OTT Movie : థ్రిల్లర్ డ్రామాలు, సస్పెన్స్‌ఫుల్ కథలు… ఎమోషనల్ డెప్త్, ఊహించని ట్విస్ట్‌లతో నిండి ఉండే సినిమాలు ఎంగేజింగ్ గా ఉండి, ఆడియన్స్ ను స్క్రీన్ లకు కట్టిపడేస్తాయి. ఇప్పుడు 2025లోనే రిలీజ్ అయిన అలాంటి ఒక గ్రిప్పింగ్ తమిళ థ్రిల్లర్ మూవీ గురించి తెలుసుకుందాం. ఇందులో ఫ్రెండ్స్ గ్రూప్ మిస్టీరియస్ డెత్, ఫియర్, కవర్-అప్ కాన్సెక్వెన్సెస్ వంటి అంశాలు మెండుగా ఉంటాయి. మరి ఈ మూవీ ఏ ఓటీటీలో ఉందో ఓ లుక్కేద్దాం పదండి.
Yaadhum Ariyaan (2025) 96-నిమిషాల తమిళ థ్రిల్లర్ మూవీ. ఎం. గోపి రచన మరియు దర్శకత్వంలో తెరకెక్కిన ఈ మూవీ 2025 జూలై 18న థియేటర్స్‌లో రిలీజ్ అయింది. OTTలో అమెజాన్ ప్రైమ్ వీడియో (Amazon Prime Video)లో అందుబాటులో ఉంది. ఈ మూవీలో తంబి రామయ్య (సోప్పన సుందరం), అప్పు కుట్టి (మని మేనేజర్), వి. దినేష్ (జీవన్), బ్రానా (షాలు), ఆనంద్ పాండి (ప్రభు), ష్యామల్ (షిబి), ఉరియాడి అనందరాజ్ (పర్ఫెక్ట్ రామకృష్ణ), రాజా కుమారి (రాజి) తదితరులు నటించారు. థియేటర్లలో సినిమాకు మిక్స్డ్ రెస్పాన్స్ వచ్చింది. కానీ ఓటీటీలో మాత్రం మంచి ఆదరణే దక్కించుకుంటోంది.
కథ ఇద్దరు క్లోజ్ ఫ్రెండ్స్, వారి గర్ల్‌ఫ్రెండ్స్ చుట్టూ తిరుగుతుంది. ఈ జంటలు రిలాక్స్ అవ్వడానికి ఒక ఫారెస్ట్‌లోకి వెళ్లి, ఒక ఐసోలేటెడ్ ఫారెస్ట్ బంగ్లాలో ఓ రాత్రి గడుపుతారు. ఆరోజు రాత్రి ఒక గర్ల్‌ఫ్రెండ్ తన బాయ్‌ ఫ్రెండ్‌తో ఉన్నప్పుడు మిస్టీరియస్‌గా చనిపోతుంది. గ్రూప్‌లో అసలేం జరిగిందో తెలియక భయం, కన్ఫ్యూజన్ పెరుగుతుంది. ఒక్కరికి కూడా ఆమె ఎలా, ఎందుకు చనిపోయిందో తెలియదు. బాడీ అక్కడే ఉండడంతో టెన్షన్ పెరుగుతుంది. పైగా హెల్ప్ చేయడానికి అక్కడ ఎవ్వరూ ఉండరు.
దీంతో మిగిలిన ముగ్గురూ కలిసి ఇన్సిడెంట్‌ను కవర్ అప్ చేయాలని నిర్ణయిస్తారు. కానీ ఆ చాయిస్ వాళ్ళను మరింత టెర్రిఫైయింగ్ కాన్సెక్వెన్సెస్ వైపు నడిపిస్తుంది. నెమ్మదిగా అసలు దీనికి ఎవరు రెస్పాన్సిబుల్ అనే అనుమానాలు ఒక్కొక్కరిలో మొదలవుతాయి. తమలో తామే ఒకరిపై ఒకరు అనుమాన పడడం మొదలు పెడతారు. క్లైమాక్స్ ఊహించని ట్విస్ట్‌తో ముగుస్తుంది. మరి క్లైమాక్స్ ఏంటి? అసలు ఆ అమ్మాయి ఎలా చనిపోయింది? అన్నది మూవీని చూసి తెలుసుకోవాల్సిందే.
Read Also : సైకో నుంచి మనుషుల్ని తినే మనిషి వరకు… ఒకే సినిమాలో 6 స్టోరీలు… గుండె గుభేల్మన్పించే హర్రర్ మూవీ
Share
Weekly Horoscope: ఈ వారం రాశి ఫలం (సెప్టెంబర్‌ 14 - సెప్టెంబర్‌ 20)
Bigg Boss 9 Telugu: శ్రేష్ఠ వర్మ ఒక్క వారానికి తీసుకున్న రెమ్యూనరేషన్ ఎంతంటే..?
