Zombie Web Series : జాంబీ జానర్లో వచ్చే సినిమాలు, సిరీస్ లకు ఎప్పటికీ ఆదరణ పీక్స్ లో ఉంటుంది. అలాంటి ఓ క్రేజీ సిరీస్ లో కొత్త పార్ట్ కోసమే ఆడియన్స్ తెగ ఎదురు చూస్తున్నారు. తాజాగా దానికి సంబంధించిన అప్డేట్ తో హీరో ఇచ్చిన హింట్ ఇప్పుడు వైరల్ అవుతోంది. కానీ ఇదో హాలీవుడ్ జాంబీ సిరీస్. మరి ఈ సిరీస్ పేరేంటి ? ఎక్కడ ఎప్పుడు చూడొచ్చు ? ఇప్పుడు దానిపై వచ్చిన అప్డేట్ ఏంటి ? అన్నది తెలుసుకుందాం పదండి.
ప్రపంచవ్యాప్తంగా హారర్ ఫ్యాన్స్ను అలరిస్తున్న సిరీస్ ‘ది వాకింగ్ డెడ్: డారిల్ డిక్సన్’ (The Walking Dead: Daryl Dixon). దీనికి సంబంధించిన ఒక భావోద్వేగపూర్వక అప్డేట్ వచ్చింది. సీజన్ 4 చిత్రీకరణ పూర్తయిందని, ప్రధాన నటుడు నార్మన్ రీడస్ (డారిల్ డిక్సన్) సోషల్ మీడియాలో తెలియజేశారు. ఈ సమాచారం వెలువడ్డంతో ప్రేక్షకుల్లో భారీ ఉత్సాహం నెలకొంది. మంగోలియాలో షూటింగ్ ముగించుకుని తిరిగి వచ్చిన నార్మన్, ఇన్స్టాగ్రామ్లో ఒక ఎమోషనల్ పోస్ట్ చేశారు. “చివరి ఎపిసోడ్ ఫోటోలు చూస్తున్నాను. వాటిలో ఏ ఒక్కటి కూడా తొలగించడం లేదా వదిలివేయడం చాలా కష్టంగా ఉంది” అని రాశారు. “నేను ఆ ఫోటోలను ఇక్కడ పోస్ట్ చేయడం లేదు, కానీ మీరందరూ ఈ సీజన్ చూడాలని కోరుకుంటున్నాను. ఈ సిరీస్ లో పని చేయడం నా జీవితంలో అత్యుత్తమ అనుభవాల్లో ఒకటి. చాలా కష్టపడి, హృదయపూర్వకంగా ఈ సీజన్ను తీశాం. ఇది పూర్తిగా భిన్నమైన, ప్రత్యేకమైన అనుభూతిని ఇవ్వబోతోంది. మీరు వీలైనంత త్వరగా దీన్ని చూడాలని ఆశిస్తున్నాను” అంటూ చెప్పుకొచ్చారు.
‘ది వాకింగ్ డెడ్’ ఫ్రాంచైజీలో డారిల్ డిక్సన్ స్పిన్-ఆఫ్గా వచ్చిన ఈ సిరీస్ ప్రస్తుతం మూడు సీజన్లు పూర్తి చేసుకుంది. జాంబీ అపోకలిప్స్ నేపథ్యంలో డారిల్ సోలో యాత్ర, కొత్త శత్రువులు, కొత్త స్నేహాలు, ఉత్కంఠభరితమైన సర్వైవల్ స్టోరీలు ప్రేక్షకులను ఆకట్టుకుంటున్నాయి. IMDbలో 7.5 రేటింగ్తో సూపర్ హిట్గా నిలిచింది ఈ సిరీస్. సీజన్ 4 షూటింగ్ పూర్తయినా, విడుదల తేదీ ఇంకా అధికారికంగా ప్రకటించలేదు. Prime Videoలో మొదటి మూడు సీజన్లు ప్రస్తుతం అందుబాటులో ఉన్నాయి. సీజన్ 4 కూడా ఇక్కడే స్ట్రీమింగ్ అవుతుంది. అంతలోగా ఇప్పటిదాకా ఇంకా ఈ సిరీస్ ను చూడకపోతే వెంటనే ఒక లుక్కేయండి. ఇందులో డారిల్ డిక్సన్ ప్రయాణం ముగిసినా, ఈ సిరీస్ హారర్, సర్వైవల్, ఎమోషన్ లవర్స్కు ఎప్పటికీ గుర్తుండిపోయేలా ఉంటుంది. జాంబీ మూవీ లవర్స్ ను ఈ సిరీస్ పొరపాటున కూడా చూపుతిప్పుకోనివ్వదు.
Read Also : శబ్దం చేస్తే పోతారు… గూస్ బంప్స్ తెప్పించే సై-ఫై థ్రిల్లర్
Share
విదేశాలకు వెళ్ళే వాళ్లే టార్గెట్... అవయవాల అక్రమ రవాణాతో హార్ట్ ఎటాక్ తెప్పించే సినిమా
నెట్ ఫ్లిక్స్ ను శాసిస్తున్న రూ.4566 కోట్ల మూవీ... ఇంకా చూడలేదా ?
