Time Travel Fantasy Thriller: ఓటీటీ ప్రపంచంలో ఈ మధ్య రొటీన్ కథలకు భిన్నంగా కొత్త కాన్సెప్టులతో వచ్చే సిరీస్‌లకు ఆదరణ పెరుగుతోంది. ముఖ్యంగా టైమ్ ట్రావెల్, సైన్స్ ఫిక్షన్ అంశాలతో వస్తున్న కంటెంట్ కు ఆడియన్స్ బ్రహ్మరథం పడుతున్నారు. సరిగ్గా అలాంటి వినూత్నమైన కాన్సెప్ట్‌తో ఒక తెలుగు వెబ్ సిరీస్ ఓటీటీలోకి వచ్చేసింది. వినూత్నమైన టైమ్ ట్రావెల్ కాన్సెప్ట్‌తో వచ్చిన ఈ సరికొత్త తెలుగు ఒరిజినల్ వెబ్ సిరీస్ పేరు Pushpaka Vimanam. ఒక సాధారణ లిఫ్ట్‌లో ప్రయాణిస్తే పదేళ్లు వెనక్కి వెళ్లే అవకాశం వస్తే ఎలా ఉంటుంది? గతంలో చేసిన తప్పులను సరిచేసుకుంటే ప్రస్తుత జీవితం మరింత బాగుంటుందా? లేక కొత్త సమస్యలు మొదలవుతాయా? అనే ఆసక్తికరమైన పాయింట్‌తో ఈ కథ సాగుతుంది. మరి ఈ సిరీస్‌లో టైమ్ ట్రావెల్ ఎలాంటి మలుపులు తీసుకువచ్చిందో తెలుసుకుందాం పదండి.
ఈ సిరీస్ కథ పుష్పక్ రావు (సాయి రోనక్) అనే ఇన్సూరెన్స్ ఏజెంట్ చుట్టూ తిరుగుతుంది. జీవితంలో డబ్బు సంపాదించాలని, అనుకున్న లక్ష్యాలను చేరుకోవాలని ఆశపడే పుష్పక్‌కు గతంలో జరిగిన కొన్ని సంఘటనలు ఎప్పుడూ బాధ కలిగిస్తుంటాయి. చిన్నప్పుడు స్కూల్లో తక్కువ మార్కులు రావడం వల్ల తండ్రి చేతిలో తిట్లు తినడం, కాలేజీలో ప్రేమ విషయంలో ఎదురైన చేదు అనుభవం… ఇలా తన జీవితంలో జరిగిన తప్పులను గుర్తుచేసుకుంటూ ఉంటాడు. ఒక్కసారి గతంలోకి వెళ్లి ఆ పొరపాట్లను సరిచేసుకునే అవకాశం వస్తే బాగుంటుందని అనుకుంటాడు.
అలాంటి సమయంలో పుష్పక్‌కు ఒక వింత వ్యక్తి ఎదురవుతాడు. అతను చేసే ఒక్క చిటికెతో చుట్టూ ఉన్న ప్రపంచమే ఒక్కసారిగా ఆగిపోతుంది. ఆ తర్వాత పుష్పక్‌ను ఒక పాత బిల్డింగ్‌లోని వింత లిఫ్ట్ దగ్గరకు తీసుకెళ్తాడు. అది సాధారణ లిఫ్ట్ కాదు.. కాలంలో వెనక్కి తీసుకెళ్లే టైమ్ మిషన్. దాని సాయంతో 2026 నుంచి 2016లోకి వెళ్లే అవకాశం పుష్పక్‌కు దొరుకుతుంది.
ఇక తనకు దొరికిన అవకాశాన్ని ఉపయోగించుకుని గతంలో జరిగిన తప్పులను సరిచేసుకోవడం మొదలుపెడతాడు. మొదట్లో తన నిర్ణయాలతో జీవితం బాగుపడుతుందని భావించినా, గతంలో చేసే చిన్న మార్పులు వర్తమానంలో ఊహించని పరిణామాలకు దారితీస్తాయి. అంతేకాదు తనను వెంటాడుతున్న సమస్యలు మరింత పెద్దవవుతాయి. నలుగురు వెంటపడే పరిస్థితి కాస్తా నలభై మంది వెంటపడే స్థాయికి చేరుతుంది. అసలు పుష్పక్ గతాన్ని ఎందుకు మార్చాలనుకున్నాడు? ఆ వింత లిఫ్ట్ వెనుక ఉన్న రహస్యం ఏంటి? అతను చేసిన మార్పుల వల్ల తన జీవితంలో ఎలాంటి ప్రమాదాలు ఎదురయ్యాయి? అనేదే మిగతా కథ.
ఈ సిరీస్‌లో పుష్పక్ రావు పాత్రలో సాయి రోనక్ నటించారు. మధూ దామరాజు, వడ్లమాని శ్రీనివాస్, భరణి, రఘు కుమార్ కారుమంచి, శ్రీధర్ రెడ్డి నల్లా, బిందు తదితరులు కీలక పాత్రల్లో ఉన్నారు. దీనికి సతీష్ రెడ్డి మల్లిడి దర్శకత్వం వహించగా, గ్లోబల్ క్రియేషన్స్ నిర్మించింది. ఇది Hotstar Specials ఒరిజినల్ సిరీస్. 2026 నవంబర్ 12 నుంచి JioHotstarలో తెలుగు భాషలో స్ట్రీమింగ్ అవుతోంది.
Share
షాహిద్ అఫ్రిది దుర్మార్గుడు...ఇస్లాం మ‌తంలోకి మారాల‌ని టార్చ‌ర్ చేశాడు
ఒళ్లు దగ్గర పెట్టుకోండి.. వాళ్లకి జనసేన స్ట్రాంగ్ వార్నింగ్!
