OTT Movie : హాలీవుడ్ సినిమాలు హారర్ కంటెంట్ కి కేరాఫ్ అడ్రస్ అని చెప్పుకోవచ్చు. ‘ఈవిల్ డెడ్’ లాంటి సినిమాలతో అప్పట్లోనే ఒక ట్రెండ్ సెట్ చేసింది. అయితే ఇప్పుడు మనం చెప్పుకోబోయే సినిమా హారర్కు భిన్నంగా, సైకలాజికల్ థ్రిల్లర్, సూపర్నాచురల్ ఎలిమెంట్స్తో వచ్చింది. ఈ సినిమా క్రిస్మస్ నేపథ్యంలో ఒక క్యాలెండర్ చుట్టూ తిరిగే భయంకరమైన కథను అందిస్తుంది. ఈ సినిమా ఉత్కంఠభరితమైన ట్విస్ట్లతో ప్రేక్షకులను కట్టిపడేస్తుంది. అయితే హార్ట్ వీక్ ఉంటే ఈ సినిమాను చూడకపోవడమే మంచిది. ఎందుకంటే గుండె దఢను పెంచే సీన్స్ ఇందులో చాలానే ఉన్నాయి. దీని పేరు ఏమిటి ? ఎందులో ఉంది ? స్టోరీ ఏమిటి ? అనే వివరాల్లోకి వెళ్తే …
కథలోకి వెళ్తే
ఈవా ఒకప్పుడు డాన్సర్ గా ఉండేది. కానీ ఒక ప్రమాదం కారణంగా ఇప్పుడు వీల్చైర్లో జీవిస్తోంది. ఒక రోజు ఆమె పుట్టినరోజు సందర్భంగా, ఆమె స్నేహితురాలు సోఫీ, ఆమెకు ఒక పాత జర్మన్ అడ్వెంట్ క్యాలెండర్ను బహుమతిగా ఇస్తుంది. ఈ క్యాలెండర్ సాధారణమైనది కాదు. ప్రతిరోజూ అది ఉన్న గది తలుపు తెరిచినప్పుడు, చాక్లెట్ లాంటి బహుమతులు ఇస్తుంది. దానిని తింటే కొన్ని అసాధారణ సంఘటనలు జరుగుతాయి.
ఈ క్యాలెండర్తో పాటు కొన్ని నియమాలు ఉంటాయి: 1) ప్రతి రోజూ ఒక తలుపు తెరవాలి 2) ప్రతి బహుమతిని తినాలి లేదా ఉపయోగించాలి, 3) క్యాలెండర్ను ఎవరికీ ఇవ్వకూడదు లేదా పాడు చేయకూడదు. ఈవా మొదట ఈ బహుమతులను ఆటగా భావిస్తుంది. కానీ త్వరలోనే అవి ఆమె జీవితంలో భయంకరమైన సంఘటనలకు దారి తీస్తాయని తెలుస్తుంది. ఉదాహరణకు ఒక చాక్లెట్ తిన్న తర్వాత, ఆమెను బాధపెట్టిన వ్యక్తి దారుణంగా చనిపోతాడు. ఈవా తన చుట్టూ ఉన్నవారు—సోఫీ, ఆమె తండ్రి, ఇతర వ్యక్తులు దీనివల్ల ప్రమాదంలో పడటం చూస్తుంది.
క్యాలెండర్లో ఒక రహస్యమైన దెయ్యం లాంటి జీవి ఉందని తెలుస్తుంది. అది ఈవాకు ఒక ఆఫర్ కూడా ఇస్తుంది. ఆమె క్యాలెండర్ నియమాలను పాటిస్తే, ఆమె మళ్లీ నడవగలుగుతుంది. కానీ దానికి బదులుగా ఆమె చుట్టూ ఉన్నవారు చనిపోతారు. ఈవా ఇప్పుడు ఏం చేయాలనే ఒక డైలమాలోచిక్కుకుంటుంది. తన కలలను సాకారం చేసుకోవడం కోసం ఇతరుల జీవితాలను బలివ్వాలా లేక క్యాలెండర్ను నాశనం చేయడానికి ప్రయత్నించాలా? అను కుంటున్న సమయంలో ఊహించని ట్విస్ట్ వస్తుంది. ఈ ట్విస్ట్ ఏమిటి ? ఈవా తీసుకునే నిర్ణయం ఎలాంటిది ? అనే విషయాలను ఈ సినిమాను చూసి తెలుసుకోండి.
షడ్డర్ (Shudder) లో స్ట్రీమింగ్
‘ది అడ్వెంట్ క్యాలెండర్’ (The Advent Calendar) పాట్రిక్ రిడ్మాంట్ దర్శకత్వంలో రూపొందిన ఫ్రెంచ్-బెల్జియన్ సూపర్నాచురల్ హారర్ చిత్రం. ఇందులో యూజీనీ డెరౌండ్, హోనోరిన్ మాగ్నియర్, క్లెమెంట్ ఒలివియరీ ప్రధాన పాత్రల్లో నటించారు. షడ్డర్ (Shudder) లో స్ట్రీమింగ్కు అందుబాటులో ఉంది. IMDbలో ఈ సినిమా 6.3/10 రేటింగ్ ని పొందింది.
Share
Dhee 20 : ఈ సాల కప్ నమదే కాదు... ఢీ నుంచి పండు మాస్టర్ అవుట్?
Galaxy A07: శామ్సంగ్ గెలాక్సీ అత్యంత చవక ఫోన్ లాంచ్.. రూ.10000లోపు ధరలో 5000mAh బ్యాటరీ
