OTT Movie : ఈ వారం ఓటీటీ ప్లాట్‌ ఫామ్‌లలో విడుదలైన మూడు సిరీస్‌లు, ఒక్కోటి ఒక్కో జానర్ లో దూసుకెళ్తున్నాయి. ఈ సిరీస్‌లు డబుల్ ఎంటర్‌టైన్‌మెంట్‌ను అందిస్తున్నాయి. The Trial Season 2, The Bastards of Bollywood, Sshhh Season 2 వేర్వేరు జానర్‌లలో వచ్చినా, ఒక్కసారి చూడటం స్టార్ట్ చేస్తే ఇక చివరి వరకు ఆపమన్నా ఆపరు. ఇవి ఏ ఓటీటీలో స్ట్రీమింగ్ అవుతున్నాయి ? ఎప్పటి నుంచి అందుబాటులోకి వచ్చాయి ? అనే వివరాలను తెలుసుకుందాం పదండి.
ఇది కాజోల్ నటించిన ఒక గ్రిప్పింగ్ కోర్ట్‌రూమ్ డ్రామా సిరీస్. నోయోనికా సేన్‌గుప్తా పాత్రలో కాజోల్ న్యాయవాదిగా నటించింది. ఈ సీజన్‌లో నోయోనికా తన వృత్తిపరమైన, వ్యక్తిగత జీవితంలో వచ్చే కొత్త సమస్యలతో పోరాడుతుంది. సీజన్ 1లో ఆమె కెరీర్, కుటుంబ జీవితంలో ఎదుర్కొన్న ఒడిదొడుకుల తర్వాత, ఈ సీజన్‌లో ఆమె తన పేరును తిరిగి నిలబెట్టుకునేందుకు హై-ప్రొఫైల్ కేసులను తీసుకుంటుంది. కథలో రాజకీయ కుట్రలు, కార్పొరేట్ స్కాండల్స్, వ్యక్తిగత అంశాలు ఆసక్తికరంగా ఉంటాయి. కాజోల్ పవర్ ఫుల్ యాక్టింగ్ సిరీస్ కి హైలైట్ గా ఉంటుంది. ఈ సీజన్ ఉత్కంఠభరితమైన ట్విస్ట్‌లతో ముగుస్తుంది. 2025 సెప్టెంబర్ 19 నుంచి ఈ సిరీస్ JioHotstar లో అందుబాటులోకి వచ్చింది. థ్రిల్లింగ్ కోర్ట్‌రూమ్ డ్రామాలను ఇష్టపడేవారికి ఈ సిరీస్ బెస్ట్ సజెషన్ గా చెప్పుకోవచ్చు.
ఆర్యన్ ఖాన్ దర్శకత్వంలో రూపొందిన ఈ సిరీస్ బాలీవుడ్ పరిశ్రమలోని గ్లామర్, కుట్రలను సెటైరికల్‌గా చూపిస్తుంది. కథ ఒక యువ నటుడు (లక్ష్య) చుట్టూ తిరుగుతుంది. అతను బాలీవుడ్‌లో స్టార్‌డమ్ సాధించే ప్రయత్నంలో ఉంటాడు. అయితే అతను నీచమైన ఒప్పందాలు, పవర్ గేమ్‌లు, కాస్టింగ్ కౌచ్, నెపోటిజం, ఫైనాన్సింగ్ వివాదాలను ఎదుర్కొంటాడు. బాబీ డియోల్, రాఘవ్ జుయాల్, మోనా సింగ్‌లతో పాటు షారుఖ్ ఖాన్, సల్మాన్ ఖాన్, ఆమిర్ ఖాన్ లాంటి స్టార్ల కామియోలు కథకు మరింత ఆకర్షణను జోడిస్తాయి. ఈ సీజన్ షాకింగ్ ట్విస్ట్‌లతో ముగుస్తుంది. అంతే కాకుండా సీజన్ 2 కోసం అంచనాలను పెంచుతుంది. ఇది 2025 సెప్టెంబర్ 18 Netflix లో స్ట్రీమింగ్ అవుతుంది.
ఇది ఒక తమిళ ఆంథాలజీ సిరీస్. ఇందులో నాలుగు విభిన్న కథలు ఉన్నాయి. ఈ కథలు సమాజం అంగీకరించని అంశాలతో తెరకెక్కాయి. ఐశ్వర్య దత్తా, వేదిక, సుబాష్ సెల్వం నటించిన ఈ సిరీస్‌లో ప్రతి కథ ఒక ప్రత్యేకమైన అనుభవాన్ని అందిస్తుంది. ఉదాహరణకు, ఒక కథలో సమాజం అంగీకరించని ప్రేమ సంబంధంపై దృష్టి సారిస్తే, మరొక కథ సామాజిక ఒత్తిళ్ల మధ్య వ్యక్తిగత స్వేచ్ఛ గురించి చర్చిస్తుంది. బో*ల్డ్ కథలు, పవర్ ఫుల్ యాక్టింగ్ తో ఈ సిరీస్ ప్రేక్షకులను ఆలోచింపజేస్తుంది. 2025 సెప్టెంబర్ 19 నుంచి Aha Tamil లో ఈ సిరీస్ స్ట్రీమింగ్ అవుతోంది. బో* ల్డ్ కథలపై ఆసక్తి ఉన్నవారికి ఈ సిరీస్ అనువైనది.
Read Also : పిల్లల ముందే తల్లిపై అఘాయిత్యం… సైతాన్ లా మారే కిరాతక పోలీస్… క్లైమాక్స్ లో ఊచకోతే
Share
PM Modi On GST 2.O: రేపటి నుంచి జీఎస్టీ ఉత్సవ్.. ప్రతి ఇంటిని స్వదేశీ చిహ్నంగా మార్చండి: ప్రధాని మోదీ
OG Movie : చంపేస్తే చంపేయండి రా... ఇలా మెంటల్ టార్చర్ పెట్టకండి, ఓజి సినిమా చిక్కులు
