడు మనం చెప్పుకోబోయే సినిమాలో హీరోయిన్ పరిస్థితి కూడా అలాగే ఉంటుంది. హీరోయిన్లపై జరిగే దారుణాల గురించి ఆలోచింపజేసేలా తెరకెక్కిన ఈ సినిమా పేరు “Take One”. 2014లో విడుదలైన ఈ బెంగాలీ డ్రామాను ఏ ఓటీటీలో చూడొచ్చు ? అసలు కథ ఏంటి ? అన్న విషయాలను వివరంగా తెలుసుకుందాం పదండి.
పాపులర్ హీరోయిన్ దోయల్ మిశ్రా చుట్టూ ఈ మూవీ స్టోరీ తిరుగుతుంది. ఆమెకు ఇండిపెండెంట్ గా ఉండడం అంటేనే ఇష్టం. పైగా సమాజం విధించే కట్టుబాట్లను పక్కన పెట్టి, తనకు నచ్చినట్టుగా బతుకుతుంది. కానీ అంతలోనే ఆమె జీవితం ఊహించని మలుపు తిరుగుతుంది. దోయల్ ఓ అంతర్జాతీయ సినిమాలో నటిస్తుంది. అందులో ఆమె నటించిన ఒక బోల్డ్ సీన్ లీక్ అవుతుంది. ఆ వీడియో కాస్తా వైరల్ కావడంతో రాత్రికి రాత్రే ఆమె స్టార్ డం కుప్పకూలుతుంది. అంతేకాదు తీవ్ర వివాదాలు చుట్టుముడతాయి.
సంప్రదాయవాదులు, మీడియా, సమాజం ఆమెను నటిగా కాకుండా, క్యారెక్టర్ లేని స్త్రీగా చూడటం మొదలు పెడుతుంది. విమర్శించడమే కాదు కించపరుస్తూ కామెంట్స్ చేస్తారు. దీనివల్ల ఆమె పర్సనల్ లైఫ్ తో పాటు ప్రొఫెషనల్ లైఫ్ కూడా దెబ్బతింటుంది. టీవీ ఛానెళ్లు, వార్తాపత్రికలు రేటింగుల కోసం దోయెల్ను టార్గెట్ చేసి, ఆమె సంస్కృతిని చెడగొడుతోంది అంటూ డిబేట్లు పెడతాయి. బయటకు వెళ్తే జనం వింతగా చూస్తూ, అసభ్యకరమైన కామెంట్లు చేస్తారు. చివరికి ఆమెను ఇంటర్వ్యూ చేయడానికి వచ్చే జర్నలిస్టులు కూడా సినిమా గురించి కాకుండా, ఆ సీన్ గురించే ఇబ్బందికరమైన ప్రశ్నలు అడిగి ఇబ్బంది పెడతారు. .
ఈ వివాదం నడుస్తున్న సమయంలోనే.. ఆమె ఒక ప్రతిష్టాత్మక భారతీయ సినిమాలో నటిస్తుంది. అందులో “సీత” పాత్రను పోషిస్తుంది. పవిత్రమైన సీత పాత్రను ఒక వివాదాస్పద నటి ఎలా పోషిస్తుందంటూ జనం ఆగ్రహం వ్యక్తం చేస్తారు. మరి ఒత్తిడిని, సమాజం వేసే నిందలను దోయెల్ ఎలా ఎదుర్కొంటుంది ? తన జీవితాన్ని, కెరీర్ను ఎలా నిలబెట్టుకుంది ? అనేదే మిగతా కథ.
2014లో విడుదలైన “టేక్ వన్” (Take One) అనే ఈ బెంగాలీ చిత్రం ఒరిజినల్ భాష అయిన బెంగాలీలో మాత్రమే ఇంగ్లీష్ సబ్టైటిల్స్తో స్ట్రీమింగ్ అవుతోంది. ఈ సినిమా మూడు ఓటీటీలలో ZEE5, Hoichoi, Amazon Prime Videoలో స్ట్రీమింగ్ అవుతోంది. అయితే ఈ మూవీ తెలుగులో లేదు. ప్రముఖ నటి స్వస్తిక ముఖర్జీ నటించిన ఈ మూవీని ఇంకా చూడకపోతే వెంటనే ఒక లుక్కేయండి.
Read Also: తండ్రి ప్రియురాలు ఎంట్రీ… శవాన్ని పూడ్చే సమయంలో అన్నదమ్ములకు దిమాక్ ఖరాబ్ షాక్
Share
అమెరికా-ఇరాన్ 'దోహా' దౌత్యం.. ట్రంప్ అవునంటున్నారు.. ఇరాన్ కాదంటోంది.. అసలేం జరుగుతోంది?
ప్రేమలో పడ్డ నిహారిక.. బుగ్గలు కొ*రి*కేస్తూ మరీ రొమాంటిక్ ఫోజులు!
