OTT Movie : టారో కార్డులు ఇప్పుడు బాగా పాపులర్ అవుతున్నాయి. వీటి ద్వారా చెప్పే జాతకం నమ్మదగినవిగా ఉన్నాయని, చాలామంది నిపుణులు అభిప్రాయపడ్డారు. మన దేశంలో ఇప్పుడిప్పుడే ఇది ప్రాచుర్యం పొందుతోంది. ఈ కార్డ్ ల ద్వారా జరిగిపోయిన, జరుగుతున్న, జరగబోయే విషయాలను కూడా చెబుతున్నారు. అయితే ఇప్పుడు మనం చెప్పుకోబోయే సినిమా స్టోరీ, ఈ టారో కార్డ్ ల చుట్టూ తిరుగుతుంది. ఇందులో మూడు స్టోరీలు ఉంటాయి. ఇవి ప్రేక్షకులకు చెమటలు పట్టిస్తాయి. ఈ మూవీ పేరు ఏమిటి ? ఎందులో స్ట్రీమింగ్ అవుతుంది? అనే వివరాల్లోకి వెళితే ..
స్టోరీలోకి వెళితే
సాంటాస్ విజిట్ (Santa’s Visit) : జి-వూ పనిచేసుకుంటూ బతికే ఒక సాధారణ మహిళ. ఈమెకు ఒక కూతురు కూడా ఉంటుంది. ఈమె సూపర్‌మార్కెట్‌లో పార్ట్-టైమ్ ఉద్యోగం చేస్తుంటుంది. అయితే తన కూతురిని ఒంటరిగా ఇంట్లో వదిలి, క్రిస్మస్ రోజున డ్యూటికి వెళ్తుంది జి-వూ. ఆమెకు ఒక టారో కార్డు కూడా దొరుకుతుంది. ఆ తరువాత ఆమె ఇంట్లో ఉన్న కూతురికి, వింత సంఘటనలు ఎదురౌతాయి. ఇవి చాలా భయంకరంగా ఉంటాయి.
‘ప్లీజ్ త్రో అవే’ (Please Throw Away) : డాంగ్-ఇన్ అనే వ్యక్తి డెలివరీ బాయ్ గా ఉద్యోగం చేస్తుంటాడు. అతను రాత్రి పూట ఫుడ్ డెలివరీ చేస్తున్నప్పుడు, ఎప్పుడూ చూడని భయపెట్టే సన్నివేశాలను ఎదుర్కొంటాడు. ఈ క్రమంలో ఒక అమ్మాయికి లిఫ్ట్ కూడా ఇస్తాడు. ఆ తరువాత అతని పరిస్థితి ఇంకా భయంకరంగా మారిపోతుంది. ఈ సంఘటనలు అతను పొందిన టారో కార్డు వల్ల సంభవిస్తుంటాయి. ఈ కార్డు అతని జీవితాన్ని తలకిందులు చేస్తుంది.
‘గోయింగ్ హోమ్’ (Going Home) : క్యోంగ్-రే అనే ఒక వ్యాపారవేత్త, రాత్రి వేళలో ఒక టాక్సీలో ప్రయాణం చేస్తుంటాడు. అతనికి వింత ఆకారాలు కనిపించడంతో, భయాందోళనకు గురవుతాడు. ఈ సంఘటనలు అతను పొందిన టారో కార్డు వల్ల కలుగుతుంటాయి. ఈ ప్రయాణంలో అతనికి భయంకరమైన అనుభవాలు ఎదురౌతాయి. అతను కోలుకోలేని సమస్యల్లో చిక్కుకుంటాడు. ఇలా ఈ మూడు స్టోరీలు ప్రేక్షకులను, భయంతో వణికించేలా చేస్తాయి.
నెట్ ఫ్లిక్స్ (Netflix) లో
ఈ హర్రర్ మిస్టరీ థ్రిల్లర్ మూవీ పేరు ‘టారోట్’ (Tarot). 2024 లో వచ్చిన ఈ కొరియన్ మూవీకి చోయ్ బ్యూంగ్-గిల్ దర్శకత్వం వహించారు. ఇందులో చో యో-జియోంగ్, పార్క్ హా-సన్, కిమ్ జిన్-యంగ్, కో క్యు-పిల్, సియో జి-హూన్, హామ్ యున్-జుంగ్ వంటి నటులు నటించారు. నెట్ ఫ్లిక్స్ (Netflix) లో ఈ మూవీ స్ట్రీమింగ్ అవుతోంది.
Share
Allu Sirish : పెళ్లి పీటలు ఎక్కబోతున్న అల్లు శిరీష్.. 10 ఏళ్ల నిరీక్షణ ఫలిస్తుందా..?
Ap Bjp Tweet: ఈ టైమ్ లో ఇది అవసరమా బీజేపీ..?
