Adventure Mystery Thriller OTT : చరిత్రలో కొన్ని నిధుల గురించి కథలు వింటుంటాం. వాటి కోసం ఎంతోమంది వెతికినా, అసలు ఆ సంపద ఎక్కడ ఉందో మాత్రం ఎవరికీ తెలియదు. అలాంటి ఓ అరుదైన వజ్రం గురించి ఆధారాలు బయటపడితే, దాన్ని సొంతం చేసుకోవడానికి కొందరు ఎంతకైనా తెగిస్తారు. వందల ఏళ్ల క్రితం ఓ సామ్రాజ్యానికి చెందిన అమూల్యమైన వజ్రం కనిపించకుండా పోతుంది. దాని జాడ కోసం చాలామంది వెతికినా, ఆ రహస్యం మాత్రం బయటపడదు. అలాంటి వజ్రం గురించి మళ్లీ వేట మొదలైతే, దాన్ని సొంతం చేసుకోవాలని కొందరు ప్రయత్నించడం సహజమే. కానీ ఆ నిధి వెనుక ప్రమాదకరమైన ముఠా ఉందని తెలిస్తే… చరిత్రలోని రహస్యాలను ఛేదించడంలో పేరున్న ఓ అన్వేషకుడు ఈ వేటలోకి దిగితే… ఇలా చరిత్ర, సాహసం, ప్రమాదాలను కలిపి తెరకెక్కించిన బెంగాలీ చిత్రం’ Vijayanagarer Hirey’. మరి ఈ సినిమాను ఏ ఓటీటీలో చూడవచ్చు ? అంటే…
ఈ సినిమాలో మెయిన్ లీడ్ పేరు కాకాబాబు. చరిత్రపై మంచి అవగాహన, క్లిష్టమైన విషయాలను లోతుగా పరిశీలించే అలవాటు, ప్రమాదాలను ఎదుర్కొనే ధైర్యం ఆయన సొంతం. తన మేనల్లుడు షొంటు, అతడి స్నేహితుడు జోజోతో కలిసి ఆయన ఓ కొత్త అన్వేషణకు బయలుదేరతాడు. ఈసారి వారి ప్రయాణం విజయనగర సామ్రాజ్య చరిత్రతో ముడిపడిన అరుదైన వజ్రం చుట్టూ తిరుగుతుంది.
హంపి ప్రాంతం వజ్రం గురించి ఎన్నో ఏళ్లుగా కథలు ప్రచారంలో ఉంటాయి. విజయనగర సామ్రాజ్య కాలానికి చెందిన ఈ సంపదను వెతకడానికి గతంలో చాలామంది ప్రయత్నించినా, దాని జాడ మాత్రం అంతుచిక్కదు. వజ్రం విలువ గురించి వినిపించే కథలు దాన్ని మరింత ఆకర్షణీయంగా మారుస్తాయి. అయితే నిధి కోసం వెతికే ప్రతి ఒక్కరి ఉద్దేశం మంచిది కాదు. కొందరు దాన్ని చారిత్రక సంపదగా చూస్తే, మరికొందరు తమ సొంతం చేసుకుని లాభపడాలని చూస్తుంటారు.
కాకాబాబు బృందం ఆధారాలను పరిశీలిస్తూ ముందుకు సాగుతున్న సమయంలో మోహన్ సింగ్‌కు సంబంధించిన ప్రత్యర్థి ముఠా కూడా రంగంలోకి దిగుతుంది. దీంతో ఆ వజ్రం ఎక్కడ దాగి ఉందో తెలుసుకోవడంతో పాటు, దాన్ని దక్కించుకోవాలని చూస్తున్నవారి పన్నాగాలను కూడా కాకాబాబు అడ్డుకోవాల్సి వస్తుంది. షొంటు, జోజో కూడా ఈ ప్రమాదకరమైన ప్రయాణంలో కీలకంగా మారతారు. ప్రతి కొత్త ఆధారం మరో అనుమానానికి దారితీస్తుంది. మరి నిధి వెనుక ఉన్న అసలు రహస్యం ఏమిటి ? దాన్ని ఎవరు సొంతం చేసుకుంటారు ? అనేదే కథలో చూడాల్సిన మెయిన్ పాయింట్.
Also Read : వరుస హత్యలు… అంతుచిక్కని ఆధారాలు… 5 భాషల్లో రచ్చ లేపుతున్న మోస్ట్ డేంజరస్ సైకో థ్రిల్లర్
ఈ బెంగాలీ అడ్వెంచర్ మిస్టరీ చిత్రం 2026 జనవరి 23న థియేటర్లలో విడుదలైంది. జియో హాట్‌స్టార్‌ (Jio Hotstar)లో అక్టోబర్ 10 నుంచి ఈ సినిమా అందుబాటులో ఉంది. తెలుగు డబ్బింగ్ ఆడియో లేదు. సునీల్ గంగోపాధ్యాయ్ రాసిన ప్రసిద్ధ సాహస నవల ‘కాకాబాబు’ కథ ఆధారంగా రూపొందిన ఈ చిత్రానికి చంద్రాశిష్ రే దర్శకత్వం వహించారు. ప్రొసెన్‌జిత్ ఛటర్జీ కాకాబాబుగా, ఆర్యన్ భౌమిక్ షొంటుగా, పుషన్ దాస్‌గుప్తా జోజోగా నటించారు.
Share
అర్ధరాత్రిళ్లు ఏంటా పనులు.. శాలిని, రోహిత్‌లకు షాకిచ్చిన నాగ్, ఝాన్సీ కన్నీళ్లు!
తక్కువ ధరలో..మంచి పవర్ బ్యాంక్ కొనాలనుకుంటున్నారా ?
